Nunap immikkoortuani Disko-mi Qasigiannguanut innallagisserisumik pissarsiorpugut.
Qasigiannguani Innaallagissamik siaruarterinermi Teamlederimut ulluinnarni akisussaassuseqassaatit. Suleqatissatsinnik pissarsiorpugut nammineerluni innaallagissami suliassanik nalinginnaasunik suliaqartassaatit, siunnersuisarlutit, ilinniartitsisarlutit aammattaaq innaallagissamik, kiassaanermik aamma imermik nioqqutissiornermut siaruarterinermullu atortunik ingerlatsinermi ikiuisassallutit Qasigiannguani aamma nunaqarfiini.
Qasigiannguit immikkuullarissumik ulluinnarni inooriaatsimut Kalaallit Nunatsinni isigineqarsinnnaavoq tassa ukiorpassuit atuutsinneqartuni.
Najugaqarfik taaneqartarpoq "uummaarissumik pilersaarusiaq", ukioq naalluugu tassa katersigaasivimmi kajumissutsimik sulisut iluasaarlutik, siuaasat inooriaasiat pillugu suliaqartut nunatta silaanna mersernartumi.
Taakua ileqqorineqartut aasakkunni takutinneqartarput, taamaallaat ersersaassutigineqartaraluatut illoqarfinni mutiunerusuni.
Suliassaqarfiit:
Innaallagialerisup innaallagialerinermik sulinermut tunngatillugu ulluinnarni siunnersuineq aamma innaallagissamik, kiassaanermik aamma imermik nioqqutissiornermut siaruarterinermullu attuumassuteqartuni tamani ilitsersuineq aamma tapersersuineq.
Suliassanut pingaarnernut taamatuttaaq ilaapput sulisut sulisoriinnarnissaat aamma suliatigut, isumannaallisaanermi ineriartortitsineq aamma allaffissornermi iliuuseqarnerit malitassanut, ilitsersuinernut aamma ilitsersuutinut tunniunneqarsimasunut tunngatillugu. Innaallagialerisoq Qasigiannguani suleqatigiit akornanni kiisalu nunaqarfinni, nunap immikkoortuani aamma suliffeqarfimmi pitsaasumik suleqatigiinnermi pilersitsinissamut peqataassalluni.
Tamatuma saniatigut innaallagialerisup akisussaaffigaa suliffeqarfimmi namminermi periutsit ineriartortinneqarnissaat aamma malinneqarnissaat, taamatuttaaq inatsisit atuuttut suni tamani malinneqarnissaat, ingammik:
- Isumannaallisaanermi aamma oqartussaasunit piumasaqaataasut
- Akisussaaffeqarfimmi pisinnaanerit paasineqarnissaannut aamma ineriartortinnerannut peqataaneq Qasigiannguit immikkut ilisarnaataat mianeralugit
- Akisussaaffeqarfimmi sulisunik suliatigut ilinniartitsineq innaallagissamut ikkussukkanut aamma sanaartukkanut aammattaaq atortunut kiisalu sakkunut attuumassuteqartunut tunngatillugu
- Sulisunik nutaanik Qasigiannguani pigaartuusarnermut peqataasalinnginnerinni ilinniartitsinermut peqataaneq
- Suliassanik takkuteriasaartartunik suliaqarneq Suleqatigiinnik Aqutsisup (teamleder) innersuussutigisai tunngavigalugit
Angalasarnissaq nunap immikkoortuani aamma nunap immikkoortuinut allanut kiisalu Nuummi qullersaqarfimmut naatsorsuutigineqartariaqarpoq.
Uagut neqeroorutigisinnaavavut:
- Atorfik pissanganartoq suliatigut aamma inuttut amerlasuunik unamminartulik
- Sullivimmi avatangiisit isumassarsiornartut aamma pitsaasut ikinngutigiinneq nuannersoq, aammattaaq suliassanik suliaqartalernissaq sioqqullugu sukumiisumik ajoqersuunneqarneq aamma ilitsersorneqarneq
- Suliffeqarfik ineriartorfiusoq suliatigut aamma inuttut ineriartornissamut periarfissat pitsaasut
- Sulianut tunngatillugu pikkorissarnerit tulluartut, taakkununnga ilanngullugit suliatigut assigiinngitsunik pikkorissarneq nunap immikkoortuata pilersuinermik qulakkeerinninnissamut piginnaasaata atatiinnarnissaa anguniarlugu
Akissaatitigut atorfeqartitaanermilu atugassarititat:
Akissarsiat aamma atorfinitsitsinermi isumaqatigiissut attuumassuteqarfigisaq aamma atuuttoq naapertorlugu ingerlanneqassapput.
Qaammatit pingasut misilitsiffiupput.
Atorfimmut atatillugu inissamik innersuuussisoqarsinnaanngilaq.
Sapinngisamik piaartumik atorfinitsitsisoqassaaq imaluunnit isumaqatigiissuteqarnikkut.
Annertunerusumik paasisaqarniaruit?
Atorfimmi suliarisassat aamma sulerinissaq pillugit apeqqutissaqaruit taava Teamlederi Ingerlatsinermut akisussaasuusoq Henning Lange attaveqarfigiuk, tlf. nr. 55 06 40-mut.
Aningaasarsiat aamma atorfeqartitaanermi atugassarititaasut nalinginnaasut pillugit apeqqutit uunga hr@nukissiorfiit.gl nassiunneqarsinnaapput imaluunniit telefon +299 34 95 00.
Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.
Qinnuteqarnissamut killissarititaasoq: februaarip 26.-at, 2026