Teknikkimik ingerlatsineq aserfallatsaaliuinerlu soqutigisaraajuk, aammalu nunaqarfinni innaallagissamik imermillu pilersuinerup patajaatsumik ingerlanissaa pingaartippiuk? Taava illit suleqatissatut ujartopatsigit.
Nunaqarfimmi suleqataasutut ulluinnarni innaallagissamik imermillu pilersuinerup ingerlanneqarneranik aserfallatsaaliuineranillu pingaarutilimmik suliaqassaatit. Suliffik assigiinngisitaartoq namminersorluni sulisinnaanermik aammalu nunaqarfiit akornanni suleqateqarnermik imaqarpoq.
Suliassat pingaarnerit
Suliassatit ilaatigut makkuussapput:
- Innaallagissamik imermillu tunisassiorfiit ulluinnarni ingerlanneqarnerat aserfallatsaaliorneqarnerallu.
- Innaallagissamik imermillu siammarteriviit ulluinnarni ingerlanneqarnerat aserfallatsaaliorneqarnerallu.
- Aqqusinerni qullilersuutit ingerlanneqarnerat aserfallatsaaliorneqarnerallu.
- Nukissiuutit ataavartut (VE-anlæg) ingerlanneqarnerat aserfallatsaaliorneqarnerallu.
- Serticami ullut tamaasa qaammammullu ataasiarluni misissuisarneq (rundering).
- Serticami suliassanik pilersitsineq nalunaarsuinerlu.
Immikkut akisussaaffiit
- Imermik bakterianik misissugassanik tigusineq Facility Manager Bygder suleqatigalugu.
Ilinnut naatsorsuutigut
- Ulluinnarni ingerlatsinermut aserfallatsaaliuinermullu ilisimasaqartutit.
- Inuussutissarsiutinut attuumassutilimmik ilinniagaqarsimasutit imaluunniit suliffimmi ilinniartitsissuteqarnikkut piginnaasaqalersimasutit.
- Qarasaasiamik nalinginnaasumik atuinermik ilisimasaqartutit.
- Serticamik DDS-imillu ilisimasaqartutit imaluunniit ilinniarnissannut piumassuseqartutit.
- Namminersorlutit, akisussaassuseqartumik aaqqissuussaasumillu sulisinnaasutit.
- Suleqatiginnissinnaalluartutit sullissiumatuutullu eqqarsartaaseqartutit.
- Suliffiup allanngorartuunera naleqqussarfigisinnaagit.
Atorfinitsitsinermut pissutsit
Akissarsianut atorfininnissamullu pissutsit Kalaallit Naalakkersuisuisa isumaqatigiissutaat aammalu peqatigiiffiit isumaqatigiinniarnermut pisussaasut isumaqatigiissutaat malillugit ingerlasarput. Atorfik qaammatini pingasuni misiliiffittut piffissalerneqartarpoq.
Inissamik innersuussisoqarsinnaanngilaq.
Tassaavit suleqat ujartugarput?
Taamaappat qinnuteqaatit piaarnerpaamik ”søg stilling”-ikkut nassiuguk. Apeqqutissaqaruit Driftsansvarlig Teamleder for bygder i Kujalleq Søren Pedersen attavigiuk tlf: +299647802 e-mail: SPE@nukissiorfiit.gl
Apeqqutit allat atorfimmut tunngasut akissutissarsineqarsinnaapput Aningaasarsianut atorfimmullu piumasaqaatit hr@nukissiorfiit.gl -mut nassiunneqarsinnaapput
Nukissiorfiit pillugit
Nukissiorfiit Kalaallit Nunaat tamaat innaallagissamik, imermik kissarnermillu pilersorpaa. Atuisutsinnut aningaasartuutitigut sunniuteqarluartumik aaqqiissutinillu piujuartitsisunik anguniagaqarusulluta piumassuseqarluta sulisuuvugut. 2019-mi nukissiornermik ataavartumik tunisassiornerput 72%-miippoq. 2030-p tungaanut ataavartumik nukissiornerup 100%-nngornissaa suliniutigaarput. Isumannaallisaaneq, sulisut atugarissaarnissaat suleqatigiilluarnerlu annertuumik pingaartitaraagut. Taamaasilluta aamma Kalaallit Nunaanni Danmarkimilu sulisut ilorrisimaartuunerisa annersaasa ilaanniippuguttaaq. Nukissiorfiit.gl aqqutigalugu paasisaqarnerugit.
Qinnuteqarnissamut killissarititaasoq: juulip 31.-at, 2026