Ilaatigut Uummannami Qaanaamilu, taakkununngalu ilaasutut inoqarfinni pisortatut suliassanut, aamma sulisunut ingerlatsivinnullu akisussaaffeqarnermut Nukissiorfiit pisortap tullissarsiorpoq. Tullersortitut atorfik Upernavimmi inissisimaffeqarpoq.
Suliaq tamanna suliassaqarfimmut nunap immikkoortuani pisortamik qanimut suleqateqarluni isumagineqassaaq.
Annertuumik aalajangeeqataasinnaassaatit, aammalu ulluni suliffigisanni suliaqarnerit sunniivigalugulu pilersaarusiorfiginissaanut periarfissaqassallutit, minnerunngitsumillu ataatsimoorfitsialammi ilaalissaatit, tamaanilu teknikkikkut assammik suliaqarluarnerup isumaginera alaatsinaataraarput.
Qaninnerpaatut pisortat tassaassaaq Avannaani, Nunap Immikkoortua Avannaatut taagukkatsinni Nukissiorfiit sumiiffigisaanut Nunap immikkoortuanut pisortaq.
Atorfik pitsaanerpaamik isumaginiarlugu illit allaffissornermi nukittussuseqarnissat, aningaasaqarnermillu paasisimasaqarnissat, aammalu sulianut tunngasutut, soorlulusooq inuttut isumalluutigisanik ataqatigiissaarisinnaanissat iluaqutaassapput. Nukittussutsimut aamma ilaassaaq programminut (ingerlatanut) aamma aaqqiissutinut isumaginnilluarsinnaanissat.
Teknikkimik isumagisassanik, minnerunngitsumillu aserfallatsaaliuinermik suliaqarnermut naleqqiullugu malitassat, malittarisassiat inatsisillu malittarineqarnissaannik qulakkeerinneqataassaatit.
Pigaartuunermi aaqqiissummi isumagisassaqarsinnaassaatit, angalasarnerillu pisinnaassapput.
Pingaarnertut akisussaaffigisassatit:
- Sulianut tunngasunik ilinniartitseqataaneq, ilisimasanik paarlaateqatigiinneq, aamma suleqatinik kaammattuineq.
- Ilinniartut ilinniagaqartinnerini peqataaneq.
- Ingerlatsinerup pitsanngorsarnissaanut sunniuteqarluartinnissaanullu ilalersuuteqarneq.
- Nukissiorfiit illuutaanik ingerlatsinerit aserfallatsaaliuinerillu.
- Ingerlatsinermut toqqorsivimmullu pisiortornernut akisussaaffeqarneq.
- Nunap immikkoortuanut pisortamik suleqateqarluni missingersuusiorneq, taassuminngalu malitseqartitsineq.
Suliassat makkuninnga ilaqarsinnaapput:
- Aserfallatsaaliuinermik programminik (ingerlatanik), aaqqiissutillu sinnerisa atornerisa suliassat iluarsiiviginerinut atugaanerinik qularnaarineq.
- Suliniutit nutaat suliarinerini peqataaneq.
- Allaffissornikkut suliassani ilinniagaqartitsiuarneq.
- Nunap immikkoortuani illoqarfiit inoqarfiillu sinnerini ingerlatsinermut aserfallatsaaliuinermullu peqataanerit.
Makkuninnga piginnaasaqartutit ujarpatsigit:
- Teknikkimut tunngasumik ilinniagalik, soorlu maskinmesteritut, el-installatøritut, innaallagisserisutut, imaluunniit assingusumik teknikkikkut tunuliaqutaqarlunilu misilittagalik.
- SRO-mik ingerlatsivinnik, kiisalu innaallagissamut attaveqarfiit ingerlannerinut aserfallatsaaliugaanerinullu ilisimasalik.
- Nutaanik sammisaqarusuttoq, aammalu pisoqarfinni artukkiiffiusuni ataatsimut isiginninnermik attassisinnaasoq.
- Namminersuutigisaminik sulisinnaasoq, soorlulusooq suleqatigiinni sulinissamut piginnaasalik.
- Minnerpaamik suussutsimut B-mut biilersinnaanermut allagartalik (biilernermut allagartaq nalinginnaq).
- Kalaallit danskillu oqaasiinik oqalussinnaassaguit iluaqutaassaaq.
- Imarsiorluni angalasinnaanermut uppernarsaateqassaguit iluaqutaassaaq.
Aningaasarsiat atorfinitsitaanermullu atugassarisat:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfinitsitsineq qaammatini pingasuni misilitsiffeqartillugu pissaaq.
Malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik.
Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
Malittarisassiat atuuttut najoqqutaralugit atorfininnermi soraarnermilu angalanermut akiliussisoqarsinnaavoq.
Atorfininnerup aallartiffissaa tassaavoq sapinngisamik piaarnerpaamik.
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Nunap immikkoortuani pisortaq Gert Kjær attavigineqarsinnaavoq emailikkut: gk@nukissiorfiit.gl imaluunniit oqarasuaammut: (+299) 954105.
Paasissutissat allat:
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: decembarip 4.-at, 2026