Kalaallit Nunaannut tamarmut innaallagissamik, imermik kiassarnermillu pilersuinermik ullut tamaasa qulakkeerisunik pinngitsuugassaanngitsutut attaveqaasersuutit ingerlataralugillu allanngoriartortippagut. Nukissiornermut aaqqissuussiffipput dieselimik (solaarimik), erngup nukinganik, seqerngup, anorillu nukinginik, aamma batteriinik iluarsiissutinik katitigaallutik namminersuutigisamittut innaallagissanut attaveqarfinnut 70-inut agguataakkat, tamakkulu OT-mik aamma SRO-mik aaqqissuussiffinnik allanngujaatsunik, isumannaatsunik, aamma assigiissaagaasunik annertuunik piumasaqarfiupput.
Taamaattumik ingerlatsinermut siunnersortit marluk, OT-mik, automationimik, aamma aqutsinermik aaqqissuussiffinnik soqutiginnillutillu misilittagallit inuttassarsiugaraagut, taakkulu pinngitsuugassaanngitsutut attaveqaasersuutinik suliaqarnissamik kissaateqarlutillu teknikkikkut toqqavigisatta ingerlanneqartuartutut allanngoriartortitaanerannut ilassuteqarusussapput.
Ingerlatsinermut siunnersortitut Nuummi qullersaqarfimmi Tunisassiornermut ikiorsiisarfimmi (Produktionssupportimi) ilaalissaatit, tassanilu OT-mik ilusilersuiffitta, automationimik iluarsiissutinik assigiissaarinitta, aammalu tunisassiornermik ingerlatsivitsinnut teknikkikkut ikiorsiisarfitta iluini allanngoriartortitsinerni qitiusumik inissisimaffeqassaatit.
Suliassaqarfik allivarput, taamaattumillu OT-mik avatangiisitta teknikkikkut ikiorsiisarfianik nukittorsaasussanik, OT-millu avatangiisitta assigiissaarneqarneranik, nangitatullu allanngoriartortitaaneranik peqatigiillutik inuit piginnaanillit marluk inuttassarsiorpagut. Misilittakkat piginnaasallu apeqqutaallutik suliassaqarfittut akisussaaffigisat atorfiit taakku marluk akornanni agguataarneqarsinnaapput, taamaalilluta sulianut tunngasutut ingerlattakkatigut piginnaasallit pitsaanerpaat ingerlatsisorilissagatsigit.
Illit inissisimaffigisat
OT-p Automationillu iluini ingerlatsinermut siunnersortitut Nukissiorfiit tunisassiornermik ingerlatsiviisa killeqarfii qaangerlugit aqutsinermut iluarsaassinermullu aaqqissuussiffiit allanngoriartortitaaneranni, assigiissaarneranni aamma pitsaassutsikkut qularnaagaasarneranni qitiusutut inissisimaffeqalissaatit.
Tassaalissaatit IT-mut ingerlatsinermullu pingaarutilittut suleqatigisartagaq, kiisalu suleqatinik, suliniutinik, aamma suliffiup avataani pilersuisartunik qanimut suleqateqartussaq. Taamaalinerani OT-mik ilusilersuiffitta allanngoriartortitaaneranut sunniuteqarnissamut periarfissaqassaatit, aammalu tunisassiornermik avatangiisitta nangitatut digitaalinngorsagaaneranut ilassuteqassallutit.
Inuit piginnaasallit marluk inuttassarsiugaraagut, aammalu misilittakkat piginnaasallu apeqqutaallutik suliassaqarfittut akisussaaffigisat agguataarneqarsinnaapput, taamaalilluta sulianut tunngasutut ingerlattakkatigut piginnaasallit pitsaanerpaat ingerlatsisorilissagatsigit.
Suliassatit pingaarnerpaat
- OT-mik SRO-millu aaqqissuussiffiit iluini Kalaallit Nunaanni tamarmi illoqarfinnut inoqarfinnullu teknikkikkut ikiorsiisarnerit
- Automationimik iluarsiissutini kukkussutinik ujaasinerni, pitsaanerpaanngorsaanerni nangitatullu allanngoriartortitsinerni ilassuteqartarnerit
- Programmiliornermut suliniutinillu uppernarsaassutinik misissuillunilu pitsaassusissaannik qulakkeerinninnerit
- Suliffiup avataanit automationimut pilersuisartutsinnit pilersuutit pitsaassusaannik qulakkeerinninnerit
- Aqutsinernut naleqqussaanernullu assigiissaarissutinik suliaqarlunilu atuutsitsilernerit
- Tunisassiorfittut ingerlatsiviit killeqarfii qaangerlugit assigiissaarissutinut ilassuteqarnerit
- OT-mi isumannaatsuutitsinerup ilaatut OT-mut attaveqarfinni immikkoortitsinernik ilusilersuinernillu tapersersuinerit
- Aaqqissuussiffimmi teknologiimi allanngoriartortitsinermut, digitaalinngorsaanikkullu inerisimanerup annertusarnissaanut peqataaqataanerit.
Atorfik hands-on’imit, teknikkikkullu isumasioqatigiinnermit OT-mik avatangiisitta periusissialigaasutut allanngoriartortitaaneranut tunngassuteqartuuvoq.
