Nukissiorfiit Aasiaat Skibsmontørimik /Ingerlatsinermi suleqatissamik pissarsiorpugut, atorfinittussanik piaartumik imaluunniit isumaqatigiissuteqarnikkut. Atorfik Innaallassamut kiassarnermullu Suleqatigiinni aqutsisup ataani inissisimavoq.
Atorfik pillugu:
Tassaalissaatit sulisunik tallimanik inuttalimmi suleqatigiinni ilaalersoq, ullullu atukkat pissanganarlutillu tamatigoortut pissarsiarissavatit, tamaani teknikkikkut ingerlatsivinnik ikkussukkanillu ingerlatsinermik, aserfallatsaaliuinermik aamma allanngoriartortitsinermik suliaqassallutit. Atorfimmi ingerlatsinerup ataavartup qularnaarnissaanut peqataaqataassaatit, kiisalu isumannaatsuutitsinermi pisortanillu piumasaqaatinik atuuttunik malittarinnitsitsissallutit. Aamma sulisunik aamma suleqatissanik nutaanik ilinniartitsinerni peqataassaatit, suliaqarnermi ingerlattakkat allanngoriartortinnissaannut suliaqarfigisannik ilassuteqartassallutit, aammalu suleqatigiinni suleqatiginnitsialammut ilassuteqartuusassallutit. Tamakku saniatigut suleqatigiinni aqutsisumik formandimillu suelqateqarlutit siunertanut aalajangersimasunut suliassanik assigiinngitsunik suliaqartassaatit, kiisalu pigaartuusarfittut aaqqiissummi ilaallutillu, nunap immikkoortuani angalasarnerni peqataasassaatit.
Illit tassaavutit:
Umiarsuarmi motorilerisutut (skibsmontør), maskiinalerisutut (maskinist) imaluunniit assassormermi tulluartumik ilinniagaqarsimanissat naatsorsuutigaarput.
Namminersuutigisannik aamma suleqatigiit ilaattut sulisinnaanissat naatsorsuutigaagut.
Tassaavutit pilersitserusussusilik, akisussaaffigisamik sianiginnittoq, iluarsiiniartuusorlu, aammalu suliassanik assigiinngiiaartunik ajorisaqanngitsoq. Kalaallit danskillu oqaasiinik oqaluttarlutillu allattarsinnaassaguit, biilersinnaanermut allagartaqassaguit, aammalu tunngaviusutut qarasaasialerinermik ilisimasaqassaguit iluaqutaassapput.
Suleqatigiinni najoqqutassialigaanngitsuni nukittuunilu atorfimmik pissanganartumik neqerooruteqarpugut, tassaniippullu inuttut aamma sulianut tunngasutut ingerlattakkatigut inerikkiartorfissatut periarfissatsialaat. Taamaalinerani suliassannik sunniuteqarnissannut, aammalu suliffeqarfimmik allanngoriartortitseqataanissamut periarfissanik pissarsissaatit.
Akissarsiatigut atorfeqartitaanermilu atugassarititat
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.
Atorfinitsitsinermi qaammatit pingasut siulliit misiliutaassapput.
Atorfittoqarsinnaavoq isumaqatigiissuteqarnikkut.
Atorfimmut atatillugu inissamik innersuussisoqarsinnaavoq.
Atorfimmut tunngasunik paasisaqarnerorusukkuit:
Atorfik pillgu apeqqutissaqaruit Suleqatigiinnut aqutsisoq Ahmed Abubakar Chaudhry attavigineqarsinnaavoq e-mailikkut: ahcha@nukissiorfiit.gl imaluunniit oqarasuaammut: (+299) 536261-mut.
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-mi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Tassaavugummi Kalaallit Nunaanni aamma Danmarkimi suliffiit sulisuminnit nuannarineqarnerpaarpaat akornanniittoq. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: juunip 10.-at, 2026