Atorfimmut pissanganarlunilu unammilerfissalimmut sulisoq attuumassutilittut sulianut tunngasunut teknikkikkut ilinniagalik/misilittagalik inuttassarsiugaraarput. Qullersarissavat Innaallagissamik siammarteriffimmi Suleqatigiinni Aqutsisoq.
Sulissanni pingaarnerniipput imeqarfinni peqqussutit, malittarisassiat ilitsersuutillu atugaasussat naapertorlugit ulluinnarni ingerlatsinerit, aserfallatsaaliuinerit, aamma misissuisaqattaartarnerit, kiisalu ledningit aqqutaannik, ventilhusinik, imermik maqitsisarfinnik, ingerlatsivinnut ilaaffilinnik, imeqarfimmullu atasutut ingerlatsivinnik nakkutilliinerit aserfallatsaaliuinerillu. Ilaliullugu toqqorsivimmiittuutinik malitseqartitsinernut, assingusutullu suliassaasunut tunngasunik suliassaqartarumaarpoq.
Suleqat ima ittoq inuttassarsiugaraarput:
- Teknikkip tungaasigut sianiginnittoq, aammalu namminersuutigisaminik suliassanik isumagisassanik aallartitaqarsinnaasoq, namminerlu ingerlatsinerminik attassisinnaasoq, kiisalu nammineq suliassaatini naammassiuartarpai piffissarlu eqqorlugu
- Teknikkip tungaatigut ilinniagaqarluarsinnaavutit, tamannali piumasaqaataanngilaq
- Usisaatinik biilersinnaanermut allagartaqassaatit
- Oqaluukkuminartuuvutit, aamma iluarsiissutissanut sianiginnittuuvutit, tassalu suliassanut tunngatillugu, aammali suleqatini pissutsinut tunngasuni, tassani aporfissat pinnagit iluarsiissutit takusinnaallugillu nassaarisinnaallugit
Suliassat ilaatigut makkuninnga imaqarput:
- Røg-gaskedlinik (kissarsuutit gassitortut pujoorfiinik) saliinerit
- Nukissiorfiit iluani eqqiluisaarineq saliinerlu
- Imermik assartuinermi ikiorti, aamma imermik usisaammik aquttumut taartaasarneq
- Innaallagissiorfimmi, imeqarfimmi kiassaateqarfimmilu, aamma siammarterisarfinni ingerlatsinermi suliassat
- Atuisartunut allakkisartarneq
Tamakku saniatigut atorfimmi tullinnguuttut ilaassapput:
- Nukissiorfiit iluani immikkoortoqarfiit killeqarfii qaangerlugit aamma suliassaasuni ikiuisarlunilu akuleruttarneq
- Nukissiorfiit Paamiuni suliassanngortut tamaasa
- Piginnaasat malillugit iluarsaassineeqqat aserfallatsaaliuisarnerillu
- Toqqorsivitta inissisimaffigisaanik malitseqartitsinerit
Ima ittuunissat naatsorsuutaavoq:
- Maskinistitut, skibsmontøritut, allatulluunniit attuumassutilittut ilinniagalik, ilanngullugu SRO-mik ingerlatsivinnik ilisimasaqassuseq
- Namminersorsinnaasoq, soorlulusooq suleqatigiinni sulisinnaassusilik
Iluaqutaassaaq illit makkuninnga piginnaasassaguit:
- danskillu oqaasiinik oqalussinnaallunilu allassinnaasoq
- allagartaqartoq
- inissisimaffimmi IT-lerinermik (qarasaasialerinermik) ilisimasalik.
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaanngilaq.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Driftsansvarlig Teamleder Ole Dal Nielsen attavigineqarsinnaavoq emailikkut: ODN@nukissiorfiit.gl imaluunniit oqarasuaammut: (+299) 684891.
Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: apriilip 3.-at, 2026