Suleqatitsinnut innaallagissamut, imermut kiassarnermullu uuttuutinik ikkussuinermik, ingerlatsinermik, ajoqutaasunillu nassaarniarnermik, aammalu Nukissaliup orsersortarfiinik ingerlatsinernik sulialinnut Nuummi Nukissiorfiit ingerlatsinermut teknikerimik pimoorussaqarlunilu sulianut tunngasutigut piginnaanilimmik inuttassarsiorpoq.
Atorfik pillugu
Suleqatigiinni ingerlatsinermut teknikeritut atuisartutsinnut eqqortumik uuttortaanerup, allanngujaatsumillu pilersuinermut qularnaariniarnermi qitiusutut inissisimaffeqassaatit. Siamasissunut attaveqassaatit, aammalu namminersuutigisannik, aammalu suleqatitit qanimut suleqatigalugit sulisassallutit.
Suliassatit ilaatigut tassaassapput:
- Innaallagissamik, imermik kiassarnermillu uuttortaatit ikkussorneri aamma taarsersorneri
- Nukissaliup orsersortarfiinik ikkussuinerit ingerlatsilernerillu
- Uuttortaatini, orsersortarfinni attaveqaqatigiinnermilu atortuni ajoqutaasunik ujaasinerit iluarsaassisarnerillu
- Uuttortaatinut iluarsiissutinik ingerlatsinerit, aserfallatsaaliuinerit nutaanillu ilalersuiuartarnerit
- Aaqqiissutitsinni suliamik isumagisamik uppernarsaanerit
- Uuttortaanik orsersortarfinnillu suliaqarnernut atatillugit atuisartunut attaveqarnerit
- Ingerlatsinerit allanngoriartortitsinerillu pillugit suliffiup iluani immikkoortoqarfinnik suleqateqarnerit
- Innaallagissamut, imermut kiassarnermullu suliarisat iluini immikkoortoqarfiit killeqarfii qaangerlugit siunertanut aalajangersimasunut suliassat
Piginnaasat
Ima ittutit ujarpatsigit:
- Teknikkimik ilinniagaqarnermut attuumassutilimmik ilinniagalik – ajornanngippat innaallagisserinermi teknikkikkut tunngavigisamik, soorlu innaallagisserisoq, automatikteknikeri
- Ingerlatsinermik, suliarinnittarnernik, imaluunniit teknikkikkut ikkussuisarnernik misilittagalik
- Namminersuutigisaminik, imminut najoqqutassaqartitamik, akisussaaffigisamillu sianiginnilluni sulisartoq
- Kiffartuusserusuttoq, atuisartunillu paasissaasumik attaveqaqatigiittartoq
- Biilernermut B-mik allagartalik
- Ajornanngippat uuttortaatinut aaqqiissutinik misilittagalik (piumasaqaataanngilaq – ajorinagu ilinniartissavatsigit)
Makku neqeroorutigaagut
Nukissiorfiit iluani sulianut tunngasutut nukittuutut avatangiisini, aammalu suliffeqarfimmi inuiaqatigiinni pingaarutilinnik suliassalimmi ilaalissatit. Makku neqeroorutigaagut:
- Atorfik pissanganartoq, assigiinngiiaartunik suliassartalik
- Sulianut tunngasutut inerikkiartornissamut ilinniartitaanissamullu periarfissatsialaat
- Suleqatinik ikiuiumatuunik peqarluni sullivimmi avatangiisitsialaat
- Piginnaasat malillugit aningaasarsiaqarneq
- Isumaqatigiissut atuuttoq najoqqutaralugu atorfinitsitaanermi atugassarisat
- Qaammatini pingasuni misilitsiffik
Akissaatitigut atorfinitsitaanermilu atugassarititat
Aningaasarsianut atorfinitsitaanermullu pissutsit Namminersorlutik Oqartussat aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq malillugu pissapput.
Atorfik qaammatinik pingasunik misilitsiffeqarpoq.
Atorfimmut atatillugu inissamik innersuussisoqarsinnaanngilaq.
Annermik paasisaqarusuppit?
Taava ajukua oqarasuaatikkut saaffiginniffissat, Uuttortaatinut tunngasuni suleqatigiinni aqutsisoq
Svend Karl Møller Karlson oq. (+299) 23 87 66 imaluunniit Nunap immikkoortuanut Allaffimmi Pisortaq Julie Johannesen, oq. (+299) 342279
Apeqqutit nalinginnaanerusut HR-ip immikkoortoqarfianut nassiuteqquneqarput, hr@nukissiorfiit.gl imaluunniit oq. (+299) 34 95 00.
Nukissiorfiit pilluguNukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup tamakkiisuunissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: maajip 26.-at, 2026