Nukissiorfiit Aasiaat Ingerlatsinermi suleqatissarsiorput atorfinittussamik piaartumik imaluunniit isumaqatigiissuteqarnikkut. Atorfik Innaallagiamut kiassarnermullu Suleqatigiinni aqutsisup ataani inissisimavoq.
Immikkoortortaq pillugu
Immikkoortortami sulisut arfineq pinagsuupput suleqatigiinni aqutsisoq ilanngullugu.
Suliassat pingaarnerit:
Suleqatigiinnut aqutsisup innersuussineratigut suliassat suliarisassavatit aamma Aasianni aamma nunaqarfinni, nunap immikkoortuani aamma suliffeqarfimmi qanoq inissisimanerit apeqqutaatinnagit suleqatigiinni aamma suliffeqarfimmi namminermi piviusumik pitsaasumik suleqatigiinnermik pilersitseqataassaatit. Pingaaruteqartumik aamma pissanganartumik ineriartornissamut periarfissaqarluarlutit atorfittaassaatit.
- Suliffeqarfimmi namminermi periutsit ingerlaavartumik ineriartortinnissaannut malinneqarnissaanullu, kiisalu inatsisit atuuttut sutigut tamatigut sumiiffinni tamani eqquutsinneqarnissaannut peqataassaatit, ingammillu:
- Isumannaallisaanermut aamma oqartussaasut piumasaqaataat malinneqarnissaat qulakkiissavat
- Suleqataasunik suliatigut ilinniartitsinermi peqataassaatit maskiinat teknikkiannut ikkussukkanut tunngasunik aamma atortunik, kiisalu taakkununnga attuumassuteqartunik atortunik sakkunillu
- Sulisunik nutaanik ilinniartitseqataaneq peqataassaatit Aasianni pigaartuusarnermut peqataasalernissaat sioqqullugu
- Nukissiorfiit Corporate Social Responsibility-mik anguniagaannik piviusunngortitseqataanermi ineriartortitsinermilu peqataassaatit
- Suliassanik takkuteriasaartunik suugaluarnersunik suliaqarneq Aasianni Suleqatigiinni aqutsisup innersuussineratigut.
Naatsorsuutigaarput illit:
- Maskinalerisutut, motoorilersutut/skibsmontøritut ilinniagaqarsimasuunissat imaluunniit allamik tulluartumik, tassunga ilanngullugu SRO-atortumik ilisimasaqarnissat
- Nammineerlutit sulisinnaanerit soorlu aamma suleqatigiinni suleqataalluarsinnaanerit
- Isumassarsillaqqissuusutit aamma aallarniisinnaassuseqarusuttuusutit, killissat pinnagit periarfissanik takunnissinnaasoq
Taamattaarlu Aasianni pigaartuusarnissamut peqataasassuutit, kiisalu naatsorsuutigissuat angalasarnissat nunap immikkoortuani aammalu nunap immikkoortuinut allanut Nuummilu qullersaqarfimmut.
Iluaqutaassaaq:
- Kalaallisut danskisullu oqalussinnaallutillu allassinnaanissat.
- Biilersinnaanermut allagartaqarneq
- IT-mik atuisutut ilisimasaqarneq
Ilinnut neqeroorutigisinnaavavut:
- Atorfik pissanganartoq avatangiisini assigiinngitsuni, suleqatigiittut suleqatigiiffiusumi
- Atorfiup imarisaanut sunniuteqarnissamut periarfissat pitsaasut
- Inuttut aammattaaq suliatigut ineriartornissamut periarfissat pitsaasut.
Akissaatitigut atorfeqartitaanermilu atugassarititat
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.
Atorfinitsitsinermi qaammatit pingasut ingerlaneri misiliutaassapput.
Atorfimmut atatillugu inissamik innersuussisoqanngilaq.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Suleqatigiinnut aqutsisoq Ahmed Abubakar Chaudhry attavigineqarsinnaavoq emailikkut: ahcha@nukissiorfiit.gl imaluunniit oqarasuaammut: (+299) 536261-mut.
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-mi innaallagissamik, imermik kiassarnermillu nioqqutigisatta 72 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Tassaavugummi Kalaallit Nunaanni aamma Danmarkimi suliffiit sulisuminnit nuannarineqarnerpaarpaat akornanniittoq. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: marsip 12.-at, 2026