Atorfiuinnanngilaq inooriaaserliuna! Imartami suliffik, taamaallaat imartaqarani.
Kangerlussuarmi Nukissiorfiit Suleqatigiinni Aqutsisutut atorfimmut suleqammik piginnaanilimmik inuttassarsiuivoq. Innaallagissiornerup, erngup kiassarnerullu iluini suliassaqarfik ataaseq, imaluunniit arlallit isumagisussaassavat/-it, pineqarlutik tunisassiornerit siammarterinerillu, apeqqutaappullu sumi soqutigisaqarnerit aamma misilittagaqarnerit inissisimanersut. Suliassaqarfiup pineqartup iluani allaffissornermut tigussaasortanullu isumaginnissaatit.
Tassaavugut maskinmesterit marluk, suleqatit pingasut, eqqiaanermullu assistenti ataaseq. Ataatsimoorussamik sulisunut politikki malittaraarput, tassalu immikkoortoqarfiit killeqarfii qaangerlugit sumi atorfissaqartitaaffiini suliaqartartuuvugut.
Kangerlussuarmi ulluni atukkani pinngortitaq assut angisoorsuartut inissisimaffeqarpoq, tamaanilu ukiuunerani qimussernissamut, qamuteralannissamut sisoraatinillu ujakkaarnissamut periarfissatsialaqarpoq, aasaanerani asimut pisuttuarnissanut, pinialunnissamut pissaqarluarluni, aammalu ATV-kkut Kangerlussuup nunatarujussuanut pisariunngitsumik attaveqarluarluni. Tamakku saniatigut illoqarfiup Sermersuaq taamaallaat 25 km-inik ungasitsigaa, tassaavorlu taakunga aqqutaata annersaanik biilerluni tikitaqarsinnaasoqarfilittut Kalaallit Nunaanni sumiiffinni kisiartat ilaat. Nalinginnartut illoqarfissuarmit Kangerlussuarmi inuuneq allaaneruvoq, aqquserngillu cafénik assingusunillu naapitsiffiunngillat. Taamaattumik tamatuminnga soqutiginnittoqassappat asiliarluni inuuniarnerup misileraaviginissaanut assut periarfissarissaartoqarpoq.
Tunisassiorfittut suliassaqarfiit toqqakkat taakku iluini pingaarnertut suliassatit tassaassapput:
- Ingerlatsinerup, aserfallatsaaliuinerup allanngoriartortitsinerullu iluini tunisassiorfittut suliassaqarfiup suliassaanik tigussaasunut peqataallunilu suliakkersuisarnerit
- tamatumunnga atasutut siammarterisarfimmik pitsaanerpaanngortitaqarnermik, malitseqartitsinermik nakkutilliisarnernillu qulakkeerisarnerit
- suliassanik piareersaanernik aamma uppernarsaasiornermik suliassani peqataasarnerit
- periusissianut pilersaarutit, ingerlattakkat, malittarisassat ilitsersuutillu suliarinerini peqataasarnerit
Pisortatut sulisunut akisussaaffeqarputit, tamannalu ilaatigut sulisut aamma suleqatigiit kajumissuseqarnerannut, atugarissaarnerannut piginnaanngorsagaanerannullu ilalersuuteqarnissannik ilaqarpoq.
Suut naatsorsuutigisinnaavigit?
Tassaalissaatit suleqatinik pikkorillutillu tunniusimasunik inuttalimmik suleqatigiinni akuersaartuni ilaalersoq. Illoqarfimmi pisortatut pingaarutilittullu inissisimaffik pissarsiarissavat, tassanilu iluatsitsineq suleqatigiinnerput pikkoriffigalugulu pitsaasoq aqqutigalugu pilersinneqartarpoq. Taamaalisukkut suliffiup assut sulisuminit iluarineqartup ilaaffigilernissaa qilanaarisinnaavat. Ilinniartitaareernikkut paarlakaaffiusutut pigaartuunikkut aaqqiissummi ilaalerumaarputit.
Ima ittutit ujarpasigit:
- teknikkikkut nangitatut ilinniagalik, soorlu maskinmesteritut
- qarasaasiamik tunngavilittut ingerlatsinermut aserfallatsaaliuinermullu aaqqiissutinik ilisimasalik
- business casesit suliarinerannik ilisimanninneq iluaqutaavoq
- biilersinnaanermut allagartalik
Suleqatigiit siulersukkatit kinguneqartitalittut suleqatigiinneq attaveqaqatigiinnerlu aqqutigalugu kajumissaarsinnaassavatit. Allannguuteqarnermut piareersimaffimmik iluarsineqartussanik pinasuartumik iliuuseqarfissatut unammillerfissanik pinngortoqarsinnaaffiani suliffeqarfimmi suliaqartuunerit pillugu sianiginnittuuvutit. Tamakku saniatigut kiffartuussinerup qaffasisstutut inissisimaffigisaa pitsaassusialu atuisartutsinnit qanoq pingaaruteqartigisoq ilisimavat.
Akissaatitigut atorfinitsitaanermilu atugassarititat
Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatini pingasuni misilitsiffeqarpoq.
Malittarisassiat atuuttut najoqqutaralugit sulisunut inissiaq pequsersugaanngitsoq neqeroorutigineqarpoq. Namminersorlutik Oqartussani atorfeqarneq aqqutigalugu sulisunut inissiaq pigineqariissappat tassunga pisinnaatitaaffik pigiinnarneqassaaq.
Taamaattorli atorfininnermi qaammatini siullerni arfinilinni utaqqiisaasutut inissiamut najugassinneqarsinnaaneq naatsorsuutigineqassaaq.
Malittarisassiat atuuttut najoqqutaralugit atorfininnermi soraarnermilu angalanerit akilerneqarput.
Tassaavit suleqat ujagarput?
Taama ”Atorfik una qinnuteqarfigiuk” aqqutigalugu qinnuteqaatit piaarnerpaamik nassiuguk.
Atorfik pillugu erseqqinnerusutut paasissutissat ugguuna pissarsiarineqarsinnaapput:
Annertunertut paasissutissat Sulisunut aqutsisumut Jesper Jensenimut saaffiginninnikkut pissarsiarineqarsinnaapput, e-mailikkut: jcbj@nukissiorfiit.glimaluunniit oqarasuaatikkut saaffiginninnikkut, oq. (+299) 524615. Allatut qinigassaavoq Nunap immikkoortua Qeqqanut pisortamut Jan Zachariassenimut saaffiginninneq, e-mailikkut: JBZ@nukissiorfiit.gl.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: marsip 26.-at, 2026