Nunaqarfinni innaallagissamik imermillu pilersuinerup patajaatsuunissaa qulakkeerniarlugu peqataarusuppit? Teknikkimut, aqutsinermut inuiaqatigiinnullu pingaarutilimmik sullissinermut soqutiginnippit? Taava illit immaqa Nukissiorfiit Disko-mi immikkoortortaqarfiani Nunaqarfinni ingerlatsinermut akisussaasutut Teamlederitut ujarpatsigit.
Atorfik pillugu
Nunaqarfinni ingerlatsinermut akisussaasutut Teamlederitut nunaqarfinni ulluinnarni ingerlatsinermut aqutsinermullu tamakkiisumik akisussaaffigissavat. Innaallagissamik imermillu pilersuinerup isumannaatsuunissaa patajaatsuunissaalu qulakkiissavat kiisalu Nukissiorfiit periusissiaat, malittarisassiaat, ilitsersuutaat najoqqutaralugit aqutsinikkut, fag-itigut, isumannaallisaanikkut allaffissornikkullu ineriartortitsinermik ingerlatsissallutit.
Suleeriaatsit, periutsit inatsisinillu atuuttut tamarmik malinneqarnissaat akisussaaffigissavat.
Suliassat pingaarnerit:
Aqutsineq
- Nunaqarfinni aqutsisut sulisullu ulluinnarni suliassaqarfitsigullu aqutsivigissallugit.
- Sulisut sulinngiffeqarnerisa, pigaartuunerit (vagt) aammalu taarseraanissat pilersaarusiorlugit ataqatigiissassallugit.
- Sulisunik atorfinitsitsinermi soraarsitsinermilu Disko-mi immikkoortortaqarfiup pisortaa suleqatigalugu peqataaneq.
- Sulisut ineriartortinneqarnissaannut oqaloqatiginninnernik (MUS) ingerlatsineq.
- Ilisimasaqarnerup avitseqatigiinnissaa, sulisunik kajumissaarineq piginnaasatigullu ineriartortitsineq.
- Suliffimmi avatangiisit isumannaatsuunerlu pillugit suliniutinik ineriartortitsineq.
- Oqartussanik najukkanilu inuussutissarsiutilinnik suleqateqarneq.
Ingerlatsineq:
- Ingerlatsinermik pilersaarusiorneq, malinnaaneq kiisalu ingerlatsinermut aserfallatsaaliuinermullu paasissutissanik nalunaarusiorneq.
- Nunaqarfinni innaallagissamik imermillu pilersuinerup isumannaatsuunissaa qulakkiissallugu.
- Ajunaarnersuaqarnerani upalungaarsimanissamut pilersaarusiorneq, misilittarneq nutarterinerlu.
- Illuutinik ingerlatsineq aserfallatsaaliuinerlu kiisalu illoqarfinni nunaqarfinnilu allani tapersiineq.
- Nukissiorfiit ERP-systemi atorlugu ingerlatsinermut aserfallatsaaliuinermullu modulimik atuinerup ineriartortinnissaa ilinniartitsinerlu.
- Teknikki atorlugu sanaartukkanik illuutinillu pitsaanerpaamik atorneqarnissaannik siunnersuusiortarneq.
Aningaasaqarneq allaffissornerlu:
- Nunaqarfiit ingerlatsinermut missingersuutaat suliaralugillu malinnaaffigissallugit.
- Pisiniarnermut atatillugu Nukissiorfiit malittarisassiaasa isumaqatigiissutaasalu malinneqarnissaat qulakkiissallugu.
- Sulisunik fakturanik nakkutilliinermi akuersissuteqartarnermilu ilitsersuineq.
- Innaallagissamut imermullu attaviliinissamut qinnuteqaatinik suliarinninnermi peqataaneq.
- Sivisuumik aningaasaliinissamut pilersaarusiornermut aammalu Business Case-nik suliaqarnermut peqataaneq.
Sanaartorneq oqartussaasunullu suliassat:
- Suliniutini Disko-mi immikkoortortaqarfiup pisortaanit peqquneqarnikkut aqutsisooqatigiinni siulittaasutut atuuffeqarnissaq.
- Sanaartornermut paasissutissanik uppernarsaatinillu ERP-systemimi nalunaarsuineq.
- Suliniutinik nutaanik siunnersuusiornermut, pitsanngorsaanermut iluarsartuussinermullu peqataaneq.
- Innaallagissamut Avatangiisinullu Oqartussaasut malittarisassiaasa malinneqarnissaat qulakkiissallugu.
- Allagaatinik uppernarsaatinillu nutarterineq aammalu Nukissiorfiit elektroniskiusumik toqqorsivianut ilanngunneqarnissaat qulakkiissallugu.
Illit naatsorsuutigaarput:
- Qaffasissumik teknikkikkut ilinniagaqarsimasutit imaluunniit allamik naleqquttumik ilinniagaqarsimasutit, illuutinik ingerlatsinermut ilisimasalik.
- Aqutsinermik ilinniagaqarsimasutit, pitsaanerpaamik diplomniveau-mi.
- Aqutsinermik misilittagaqartutit kiisalu pilersuinermik ingerlatsinermik aserfallatsaaliuinermillu misilittagaqarnissat iluaqutaassaaq.
- Namminersorsinnaassasutit kiisalu suleqatigiinni pitsaasumik suleqataasinnaassasutit.
- Pilersaarusiorsinnaasutit, nutaaliorusuttutit periarfissanillu takunnissinnaasutit.
- Kalaallisut qallunaatullu oqaatsit atorsinnaagitit.
- Biilersinnaanermut allagartaqartutit.
- Qarasaasiamik atuinermik aammalu database-nik ilisimasaqartutit.
Neqeroorutigaavut:
- Aqutsisutut atorfik pissanganartoq akisussaaffeqarluartorlu inuiaqatigiinnut pingaarutilimmik sunniuteqarfiusoq.
- Ingerlatsinermut, sulisunut suleriaatsinullu ineriartortitsinissamut periarfissaq.
- Suliaq assigiinngisitaartoq teknikkimut, allaffissornermut aqutsinermullu tunngasoq.
- Suliffik inuiaqatigiinnut pingaaruteqartoq suleqatigiillu pitsaasut.
Pingaartumik atugassarititaasut:
- Aasianni najugaqarnissamut pisussaaffik.
- Oqarasuaat malittarisassat atuuttut naapertorlugit atugassiissutigineqassaaq.
- Sumiiffik: Aasiaat, Disko-mi immikkoortortaq.
Akissaatitigut atorfeqartitaanermilu atugassarititaasut:
- Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
- Atorfininneq qaammatini pingasuni misiliutitaqarpoq.
- Atorfimmut atatillugu inissamik innersuussisoqarsinnaanngilaq.
- Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
- Sulilerfissaq: Isumaqatigiissuteqarnikkut.
Suli paasissutissanik amerlanerusunik pissarserusuppit?
Atorfik pillugu paasissutissat amerlanerusut pissarsiarisinnaavatit Ovenugaq Lyberth, distriktschef attavigalugu uunga e-mail: ol@nukissiorfiit.gl.
Apeqqutit allat Sulisoqarnermut Immikkoortortaqarfimmut (HR) e-mailikkut saaffiginnissutigineqarsinnaapput, HR@nukissiorfiit.gl -mut.
Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.
Qinnuteqarnissamut killissarititaasoq: juulip 9.-at, 2026