Nukissiorfiit Nuummi aamma Buksefjordenimi nukissiorfimmi sulisussamik innaallagisserisumik imaluunniit innaallagissamut tunngasunik ilinniagalimmik pissarsiorpoq.
Suleqatigiit ilagilissavatit, Nuummi innaallagissamik pilersuinerup aalajaatsumik ingerlanissaanik qulakkeerinnittut. Suliffik assigiinngisitaartoq neqeroorutigaarput, ingerlatsineq, aserfallatsaaliuineq kiisalu nunatsinni nukissiorfinnut pingaarnernut ineriartortitsinermut peqataaffiusoq.
Suliffik pillugu:
Atorfik Nuummi aamma Buksefjordenimi suliffiusassaaq, paarlakaajaalluni sulinermut aaqqissuussaq malillugu.
Utoqqarmiut kangerluarsunnguani sulisut marluk ataatsikkut sulisarput. Tassani imeq nukissiorfiup ulluinnarni ingerlanneqarnera akisussaaffigissavat aammalu suliassat aqutsisoq peqatigalugu nammineq pilersaarusiorlugit. Suliffik namminersornissamut periarfissagissaartoq aammalu akisussaaffimmik annertuumillu imaqartoq – ingerlatsinerup aalajaatsuunera Nuummi innaallagissamik pilersuinermut pingaaruteqarluinnarpoq.
Nuummiinnermi pingaarnerusumik sillimmatitut nukissiorfiup ingerlanneqarnerani aammalu elproduktionimi suliassat assigiinngitsut suliarisassavatit.
Suliassatit:
- Utoqqarmiut kangerluarsunnguani imeq nukissiorfiup ingerlanneqarnera nakkutigineralu
- Nuummi sillimmatitut nukissiorfiup ingerlanneqarnera aserfallatsaaliuineralu
- Innaallagissanut atortuni ajoqutinik ujarlerneq iluarsaassinerlu
- Elkedelit aamma siammarterinermut atortulersuutit ingerlanneqarnerat
- PLC-, SRO- aamma aqutsissutinut atortulersuutit atorneqarnerat aserfallatsaaliorneqarnerallu
- Appasissumik qaffasissumillu innaallagissamik atortulersuutinik suliaqarnissaq
- Nuummi innaallagissamik pilersuinerup isumannaatsuunissaa aalajaatsuunissaalu peqataaffigissallugu
Illit ujartorpatsigit:
- Innaallagisserisutut imaluunniit assingusumik el-imut tunngasumik ilinniagaqaruit
- Teknikki pillugu soqutiginnillutillu nutaanik ilinniarnissamut piumassuseqaruit
- Namminersorlutit sulisinnaallutillu akisussaaffimmik tigusisinnaaguit
- Suleqatikkuminartuullutit suleqatinnillu ikiuukkusuttarlutit
- Suliassat assigiinngitsut suliarinissaannut piareersimaguit
PLC, SRO imaluunniit aqutsissutinut atortulersuutit pillugit misilittagaqarneq iluaqutaassaaq, kisianni piumasaqaataanngilaq.
Neqeroorutigaavut:
- Suliffik pissanganartoq assigiinngiiaartoq teknikkikkullu annertoorujussuarmik imaqartoq
- Suliassat nammineq pilersaarusiornissaannut akisussaaffeqarnissamullu periarfissat pitsaasut
- Ilinniartitaanikkut inuttullu ineriartornissamut periarfissat pitsaasut
- Akissarsiat atorfeqarnermilu atugassarititaasut maleruagassat atuuttut naapertorlugit
- Ukiumut ataasiarluni ilaqutariinnut feriefrirejse
- Suleqatit assigiinngitsunik tunuliaqutallit suleqatigiiffiillu pitsaasoq
Atorfinitsitsinermut pissutsit:
Akissarsianut atorfininnissamullu pissutsit Kalaallit Naalakkersuisuisa isumaqatigiissutaat aammalu peqatigiiffiit isumaqatigiinniarnermut pisussaasut isumaqatigiissutaat malillugit ingerlasarput. Atorfik qaammatini pingasuni misiliiffittut piffissalerneqartarpoq.
Inissamik innersuussisoqarsinnaanngilaq.
Taannaavit suleqat ujartugarput?
Taamaappat qinnuteqaatit piaarnerpaamik ”søg stilling”-ikkut nassiuguk.
Apeqqutit allat atorfimmut tunngasut akissutissarsineqarsinnaapput Souschef/Teamleder for Elproduktion og Vandkraft Kristin Isholm, tlf: +299342270 E-mail: KI@nukissiorfiit.gl
Aningaasarsianut atorfimmullu piumasaqaatit hr@nukissiorfiit.gl -mut nassiunneqarsinnaapput
Nukissiorfiit pillugit
Nukissiorfiit Kalaallit Nunaat tamaat innaallagissamik, imermik kissarnermillu pilersorpaa. Atuisutsinnut aningaasartuutitigut sunniuteqarluartumik aaqqiissutinillu piujuartitsisunik anguniagaqarusulluta piumassuseqarluta sulisuuvugut. 2019-mi nukissiornermik ataavartumik tunisassiornerput 72%-miippoq. 2030-p tungaanut ataavartumik nukissiornerup 100%-nngornissaa suliniutigaarput. Isumannaallisaaneq, sulisut atugarissaarnissaat suleqatigiilluarnerlu annertuumik pingaartitaraagut. Taamaasilluta aamma Kalaallit Nunaanni Danmarkimilu sulisut ilorrisimaartuunerisa annersaasa ilaanniippuguttaaq. Nukissiorfiit.gl aqqutigalugu paasisaqarnerugit.
Qinnuteqarnissamut killissarititaasoq: aggustip 16.-at, 2026