Nukissiorfinni ulluinnarni sulisarpugut Kalaallit Nunaanni illoqarfinnut nunaqarfinnullu innaallagissamik, imermik kiassarnermillu patajaatsumik pilersuineq qulakkeerniarlugu. Tamatuma tunuliaqutarai sulisut tunniusimasut, suleqatigiinneq nukittooq kiisalu digitalikkut aaqqiissutit suliffeqarfiup ingerlanneqarneranik ataatsimoortitsisut.
Massakkorpiaq digitalikkut ineriartortitsineq annertooq ingerlapparput, tassanilu teknologii nutaaq atorlugu aningaasaliilluta, suleriaatsigut pitsanngorsarlugit aammalu suliffeqarfitsinnut tapersiisunik qarasaasiatigut aaqqissuussanik ineriartortitsilluta. Taamaattumik Paasissutissanik Qarasaasiatigullu Aaqqissuussanik Ingerlatsinermut Forretningskonsulentimik ujartuivugut, Business Partner-imi suleqatigiinnut ilanngunnissaminut aammalu Nukissiorfiit digitalikkut ineriartortinneqarnerani pingaarutilimmik inissisimarusuttumik.
Business Partner – ingerlatsineq, inuit teknologilu ataatsimoortillugit
Business Partner tassaavoq ingerlatsinerup, inuit teknologillu akornanni ataqatigiissaarisoq.
Suliffeqarfiup iluani immikkoortortaqarfiit assigiinngitsut qanittumik suleqatigisarpavut pisariaqartitaat paasiniarlugit aammalu taakku suliffeqarfimmut tamarmut iluaqutaasumik aaqqiissutissanngorlugit ineriartortillugit. Upperinngilarput digitaliseeriineq nammineq anguniagaasoq – upperaarput aaqqiissutit ulluinnarni sulineq oqinnerulersikkaat, aalajangiinissamut pitsaanerusumik tunngavissiisut aammalu suliassat pingaarnerit suliarinissaannut piffissaq annertunerulersikkaat.
Suleqatigiinnut ilanngukkuit siunnersueqatissatut pingaarutilittut inissisimassaatit, ineriartortitsinermut sunniuteqarnissamut aammalu suleqatinik pikkorissunik oqaloqateqarnissamut periarfissaqarlutit. Business Partner-imi pisortamut akisussaaffigissavat, suleqatigiillu akornanni suleqatigiinneq, ilisimasanik avitseqatigiinneq aammalu ineriartortitsineq ulluinnarni pingaarutilittut inissisimapput.
Atorfik assigiinngissutaasumik sunniuteqarnissamut periarfissiisoq
Uatsinni atorfik qarasaasiatigut aaqqissuussanut kisimi tunnganngilaq.
Illit tassaassaatit suleqat, allanit killilersuutitut isigineqartut periarfissatut takusinnaasatit. Suleriaatsit qanoq pitsaanerulersinneqarsinnaanerat soqutigisarissavat, isumallu pitsaasut suliffeqarfimmut tamarmut iluaqutaasunik aaqqiissutissanngortinnissaat kajumissutigissallugit.
Suliassat ilaatigut makkuussapput:
- Digitalikkut ineriartortitsinermut suliniutinik aqunneqarneq ataqatigiissaarinerlu
- Suleriaatsinik automatiseringimik pitsanngorsaanermillu periarfissanik nassaarniarneq
- Digitalikkut aaqqiissutit kiisalu ERP-systemit atuutilersinneri ineriartortinneqarnerilu
- Suleqatinut paasissutissat, systemit suleriaatsillu pillugit siunnersuineq
- Avataani pilersuinermik suleqatit siunnersortillu suleqatigalugit ataqatigiissaarineq
- Paasissutissat pitsaassusaasa qulakkeerneqarnissaat aammalu suliffeqarfiup systemiinik ineriartortitsineq
- Malittarisassanik, ilitsersuutinik aammalu best practice-mik suliaqarnikkut aaqqiissutit atoruminarnerulersinnissaat.
Piginnaanissat ineriartortinneqarnissaat pingaartipparput
Ulloq siulleq suliassat tamaasa piginnaaneqarfigereersimanissaat naatsorsuutiginngilarput.
Suleqat ujartorparput soqutiginnittoq, peqataarusuttoq aammalu allanik suleqateqarluni pitsanngorsaanissamik kajumissuseqartoq.
Immaqa suliffeqarfimmi forretningskonsulentitut, ERP-konsulentitut, projektlederitut imaluunniit superbrugeritut sulereersimavutit, imaluunniit digitaliseeriinermut suleriaatsinillu ineriartortitsinermut misilittagaqarlutit. Tunuliaqutatit pingaarnerunngillat – pingaarnerpaavoq ilinniarnissamut, ineriartornissamut aammalu suliffeqarfimmut naleqalersitsinissamut piumassuseqarnissat.
Naatsorsuutigaarput illit:
- Digitaliseeriineq, paasissutissat aammalu ingerlatsinerup ineriartortinneqarnera soqutigisarigit
- Suliffeqarfiup immikkoortortaqarfiini assigiinngitsuni inuit suleqatigalugit sulilluarsinnaassasutit
- Aaqqissuussaasumik sulisassasutit akisussaaffimmillu tigusisinnaassasutit
- Suliassanik pisariusunik atuisunut paasiuminartunik aaqqiissutissanngortitsisinnaassasutit
- Ersarissumik attaveqaqateqarsinnaassasutit, ajornanngippat qallunaatut kalaallisullu
- Suleriaatsit pioreersut ataqqillugit nutarterinissamut pitsanngorsaanissamullu sapiissuseqassasutit.
