Imermik pilersuinermut formandimit ilitsersuutit najoqqutaralugit, kiisalu immikkoortoqarfiit sinnerinik isumaqatigiissutit malillugit imertaatinik aquttup suliassat isumagisarpai.
Imertaatip ingerlanneranut aserfallatsaaliorneranullu imertaaninut aquttoq akisussaaffeqarpoq, imeqarfimmut formandimik isumasioqatiginnilluni pisortat piumasaqaataasa malinnissaat qularnaassallugit.
Akisussaaffeqarfiit
- Imermik pilersuineq.
- Imertaatinut inissiisarfik.
- Imertaatit.
- Sapaatip akunnikkaarluni pingaartuusarnermik paarlakaalluni nalinginnarmik suliffiusup avataani ingerlanneqartartumik aggeqquneqartartutut pigaartuusarnissaq.
- Pingaartuutilluni arfininngornikkut suliffeqarfinnut imermik pajuttuineq
- Imeqarfimmi pigaartoq qatserisartoqarfik tamatuminnga qinnuiginnikkaangat ulloq unnuarlu qaqugukkulluunniit ikuallannermi qatserisarfimmik ikiuisassaaq.
- Nalliuttorsuarni sulisoqartassaaq, taamaallaat pineqarnatik 25. decembari, aamma 1. januaari (nalliuttorsuarni imermik pilersuineq naammassigaanni soraartoqartarpoq).
Sulisuusoq suleqatigiit iluanni suleqatigiinnitsialak pilersinniarlugu suliaqarfigisaminik peqataaqataavoq.
Suliassat
- Imertaatinik aserfallatsaaliuineq, ajoqutaasumik imaluunniit amigaataasumik paasisaqarnermi erniinnaartumik imeqarfiup formandianut ajoqutaasumik nalunaaruteqartarneq.
- Aasakkut ukiup affaani sapaatip akunnikkaartumik imertaanik saliisarneq, ukiuuneratalu nalaani ukiup affaani qaammatikkaartumik.
- Imertaatip aquttarfianik saliineq, aammalu tallimanngornerit tamaasa orsersuisarneq, taamaalilluni pajuttaat ataasinngornikkut ullaarnganiit piareersimassammat.
- Atuisartut tankiannut imermik pilersuineq.
- Isumannaatsumik pissuseqartumik imermik pajuttaatip atuisartunut ingerlattarnissaa, pissutsit malillugit biilertoqassaaq.
- Imermik tunniussinngitsoornermi peqqutaasunik nalunaaruteqartarneq.
- Imermik pissarsisimanngitsunik nioqquteqarfigisanik aqutsisinnaaniarluni allaffimmi nivinngaasarfik atorneqassaaq.
- Imeqarfimmi formandi ajoquteqarnermut nalunaarut pillugu aamma ilisimatinneqassaaq.
Upernavik pillugu naatsumik
Allaat nunarsuarmi qiperuisartuni pikkorinnerpaat Kalaallit Nunaanni Upernaviup eqqaaniittunut iluliarujussuarni immikkuualuttortat qipioraartut imaluunniit angissusaat takorloorsinnaassanngilaat.
Ungasianiit Baffinip Kangerliuamarngata ilaani sineriammi kipisaartutut ittumi qeqertat tusintilikkaat ilaatut tamakku isikkoqarajuttuupput, aammalu nunatami tammartakajaarfimmi tamaani toqqorsimasut pinngortitami naleqanngitsut, najugaqarfiillu ungasissumiittut ilisimasassarsiorfigitinniarlugit angalasut misigisassarsiorusuttut aggersartarpaat.
Ilinni suut perusutaraagut?
- Suleqatikkuminartoq.
- Biilinut anginernut ingerlatsisinnaanermut allagartalik.
Akissaatitigut atorfinitsitaanermilu atugassarititat
Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatini pingasuni misilitsiffeqarpoq.
Atorfimmut atatillugu inissamik innersuussisoqarsinnaanngilaq. Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
Tassaavit suleqat ujagarput?
Taama ”Atorfik una qinnuteqarfigiuk” aqqutigalugu qinnuteqaatit piaarnerpaamik nassiuguk.
Atorfik pillugu erseqqinnerusutut paasissutissat ugguuna pissarsiarineqarsinnaapput:
Suliassat akisussaaffigisassarlu pillugit annerusumik paasisaqarusukkuit saaffingisinnaavat suleqatigiinni aqutsisoq Aggo Kristensen (+299) 248150, AKR@nukissiorfiit.gl
Aamma saaffingineqarsinnaavoq imeqarfimmi formand Søren Hinrup (+299) 522140 smi@nukissiorfiit.gl
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: Sulisoqarnermut immikkoortortaq HR@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: februaarip 6.-at, 2026