Allagarsiuteqqitaq - Qeqertarsuarmi Innaallagisserisumik pissarsiorpugut

Atorfimmut pissanganartumut Nukissiorfiit innaallagisserisussarsiorpoq. Innaallagissamik siammarteriffimmut ingerlatsinermut akisussaasuulluni Suleqatigiinni aqutsisoq qullersarissavat.

Taamatuttaaq ilinniartitaareeruit immikkoortoqarfimmi sulisut sinneri peqatigalugit pigaartuusartuni aaqqissuussiffimmi ilaasinnaalissaatit.

Suliassat ajornartorsiutillu iluarsiivigisarneri peqataaffigissavatit, pingaarnertut aqqusinerni qullernik suliaqarfiusuni, aqqusinerni qullernik suliaqartut immikkoortortaqarfiani liniemesteri peqatigalugu. Aammalu ingerlatsinermik suliassat suliarisassavatit 132/60/10/0,4 kV-imik innaallagiap aqquteqarfianik aserfallatsaaliuisassallutit. Transformerstationinik aserfallatsaaliuineq, ilaannakortumillu innaallagissiorfinni, imeqarfinni kiassaateqarfinnilu innaallagissamut ivertitsikkanik aserfallatsaaliuineq. Aqquserngit qulliisa iluarsaattarneri aserfallatsaaliornerilu. Nunaqarfinni ingerlatsivinnik ingerlataqartitsillunilu aserfallatsaaliuisarneq. Innaallagissamik uuttortaatinik ivertiterinerit, aamma uuttortaassutinik teknikerimut taartaasarneq.

Makkuninnga piginnaasalimmik suleqatissarsiorpugut:

Innaallagisserisutut imaluunniit innaallagialerinermut installatør-i assingusutulluunniit ilinniagaqarneq naammassisimassagit naatsorsuutigaarput.

Innaallagissamut teknikkeqarfinni sunik tamani kukkussutinik ujaasisarnerit, ingerlatsinerit aserfallatsaaliuinerillu iluini siamasissumik misilittagaqarlutit.

Biilinut nalinginnarnut atuuttumik ingerlatsisinnaanermut allagaqartaqarputit.

Namminersuutigisannik sulisinnaassaatit, aammalu pisoqarfinni artorsartitsisuni ataatsimut isiginnissinnaassallutit.

Ilinnut neqeroorutigisinnaavavut:

  • Atorfik pissanganarlunilu assigiinngisitaartoq, aallaqqaataanit naanissaata tungaanut suliassanik iluarsiinerni suliaqarfigisannik ilaasinnaassallutit
  • Suliffimmi avatangiisit aalajangersimasunik najoqqutassialigaanngitsut, suleqatigiittut illuta suleqatigiiffigisagut
  • Sulinermut tunngasutut, soorlulusooq inuttut ineriartortitaaffinnut periarfissatsialaat

Akissaatitigut atorfinitsitaanermilu atugassarititat:

Aningaasarsianut atorfinitsitaanermullu pissutsit Naalakkersuisut, aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu pissapput.

Atorfininneq qaammatini pingasuni misilitsiffeqartillugu pissaaq.

Atorfimmut inissiamik innersuussisoqarsinnaavoq. Namminersorlutik Oqartussani atorfeqarneq aqqutigalugu sulisunut inissiamik innersuussissummik peqariissagaanni sulisunut inissiamut innersuussutaasumut pisinnaatitaaffik pigiinnarneqassaaq.

Malittarisassiat atuuttut najoqqutaralugit atorfininnermi soraarnermilu angalanerit akilerneqassapput.

Atorfik pillugu paasissutissat erseqqinnerusut uunga saaffiginnissutaasinnaapput:

Ingerlatsinermi akisussaasutut suleqatigiinni aqutsisoq Nalúnguak’ Lyberth: nlyb@nukissiorfiit.gl imaluunniit oqarasuaatikkut saaffiginninneq ugguuna: (+299) 54 01 16.

Apeqqutit nalinginnaanerusut uunga saaffiginnissutaasinnaapput: HR-mut immikkoortoqarfik, hr@nukissiorfiit.gl imaluunniit oq. (+299) 34 95 00.

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa, nunallu mingutsitsinnginnermik ikaarsaariarfiani qitiusumik inissisimaffeqarpoq. Tunisassiarisani 70 %-it nukissamik ataavartumik tunngaveqareerput, 2030-milu 100 %-inngortinniarlugit anguniagaqarluta sulisuuvugut. Sulisut 400-t missaanniippugut, ullullu tamarluinnaasa sulisunut aamma inuiaqatigiinnut toqqammavissanik pitsaanerpaanik pilersitsiniarluta suliaqartuuvugut. Annerusumik atuagaqarit uani: www.nukissiorfiit.gl

Qinnuteqarnissamut killissarititaasoq: decembarip 7.-at, 2026