Sisimiut innuttai minguitsumik imissaqartitaanissaat soqutigaajuk? Aammalu illoqarfimmut tamavimmut assut pingaarutilimmik suliaqarnissat ilinnut ataqqinassusiliisutut isigaajuk?
Taava Sisimiuni nukissiornermik suliaqarfiup pisariaqartippaatit. Imilerinermut attuumassuteqarlutit ulluni suliffiusuni suleqataasutut pingaarutilimmik inissisimaffeqalissaatit. Sisimiuni imermik siammarterisarfinnik ulluinnarni ingerlatsisarneq qularnaassavat.
- Isumannaalisaanermit pisortaqarfiusunillu piumasaqaatit
- Ivertitikkanik ingerlatsivinnillu maskintekniskimut, kiisalu taakkununnga ilaasutut atortunik sakkunillu tunngasunik sulisorisanik sulianut tunngasunik ilinniartitsinerit
- Nukissiorfiit Corporate Social Responsibilitymik anguniagaanik piviusunngortitsinermi ineriartortitsinermilu peqataanissaq
- Teamlederip/Siulittaasup innersuutai malillugit siunertamut aalajangersimasumut suliassat
Suliassat pissanganartut allarpassuit naatsorsuutigisinnaassavatit. Ilinniartitaanermik ineriartorfissanillu pitsaasunik qularnaarivugut. Ilinniartitaareernerup kingornatigut suleqatigisatit peqatigalugit pigaartuunermut aaqqiissummi aamma ilaalissaatit. Pigaartutut sulisarnerit, aamma nunaqarfiliartarnissat naatsorsuutigineqassapput.
Suut naatsorsuutigisinnaassavigit?
Suleqatigiit suliaqarnermik ingerlatsilluartuusut pimoorussisullu suliamut tunngasunik pikkorissut ilagilissavatit. Suleqatigiinni siulersuisutut pingaarutilittullu inissisimaffeqalissaatit, tassanilu suliaqarnermik ingerlatsisinnaassuserput suleqatigiilluarnerpullu aqqutigalugit iluatsitsineq pilersinneqartarpoq. Taamaalisukkut sulisut akornanni annertuumik iluarineqartuusumi suliffiup ilaaffigilernissaa qilanaarisassaavoq – tassami Kalaallit Nunaanni aamma Danmarkimi pitsaanerpaarpaat ilagaatigut.
Makkuninnga piginnaaneqartutit ujartorpatsigit
- Suliamut tunngasutut attuumassutilimmik ilinniagaqarsimasoq
- Atuisartutut inissisimaffeqarluni IT-mik atuisarnermik ilisimasalik
- Biilinut allagartalik
- Ajornanngippat oqaatsinik kalaallisut danskisullu sapigaqanngitsoq
Pilersitaqarsinnaassaatit, aammalu iliuuseqarsinnaassallutit, tassami aalajangiussisartussaassaatit, suliassanik agguataarisassallutit, aammalu angusassagut tikitsinniarlugit ulluinnarni ingerlatsinermik ataatsimut isiginnissinnaassallutit. Inuttut suleqatigiinnut ilorraap tungaanut ilalersuisunik kaammattuisinnaallutillu nukissarpassuarnik ilalersuuteqarsinnaassaatit. Tamakku saniatigut ajugaaffiginiakkat assigiinngitsut amerlasuut, tamarmik iluarsiiviginiassat isumagisarsinnaagatsigit nutaanik aamma iluarsiinissamut tunngasunik isumaliorsinnaassaatit.
Akissaatitiguit atorfinitsitaanermilu atugassarititat
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.
Qaammatini pingasuni misilitsiffeqarpoq.
Atorfimmut atatillugu inissamik innersuussisoqarsinnaanngilaq.
Isumaqatigiissuteqarneq malillugu atorfinitsitsisoqassaaq.
Tassaavit suleqatigisassaq ujartugarput?
Taava piaarnerpaamik ”Søg stillingen” aqqutigalugu qinnuteqaatit nassiuguk.
Atorfiup imarisaanut atuuffianullu apeqqutissaqaruit Suleqatigiinnut aqutsisoq Hendrik Esaiassen attavigiuk uunga oq. +299 58 78 26-mut imaluunniit s-mailikkut hes@nukissiorfiit.gl-mut.
Aningaasarsianut atorfinitsitaanermullu atugassanut tunngasutut apeqqutit nalinginnaasut uunga nassiunneqarsinnaapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019-imi innaallagissamik, imermik aamma kiassaanermik nioqquteqarnitta 72 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Tamanna pillugu annertunerusumik atuarit uani www.nukissiorfiit.gl.
Qinnuteqarnissamut killissarititaasoq: februaarip 28.-at, 2026