Sammisassaqarfigisatut suliassaqarfiit
Automation
- PLC-mik aqutsissutinik kukkussutinik ujaasinerit pitsaanerpaanngorsaanerillu
- Programmeringimik uppernarsaatit misissugaralugillu tatiginartuusutut inissittarneri
- Softwarenik taakkunanilu suussutsit aqutarinerinik ilusilersuinerit
- Programmeringimik tunngavigisanik assigiissaartitsinernik qulakkeerinninnerit.
Assigiissaarinerit pitsaassutsinillu qulakkeerinerit
- Aqutsinernut naleqqussaanernullu assigiissaarutissanik allanngortitaqarnerit
- Ingerlatsivinnut nutaanut, nutaanillu ilassuteqartarnernut piumasaqaatinik najoqqutassianik suliaqarnerit
- Pilersuisartut pilersuutaannik teknikkikkut review’it, FAT’it aamma SAT’it
- Ingerlatitsilernermut tunniussaqartarnernullu tapersersuinerit.
OT-mi isumannaatsuutitsineq
- OT-mi PLC-milu attaveqaatinik immikkoortitsinerit
- IT-mi OT-milu avatangiisit akornanni immikkoortitsinermik tapersersuinerit
- OT-mik ilusilersuiffimmi aarleqqutaasunik nalilersuisarnerit
- Isumannaatsuutitsinermut assigiissaarissutit pilersinnerini ilassuteqarnerit, ilanngullugit ungasianit attaveqartarnernut iluarsiissutit.
Suut naatsorsuutigisinnaavigit?
Tassaalissaatit Kalaallit Nunaannik tamarmik tapersersuisumi Nuummi qullersaqarfimmi Tunisassiornermut ikiorsiisarfiup (Produktionssupportip) ilaa.
Ilaatigut nukissap ataavartup, erngup nukingata, innaallagissamik siammarteriffiup, innaallagissamik tunisassiorfiup, erngup kiassarnerullu iluini immikkut ilisimasalinnik inuttalimmi teknikkikkut suleqatigiinni nukittuuni ilaalissaatit. Sulianut tunngasutut ingerlattakkat, suleqatigiinneq, aamma ilisimasanik agguataaqatigiinneq pingaartuutippagut. Suliassaqarfiup allanngoriartortitaanerani assut sunniuteqarfigalugu immikkut ilisimasalittut inissisimaffik pissarsiarissavat.
Taamaalisukkut suliffeqarfik, atugarissaarnermik assut pingaartitsisoq, ilaatigut sulinerup nalaani timigissarnermik, inooqatigiiffimmi aaqqissuussanik, aammalu suleqatigisani nukittuutut ataatsimoornermik pilik ilaaffigilissavat.
Atorfinnut atatillugu aalajangersimasumik angalasoqarnissaa aamma naatsorsuutigineqarsinnaavoq.
Kiuit?
Inunnit assigiinngitsunik piginnaanilinnit misilittagalinnillu qinnuteqartut tusarfigerusuppagut. Assersuutigalugu tassaasinnaavutit maskinmesteri, automationsingeniøri, el-ingeniøri, imaluunniit allatut teknikkikkut tunuliaqutilik.
Takorloorparput illit tassaasutit:
- SRO-mik, SCADA-mik, imaluunniit OT-mik aaqqissuussiffinnik misilittagalik
- PLC-mik aqutsissutinik aamma automationimik iluarsiissutinik suliaqarsimasoq
- Suliffeqarfissuarmi attaveqarfinnik, aamma OT-mik isumannaatsuutsitsinermik paasisimasalik
- Teknikkikkut uppernarsaatinik, aamma pitsaassutsinik qulakkeerinernik misilittagalik
- Assigiissaarinermik, digitaalinngorsaanermik, teknologiimilu allanngoriartortitsinermik soqutigisalik
- Datanik (paasissutissanik) katersisarnernik misissueqqissaarisarnernillu misilittagalik
- Aaqqissuussaasumik suliaqartoq, aammalu suliassani katitigaasuni ataatsimut isiginniffimmik attassisinnaasoq
- Attaveqaqatigiinnertigut piginnaasaqarluartoq, aammalu aaqqissuussiffimmi killeqarfiit qaangerlugit suleqatigiinnermik iluarisaqartoq.
Pilersuinermik immikkoortoqarfimmit, ingerlataqarfittut suliffeqarfissuarmit, imarsiornikkut suliffeqarfiusumit, imaluunniit pinngitsuugassaanngitsutut attaveqaasersuutinit allanit misilittagaqassaguit iluaqutaassaaq, piumasaqaataanngilarli.
Inuit piginnaanillit marluk inuttassarsiugaraagut, taamaattumillu piginnaasatigut katitikkat assigiinngitsuunissaannut ammasuuvugut. Immaqa OT-p aamma automationip iluini immikkut ilisimasalittut misilittagaqartuuvutit, imaluunniit teknikkip tungaatigut nukittuumik tunngaveqarputit, suliassaqarfiullu iluani suli annermik inerikkiartornissannut piumassuseqarlutit.
Kalaallit, danskit tuluillu oqaasiinik piginnaaneqarnissat iluaqutaassaaq, piumasaqaataanngilarli.
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Sapinngisamik piaartumik sulilernissaq imaluunniit isumaqatigiinnikkut.
Atorfininneq qaammatini pingasuni misiliutitaqarpoq.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Chef for Produktionssupport Lars Schütt attavigineqarsinnaavoq emailikkut: LARSS@nukissiorfiit.glimaluunniit oqarasuaammut: (+299) 258990.
Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: aggustip 12.-at, 2026