Nukissiorfiit Nunap immikkoortua Nuuk sapinngisamik piaarnerpaamik, imaluunniit isumaqatigiissut malillugu atorfinittussamik toqqorsivimmut formandissarsiorpoq.
Sulisup pingaarnertut suliassaa tassaavoq Nuummi toqqorsivimmut pingaarnermut, aamma uuttuutinut toqqorsivimmut, kiisalu Qinngutsinni toqqorsiviup inaanut sulianut tunngasutut tamatigoortumillu akisussaaffeqarnissaq.
Suliassat pingaarnertut makku imarissavaat:
- Pisariaqartitsinerit malillugit toqqorsivimmut suliniutinullu pisiortornerit, kiisalu nioqqutinik tigusaqarnernik nakkutilliinerit
- Nioqqutinik tunniussinerit, tunniunnerinillu allattuisarnerit
- Killiffigisanut atatillugit toqqorsivinni kisitsinerit
- Toqqorsiviit ilusilersorneri saligaatsuutinnerilu
- Pisortamik qaninnerpaamik, aamma Nunap immikkoortuanut Pisortamik suleqateqarluni toqqorsivinnik isumaginnittarnermut malittarisassanik suliaqarnerit
- Nunap immikkoortuani Nuummi toqqorsivinnut sulianut tunngasutut akisussaaffeqarfik, taamaalineranilu nunap immikkoortuani immikkoortoqarfinnik tamanik ikiuisarnerit
- Kalaallit Nunaannut tamarmut uuttuutinik toqqortaatinut akisussaaffeqarfik.
Suleqat ima ittoq ujarparput:
- Torersuutitsinermik piginnaasaqarluinnartoq, imminullu najoqqutassaqartitsisoq
- Toqqorsivinnik aqutsinermik piginnaanilik
- Toqqorsivinnik aqutsinermik misilittagalik
- Kiffartuusserusullunilu suleqatiginnikkusuttoq
- Namminersuutilik, aamma pilersitserusussusilik
- Atuisartutut EDB-mik ilisimasalik, biilersinnaanermullu allagartalik, ajornanngippallu usisaatinut.
Makku neqeroorutigisinnaavagut
- Atorfik pissanganartoq, sulianut tunngasunut inuttullu unammillerfissalik
- Sullivimmi avatangiisit isumassarsinarlutillu iluarinnittut, ikinngutigiinnitsialammik pillit.
Aningaasarsianut atorfinitsitaanermullu pissutsit
Aningaasarsianut atorfinitsitaanermullu pissutsit Namminersorlutik Oqartussat aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq malillugu pissapput.
Atorfik qaammatinik pingasunik misilitsiffeqarpoq.
Annermik paasisaqarusuppit?
Oqarasuaatikkut saaffiginninnermi Nunap immikkoortuanut Allaffimmi Pisortaq Julie Johannesen, oq. (+299) 342279, imaluunniit Nunap immikkoortuanut Pisortaq Henrik Gundersen oq. (+299) 34 22 82.
Apeqqutit nalinginnaanerusut HR-ip immikkoortoqarfianut nassiuteqquneqarput, hr@nukissiorfiit.gl imaluunniit oq. (+299) 34 95 00.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup tamakkiisuunissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: januaarip 26.-at, 2026