Nukissiorfiit Tasiilami innaallagissiorfimmi asaasartussamik pissarsiorpoq, sapinngisamik nukingertumik imaluunniit isumaqatigiissuteqarnikkut atorfinittussamik. Sulineq ullormut akunnerit sisamat, katillugu sapaatip akunneranut akunnerit 20-it sivisussuseqartussatut naatsorsuussavoq. Atorfinittussaq suleqatigiinnut aqutsisup ataani sulissaaq.
Eqqiaasutut makku akisussaaffigissavatit:
- Allaffeqarfiup illuutaa aamma sulisut suliffigisaat eqqiartassallugit
- Innaallagissorfimmi aamma imeqarfimmi eqqiaasarnermi ikiuutissallutit
- Eqqiaatinik aamma tassunga atortussanik pisiniarneq
- Allarutit, erruutit assigisaalu errorlugit
- Qulakkiissallugu, immikkoortortaqarfiit eqqiagaasimassasut aamma Nukissiorfinnut takujuminartuusutut isikkoqartissallugit
- Pisariaqarfiani Nukissorfiits unnuisarfiutai eqqiarlugit
- Immikkut ittumik suliassat, soorlu illup/illut torersarneqarnissaannut ikiuunneq
Naatsorsuutigaarput illit:
- Nammineerlutit, eqqiaanissamut pilersaarut naapertorlugu sulisinnaasutit
- Maluginiartassagit sumi torersaanissaq eqqiaannissarlu pisariaqarnersoq
- Akoorutissat (kemikaliat) aamma eqqiaatit atornissaannut ilisimasaqartutit
- Kiffartuussillaqqissuusutit aamma suleqatigiuminartuusutit
Neqeroorfigisinnaavatsigit:
- Sulineq pissanganartoq avatangiisini piuminartuusuni, tamatta ataatsimut suleqatigiilluta
- Atorfiup imarisai pitsaasumik sunniuteqarfigisinnaavatit
- Inuttut aammalu sulinermi ineriartornissamut periarfissaqarluarputit
Akissaatitigut atorfeqarnermilu atugassarititat
Aningaasarsiat aamma sulinermi atugassarititaasut, Kalaallit Nunaanni Naalakkersuisut aamma pineqartup isumaqatigiissutaasimasup kattuffiata akornanni aalajangiunneqarsimasut malillugit.
Atorfik qaammatini pingasuni misiliutaasumik ingerlanneqassaaq.
Atorfimmut atatillugu inissamik innersuussisoqarsinnaanngilaq.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Suleqatigiinnut aqutsisoq Niels Vang attavigineqarsinnaavoq e-mailikkut: niva@nukissiorfiit.gl imaluunniit oqarasuaammut: (+299) 563267-mut attaviginninnikkut.
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-mi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Tassaavugummi Kalaallit Nunaanni aamma Danmarkimi suliffiit sulisuminnit nuannarineqarnerpaarpaat akornanniittoq. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: marsip 25.-at, 2026