Nukissiorfiit Qullersaqarfimmi immikkoortortaqarfimmi Business Partnerimi Business Partnerimik pissarsiorput atorfinittussamik piaartumik imaluunniit isumaqatigiissuteqarnikkut. Immikkoortoqarfimmi Business partnerimi pisortaq qullersarissavat.
Business Partnerip immikkoortoqarfia pillugu
Business Partnerip immikkoortoqarfianiittugut tassaavugut business partnerit sisamat (maannakkut pingasut), business partnerillu immikkoortoqarfianut pisortaq. Missingersuusiornerup, sukkasuumik misissueqqissaarutigisatut naatsorsuusiat, aamma sinissamut qanoq ittuunissaannik isikkulikkanik suliniutit, aamma aningaasaleeqqinnissamut ilutsit iluanni piginnaaneqqortooqarpoq marlunnik, kiisalu suliniutinik isumaginninnerit akiliisinnaassutsimillu aqutsinerit iluini ataatsimik piginnaaneqqortooqarluni.
Business Partnerit immikkoortoqarfiata aningaasaqarnerup malitseqartitsineranik, ingerlattakkanik suleriaatsinillu pitsaanerpaanngorsaaffiuneri, aamma Business intelligens akisussaaffigai, ilaapputtaarlu nalunaarutinik ineriartortitsinerit, killeqarfiit qaangerlugit isumasioqatiginninnerit aamma immikkoortoqarfinnik nunallu immikkoortuinik tamanik suleqateqarnerit, misissueqqissaarinerit aamma inuiaqatiginni aningaasaqarnermi misissueqqissaarissutissatut tunniussat, KPI-mik, aningaasaqarnermillu aqutsinerit, suliniutinik isumaginninnerit, akiliisinnaassutsimik aqutsinerit, kiisalu periusissiaasumik suliaqarnerit.
Atorfik pillugu
Ingerlatsiffiit suliniutillu killeqarfii qaangerlugit pisortaqarfiup aalajangiisarneranik tapersersuinissaq, aamma aningaasaqarnikkut aqutsinerup qularnaarnissaa sammisaralugit Nukissiorfiit aningaasaqarnermi malitseqartitsineranik, nalunaarusiorfigisarneranik aamma misissueqqissaarisarneranik atorfik akisussaaffiligaavoq. Ilaapput qaammatinut naatsorsuutit/kvartalikkaanik malitseqartitsinerit, missingersuusiornerit, misissueqqissaarinerit, Nukissiorfiit iluani niuerfimmik paasinninneq, aamma Nukissiorfiit ingerlatsiviinik malitseqartitsinerit akisussaaffeqarfiuneri.
Suliassani pingaarnerit
- Qaammammut naatsorsuutinik, kiisalu kvartalikkaartutut malitseqartitsinerit suliarineri, ilanngullugit sanioqqutitsissutinik misissueqqissaarinerit, pisortaqarfimmullu nalunaaruteqartarnerit
- Pisortaqarfimmik, aamma attuumassutilittut immikkoortoqarfinnik suleqateqarluni missingersuusiornerit missiliuinerillu
- Aningaasaqarnermi misissueqqissaarinernik, business casesinik, aalajangiinissamilu isummernissamut tunngavissianik suliaqarnerit
- Siunissami periarfissanik aalajangiussassanillu misissueqqissaarinerit
- Niuerfimmik annertuumik paasinninnermik, aamma aningaasaqarnerup, ingerlatsinerup periusissiallu akornanni ataqatigiiffinnik qularnaarinerit
- Pisortaqarfimmit piumasaqaatinik aamma siunertanut aalajangersimasunut misissueqqissaarinernik isumaginninnerit
- Suliniutinut tamanut aningaasaqarnermi malitseqartitsinerit, ilanngullugit missingersuutit, atuinerit siuarsarnerillu
- Ingerlatanik malitseqartitsinerit, ilanngullugit aningaasaliinerit, suliaqartitsilernerit, nalikillisaassusilerinerit nalunaarusiornerillu
- Ingerlattakkanik, aamma nalunaaruteqarnermut sakkunik ingerlatariuakkatut pitsaanerpaanngorsaanerit
Pikkoriffigisat piginnaasallu
- Attuumassutilittut aningaasaqarnermi ilinniagalik (soorlu cand.merc., HD(R), aningaasalerinermi økonomi assingusumilluunniit)
- Naatsorsuuserinermi, missingersuusiornerni, aningaasaqarnermilu malitseqartitsinermi nukittuunik misilittagalik
- Misissueqqissaarinikkut nukittuunik piginnaanilik, aamma paasissaasutut ilusilimmik kisitsisinik katitigaasunik paasinnitsisinnaassusilik
- Niuerfimmik sianiginnilluartoq, aamma tamakkiisunik isiginnilluni tikitaqartartoq
- Suliniutinut aningaasaqarnernik, aamma ingerlataasunut naatsorsuutinik misilittagalik
- Imminut najoqqutassaqartitsisoq, akisussaaffigisamik sianiginnittoq, namminersuutigisaminillu suleriaasilik
- Ajornanngippat aaqqiissutini kodilersuinernik soqutiginnittoq (Planning Analytics)
Akissaatitigut atorfeqartitaanermilu atugassarititaasut
Naalakkersuisut (Namminersornerullutik Oqartussat) aamma kattuffiup naleqquttup isumaqatigiissutaat atuuttoq naapertorlugu akissarsiaqartitsineq atorfinitsitsinerlu ingerlanneqassapput.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaavoq. Namminersorlutik Oqartussani atorfeqarneq aqqutigalugu sulisunut inissiaq pigineqareerpat tassunga pisinnaatitaaffik pigiinnarneqassaaq.
Malittarisassiat atuuttut najoqqutaralugit atorfininnermi soraarnermilu angalanermut akiliussisoqarsinnaavoq.
Annermik paasisaqarusuppit?
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Immikkoortoqarfimmi Business partnermi pisortaq Thea Mølgaard attavigineqarsinnaavoq emailikkut: theam@nukissiorfiit.gl imlauunniit oqarasuaammut +299 349602-mut..
Apeqqutit nalinginnaanerusut HR-ip immikkoortoqarfianut nassiuteqquneqarput, hr@nukissiorfiit.gl imaluunniit oq. (+299) 34 95 00.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutta iluaqutigisassaannik aningaasartuutitigut sunniuteqarluarlutillu piujuartitsitsisutut iluarsiissutit pilersinniarneri tamatigut sulissutigaagut. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissaq atajuartoq 100 % sulissutigaarput. Nukissiorfiit iluani sulisunut 400-nut tamarmiusunut toqqammavissanik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: marsip 6.-at, 2026