Uatsinni ineriartornissamut periarfissaqassaatit
Nukissiorfinni upperaarput inuit tassaasut suliffeqarfinnik ineriartortitsisut.
Taamaattumik suliatit nammineq sunniuteqarfiginissaannut annertuumik kiffaanngissuseqalissaatit, kiisalu digitaliseeriineq, ERP, suleriaatsinik pitsanngorsaaneq aammalu ingerlatsinerup ineriartortinneqarnera pillugit piginnaasatit ingerlaavartumik ineriartortinnissaannut periarfissaqassallutit.
Nuummi ulluinnarni suliffik
Suliffissat Nuummiissaaq – Issittumi illoqarfiit pingaarnersaanni nutaaliaasumi, suliffik inuuniarnermilu pitsaasumik ataqatigiiffiusumi.
Suliffiup, pinngortitap sunngiffimmillu sammisassat akornanni qanittumik inissisimavutit. Ulloq aallartissinnaavat digitalikkut aaqqiissutissanik nutaanik ataatsimiinnermik, naggaserlugu qaqqanut pisunnermik, kangerlummi angalanermik imaluunniit ikinngutit ilagalugit illoqarfimmi caféni neriniartarfinniluunniit ataatsimeeqateqarnermik.
Nuuk kulturikkut pisuussuteqarpoq, peqatigiiffiit ingerlalluarput inuussutissarsiutinillu ineriartortoqarluni. Tamatuma saniatigut pinngortitaq qanittuuaannarpoq. Amerlasuut suliffik pissutigalugu Nuummut nuuttarput – kisianni ulluinnarni inuunerup immikkut ittumik pitsaasuunera pissutigalugu najugaqaannartarlutik.
Anginerusumik siunertaqartumik peqataagit
Nukissiorfinni sulisut 400-t missaanniittut ullut tamaasa Kalaallit Nunaanni inuiaqatigiinnut innaallagissamik, imermik kiassarnermillu pilersuineq qulakkeerniarlugu sulisarput. Peqatigisaanik Kalaallit Nunaanni nukissiuutinik mingutsitsinnginnerusunik atuinerup siuarsarneqarnerani pingaarutilimmik inissisimavugut, nukissiuutit ataavartut, piujuartitsisumik aaqqiissutit aammalu digitalikkut ineriartortitsineq immikkut ukkataralugit.
Anguniagaraarput pilersuinermik suliffeqarfimmik nutaaliaasumik sunniuteqarluartumillu pilersitsinissaq, nutaaliorneq, akisussaassuseqarneq suleqatigiinnerlu tunngavigalugit. Tamatumunnga assigiinngitsunik piginnaasalinnik sulisunik pisariaqartitsivugut, kiisalu ataatsimoorluta ineriartortuarusussuseqartunik.
Pitsanngorsaanernik pilersitseqataarusukkuit, suleqatinik tunniusimasunik suleqateqarnissat nuannarisariguk aammalu suliffeqarfimmi inuiaqatigiinnut pingaaruteqartumi ineriartortitsinermut peqataarusukkuit, qinnuteqarnissat qilanaaraarput.
Akissarsiat atorfeqartitaanermilu atugassarititaasut
Atorfinitsitsineq Naalakkersuisut aammalu kattuffiup isumaqatiginninniarsinnaatitaasup akornanni isumaqatigiissut atuuttoq naapertorlugu pissaaq.
- Misiligaaffik qaammatinik pingasunik sivisussuseqarpoq.
- Atorfininnermi soraarnermilu angalanissamut akiliunneqarnissamut periarfissaqarpoq maleruagassat atuuttut naapertorlugit.
- Sulisunut inissiaq pequtsersugaanngitsoq innersuunneqarsinnaavoq maleruagassat atuuttut naapertorlugit. Namminersorlutik Oqartussani atorfeqarnikkut sulisunut inissiamik peqaruit, pisinnaatitaaffik taanna atuuttunik aalajangersakkanik naapertorlugu attatiinnarneqassaaq.
- Sulinermut ukiuni misilittagaqassuseq aammalu piginnaasat naapertorlugit specialkonsulentitut tapimik qinnuteqarnissamut periarfissaqarpoq.
- Qinnuteqartut ingerlaavartumik oqaloqatigineqassapput.
- Atorfininneq isumaqatigiissuteqarnikkut piaarnerpaamik pissaaq.
Paasisaqarnerorusuppit?
Atorfik pillugu paasissutissanik amerlanerusunik pissarsiniaruit Business Partner-imi pisortaq Thea Mølgaard attaveqarfigisinnaavat e-mailikkut: theam@nukissiorfiit.gl
Apeqqutit nalinginnaanerusut HR-imut saaffiginnissutigineqarsinnaapput e-mailikkut hr@nukissiorfiit.gl imaluunniit oqarasuaatikkut (+299) 34 95 00.
Sunniuteqaqataarusuppit?
Taava qinnuteqaatit nassiuguk, oqaluttuaralugulu qanoq ilillutit Nukissiorfiit digitalikkut ineriartortinneqarnerani peqataarusunnersutit.
Illit ilisarisimalernissat qilanaaraarput.
Nukissiorfiit pillugit paasissutissat amerlanerusut nittartakkatsinni atuarneqarsinnaapput: www.nukissiorfiit.gl
Qinnuteqarnissamut killissarititaasoq: juulip 23.-at, 2026