Paamiuni innaallagissamik tunisassiorfittut ingerlatsivinni ulluinnarni ingerlatsinermut attuumassutilinnik suliassanik isumaginnittuussaatit.
Suliassani pingaarnerni aamma ilaapput malitassanut, peqqussutinut ilitsersuutinullu tamakkunaniittunut najoqqutaqarluni allaffissornermi pisortatullu tunngasutut suliassat. Suliffiup iluani suleqatigiinni, nunap immikkoortuani aamma suliffeqarfimmi suleqatigiinnitsialammut formandi suliaqarfigisaminik peqataaffeqarpoq.
Suleqatinut ilinniagalinnut ilinniagaqarsimanngitsunullu akisussaaffeqassaatit, ilaallutik ilinniartut, taakkulu Paamiuni innaallagissamik tunisassiornermut atasuupput. Pisortat qaninnerpaaq tassaavoq Ingerlatsinermut akisussaasutut Suleqatigiinni aqutsisoq.
Aamma akisussaaffigisatut suliassaqarfiup iluani sulianut tunngasutut ingerlatat imarisaannik pitsaanerpaanngorsaallunilu allanngoriartortitsinermut siunnersuutit suliarineranni peqataassaatit.
Suleqatigiinni aqutsisumik suleqateqarlutit Paamiuni innaallagissiorfimmut immikkoortoqarfimmi sulisunut atasuussaatit, aammalu pigaartuuffittut aaqqissuussami ilaanissat piareersimaffigissavat.
Tamakku saniatigut suliffiup iluani ingerlattakkat ingerlatariuakkatut allanngoriartortitaaneri malittarinerilu formandip akisussaaffigai, kiisalu suliassaqarfinni tamarmiusuni inatsisit atuuttuusut ilanngullugit, makku ingammik:
- Isumannaatsuutitsinermut pisortaasunillu piumasaqaatit.
- Nukissiorfiit Paamiunut atasutut sulisunik teknikkikkut ingerlatsiviit taakku, kiisalu ilaasutut sakkut atugarinerinik ilinniartitsinerit.
- Pigaartuuffittut aaqqiissummi ilaalernissaat sioqqullugit sulisunik nutaanik ilinniartitsinerni peqataanerit.
- Nukissiorfiit Corporate Social Responsibilitymik anguniagaanik piviusunngortitsillunilu allanngoriartortitsinermi peqataanerit.
- Ingerlatsinermut akisussaaffilittut Suleqatigiinni aqutsisup innersuutai malillugit siunertanut aalajangersimasunik suliassanik isumaginninnerit.
Makkuninnga piginnaasaqassaguit iluaqutaassaaq:
- Teknikkikkut sulianut tunngasutut ilinniagalik, ajornanngippat maskinistitut.
- Namminersuteqarluni sulisinnaasoq, soorlulusooq suleqatigiinni sulisinnaasoq.
- Nutaaliorlunilu pilersitserusussusilik, killiliissutit pinnagit periarfissanik takusisoq.
- Kalaallit aamma danskit oqaasiinik oqaluttarlutillu allattassaguit iluaqutaassaaq, tamannali piumasaqaataanngilaq.
- Qarasaasianik atuisartutut inissisimaffimmi ilisimasalik.
- Biilersinnaanermut allagartalik.
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.
Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
Atorfimmut atatillugu angalaneq aammalu pequttat akiliunneqarsinnaavoq, ukiullu pingasut ataannartumik atorfeqarnermi soraanermi angalaneq aammalu pisattat akilerneqarsinnaapput, illoqutigiit aammalu meeqqat 18-ninik ukiullit ataallugit.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik Driftsansvarlig Teamleder, Ole Dal Nielsen attavigineqarsinnaavoq emailikkut: odn@nukissiorfiit.gl imaluunniit oqarasuaammut: (+299) 684891.
Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: apriilip 22.-at, 2026