Innaallagisserisoq Qaqortumi innaallagissamik siammarterinermut nunaqarfilerisunullu

Nukissiorfiit Qaqortumi innaallagissamut siammarterinermut aamma nunaqarfilerisussamik akisussaaqataarusuttumik innaallagisserisumik misilittagalimmik sulisussarsiorpoq. Atorfik unammillernartuuvoq, suliffeqarfimmi nunarput tamakkerlugu ingerlatsiviusumi, teknikkikkut piginnaaneqarfiulluartumi inuiaqatigiinnullu annertuumik akisussaaffilimmi.

Atorfik nunaqarfinni sullissinermut immikkoortortaqarfimmiippoq, Qaqortumi inissisimaffeqarluni, nunaqarfinnullu angalasarnissaq piareersimaffigineqassaaq.

Nukissiorfiit suliffeqarfittut ineriartornermut pissanganartumut maanna peqataavoq, tassani anguniarneqarluni aningaasartuutit eqqarsaatigalugit sunniuteqarluartunik piujuartitsisumillu aaqqiissutissanik pilersitsinissaq, sullitatsinnut iluaqutaasussanik. Tassunga ilanngullugit nukissiuutinik ataavartunik atuinermik ineriartortitsineq pitsanngorsaanerlu kiisalu imermik imigassamik pilersuinerup ineriartortinnissaa qitiusumik inissisimapput, anguniagaqarluni anguniagassanik annertuunik aamma atugassarititaasunik unammillernartunik.

Atorfik

Atorfik ingerlatsinermut akisussaasumut teamlederimut attaveqartuuvoq, Qaqortumilu ingerlatsinermut suleqatigiit ilaatigilissavatit. Innaallagissamik siammarterinermut innaallagisserisutut suliassatit pingaarnerit ilaatigut makkuupput:

  • Ingerlatsinermut pilersaarusiorneq, malitseqartitsineq kiisalu ingerlatsinermut aserfallatsaaliuinermullu paasissutissanik nalunaarusiorneq.
  • Nukissiorfiit Qaqortumi innaallagissamik siammarterinermut ingerlatitseqqittarnermullu atortuinik ingerlatsineq aserfallatsaaliuinerlu, aammalu illoqarfinni nunaqarfinni immikkoortortap iluaniittut.
  • Isumannaallisaanermut oqartussanullu piumasaqaatit atuuttut naammassineqarnissaat qulakkeerlugu.
  • Suliassaqarfimmi akisussaaffigisami piginnaasatigut nukittorsaanermut ineriartortitsinermullu peqataaneq, illoqarfiup nunaqarfiillu immikkut ittumik atugaat eqqarsaatigalugit.
  • Suliassaqarfimmi akisussaaffigisami sulisut innaallagissamut ikkussuussinernik, atortunik, atortulersuutinik kiisalu atortut sakkullu atorneqartartut pillugit ilinniartinneqarnissaannut peqataaneq.
  • Sulisunik nutaanik ilinniartitseqataanissaq, taakkua paarlatsitut nakkutilliinermut ilanngutsinneqannginnerini.
  • Ingerlatsinermut akisussaasup teamlederip innersuussineratigut suliassat immikkut ittut.
  • Ilisimasanik avitseqatigiinnermut sulisullu kajumissuseqarnerulernissaannut peqataaneq.
  • Najukkami suleriaatsinik, ilitsersuutinik najoqqutassanillu siunnersuutinik suliaqarnernut peqataaneq.

Innaallagissamik siammarterinermut innaallagisserisutut aamma suliffeqarfiup iluani suliatigut suleqatigiissitanut suliniutinullu peqataasinnaassaatit, kiisalu najukkami avataani suleqatigisanut attaveqarnermi Nukissiorfiit sinnerlugit peqataasinnaassallutit. Immikkut piginnaasaqaruit misilittagaqarlutillu, taakkua atorluarneqarnissaat periarfissaassaaq. Suliffeqarfiup immikkoortortaqarfiullu ineriartortinneqarneranni periarfissaqarluassaaq, atorfimmi suliassat imarisaannut sunniuteqaqataanissamut ineriartortitseqataanissamullu.

Piginnaasat

Atorfimmut aamma iluatsitsinissamut aqqutissat assigiinngitsuupput, pingaaruteqartorli tassaavoq nukissiuutinik teknikkikkut ingerlatsinermi misilittagaqarluarnissat, ilaatigut SRO-anlæg-inik ilisimasaqarnissat kiisalu innaallagissamik siammarterinermut ingerlatsinermut aserfallatsaaliuinermullu misilittagaqarnissat. Aamma svagstrømsanlæg-inik misilittagaqarnissat naatsorsuutigineqarpoq, ilaatigut PLC, paasissutissanik nakkutilliineq il.il.

