Inissisimaffinni Uummannami suleqatigiinni ilaalissaatit, aammali Nunap immikkoortua Avannaani sulianut tunngasutut ataatsimiititaliani eqimattuni ilaalissaatit, tassanilu Qaanaamit, Upernavimmit Uummannamillu sulisunik inuttaqartoqarpoq.
Suleqatit pikkorissut, pimoorussisut akuersaartullu inuttaralugit suleqatigiit ilaaffigilissavatit. Uagutsinni suleqatigiinnerup iluani, assigiinngitsunik tunuliaqutaqarlutik suleqatinik assigiinngitsunik ingerlatseqateqartarnerit iluini, aammalu suliffeqarfiup savituup ilaatut piginnaasannik atuinissamut sulianut tunngasunut, inuttullu inerikkiartornissamut periarfissaqassaatit.
Suliassatit pingaarnerpaat tassaapput:
- Innaallagissiorfiit imeqarfiillu ingerlatsiviinik illuttaannillu ingerlatsillunilu aserfallatsaaliuinerit, ilanngullugit nunaqarfinni ingerlatsivinni sumiiffiusuni tamani saliisarnerit eqqiluisaarisarnerillu
- Sillimmatinik nakkutilliinerit, aammalu ingerlatsivimmi kukkussutinik amigaatinillu nakkutilliinerit, kiisalu toqqorsiveqarnermut aaqqiissutaasoq aqqutigalugu sillimmatinik atuisarnernik nalunaarisarnerit
- Ingerlatsinermi isumannaatsuutitsinerup annertusarnissaanik sulissuteqarneq
- Pigaartuunermik aaqqiissummi ilaaneq
- Siunertanut aalajangersimasunut suliassat assigiinngitsut
- Ilinniartuusumik suliap ingerlatarinera
Nunaqarfimmi formanditut atorfimmik isumaginnissinnaasaguit ina ittuunissat takorloorparput:
- Attuumassutilimmik sulianut tunngasumik ilinniagalik (maskinmesteri, skibsmontøri assingusorluunniit)
- Sakkunik maskiinanillu assigiinngitsutut ilusilinnik suliaqarsinnaasoq. Maskiinanik oqimaatsunik aserfallatsaaliuinikkut misilittagaqarneq iluaqutaavoq
- Aqqusinermi qullinik aserfallatsaaliuisarnernik misilittagalik
- Innaallagissamik siammarterinerup imermillu pilersuinerup iluini sulianut tunngasutut sulissaqarfiusunik ilisimasalik
- Piareeqqasoq, aammalu sulinermi pissutsit taarseraattut isumagisinnaavai, pisariaqalerneranilu immikkut iliuuseqarsinnaavoq
- Biilersinnaanermut allagartalik
- Pisinnaassuseqarnermut uppernarsaat piumasarineqarpoq kisianni piumasaqaataanngilaq
- Suliartortuartartoq suleqatiginnikkusuttorlu
Nunaqarfimmi formanditut tassaalissaatit suliffeqarfiup, pikkorissutsimik, aamma pimoorussiffittut suliffeqarfimmi kultureqarfiusup malunnaatillup ilaa. Atorfik pissanganartuuvoq, tassanilu annertuumik aalajangeeqataasinnaaffik pissarsiarissavat, aammalu ulluni atugaasuni suliaqarnermik sunniuteqarnissamut pilersaarusiornissamullu periarfissaqassallutit, minnerunngitsumillu sulinermik nuannarisaqarnermik sammisaqarfigisatsinni ataatsimoorfitsialammi ilaalissaatit.
Atorfinitsitaanermi pissutsit
Aningaasarsiat atorfinitsitaanerlu Namminersorlutik Oqartussat, aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq malillugu pipput. Atorfik qaammatini pingasuni misilitsiffeqarpoq.
Inissiaq
Atorfimmut inissiamik innersuussisoqarsinnaanngilaq. Qinnuteqartorli Namminersorlutik Oqartussani atorfeqarneq aqqutigalugu sulisunut inissiamik peqariissappat tassunga pisinnaatitaaffik pigiinnarneqassaaq.
Tassaavugut illit suleqatitaatit?
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Driftsansvarlig Teamleder Gert Kjær attavigineqarsinnaavoq emailikkut: GK@nukissiorfiit.gl imaluunniit oqarasuaammut: (+299) 647803.
Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: marsip 27.-at, 2026