Tamatuma saniatigut pingaartipparput, illit:

  • Innaallagisserisutut ilinniagaqarsimanissat kiisalu 0,4 kV, 10 kV aamma 60 kV-nik innaallagissamik siammarterinermi sulinermik misilittagaqarnissat.
  • Suleriaaseq aaqqissuussaasoqarnissat, immikkoortortat pingaaruteqassusiannik eqqummaariffiginnittuunissat, allaffissornikkut piginnaasaqarluarnissat aningaasaqarnermillu paasinnilluarnissat.
  • IT-mik atuinermi piginnaasaqarluarnissat kiisalu biilinik ingerlatsinermut allagartaqarnissat.
  • Suliassanik sanasunut tunngasunik piginnaasaqarluarnissat.
  • Nutaanik eqqarsarsinnaanissat kiisalu suliffeqarfiup ingerlanneqarneranik tamakkiisumik paasinnilluarnissat.

Kalaallit Nunaanni inuiaqatigiinnik ilisimasaqarnissat kalaallisut qallunaatullu oqaatsinik piginnaasaqarnissat iluaqutaassaaq.

Atorfininnermut tunngasut paasissutissallu sukumiinerusut

Suliffimmi sulinermi avatangiisit pitsaasut, suliatigut piginnaasanik ineriartortitsinissamut periarfissaqarluartoq kiisalu suliassat tunngavigalugit ilinniarteqqinneqarnikkut inuttut suliatigullu ineriartornissamut periarfissaqassaatit.

Akissarsiat atorfeqarnermilu atugassarititaasut Naalakkersuisut aamma Sulinermik Inuussutissarsiuteqartut Kattuffiat akornanni Kalaallit Nunaanni teknikeriinut isumaqatigiissut nutaaq naapertorlugu aalajangersarneqassapput.

Atorfimmut atatillugu qaammatini pingasuni misileraaneqassaaq.

Oqaloqatiginninnerit ingerlaavartumik ingerlanneqassapput.

Atorfininneq isumaqatigiissuteqarnikkut sapinngisamik piaartumik pissaaq.

Inissaq

Atorfimmut atatillugu malittarisassat atuuttut naapertorlugit inissiamik sulisunut atugassarititaasumik pequsersugaanngitsumik innersuussisoqarsinnaavoq. Inissiamut attartornermi akiliut aamma qularnaveeqqusiissut inissiamut innersuussutigineqartumut malittarisassat atuuttut naapertorlugit akilerneqassapput. Inissiaq atorfeqarnermut attuumassuteqarpoq, atorfeqarnerullu naanerani qimanneqassalluni.

Attartornermi akiliut inissiallu pitsaassusaa inissiap pisoqaassusaa, piginnittuunermut tunngasut il.il. apeqqutaallutik assigiinngissinnaapput. Inissiamik aalajangersimasumik innersuussinissamut utaqqisoqarsinnaavoq, taamaattumik utaqqiisaasumik ineqartitsisoqarsinnaavoq, ilaatigut ataatsimoorussamik ineqatigiiffinni mikinerusuni imaluunniit akunnittarfittut inissiani. Utaqqiisaasumik ineqartitaanermut akileraaruteqartitsisoqarsinnaavoq.

Atorfininnermi angalanermut aamma soraarnermi angalanermut kiisalu pigisanik nuussinermut akiliunneqassaaq. Ukiuni pingasuni ataannartumik atorfeqareernermi angerlamut angalanermut aningaasartuutit ilaqutariinnut, meeqqallu 18-it inorlugit ukiullit ilanngullugit, akilerneqassapput. Qinnuteqartoq Namminersorlutik Oqartussani atorfeqarnermigut sulisunut inissiamik innersuussivigineqareersimappat, inissiamik atuinissamut pisinnaatitaaffik attatiinnarneqassaaq.

Nukissiorfiit pillugit paasissutissanik annertunerusunik uani takusaqarsinnaavutit: www.nukissiorfiit.gl.

Atorfik pillugu paasissutissat sukumiinerusut pissarsiarineqarsinnaapput Qaqortumi ingerlatsinermut akisussaasumut teamlederimut Søren Pedersen-imut oqarasuaatikkut (+299) 493643 attaveqarnikkut.

Apeqqutit nalinginnaanerusut HR-imut nassiunneqarsinnaapput uunga: hr@nukissiorfiit.gl.

Qinnuteqarnissamut killissarititaasoq: novembarip 27.-at, 2026