Nukissiorfiit Nunap immikkoortuani Ilulissani toqqorsivimmi uuttuutinullu toqqorsivimmi sulisumik pissarsiorpoq piaartumik isumaqatigiissuteqarnikkulluunniit atorfinittussamik. Ulluinnarni illit Innaallagissamik siaruarterinermi suleqatigiinnut aqutsisup ataaniissaatit.
Pingaarnertut suliassat
Toqqorsivimmi uuttuutinullu toqqorsivimmi sulisutut toqqortanut pingaarnernut, aamma uuttuutinut toqqorsivimmi pigisaatinut akisussaaffeqassaatit, tassanilu aamma ilaapput piffissamut aalajangersimasumut kisitsisarnerit.
Suliassarissavat toqqorsiviup paarinissaa, aammalu Nukissiorfiit ERP-tut toqqorsivimmut moduliani toqqorsivimmut takkussuuttut aamma tassanngaanniit aniasut tamaasa nalunaarsornissaat.
Toqqorsivimmiittuutini allanngorsimasinnaanernut naleqqiullugit nunap immikkoortuanik siunnersuisarneq, ilanngullugit nioqqutissat atorunnaarnikut pillugit piiaallunilu nalikilliliinernik innersuuteqarnerit.
Toqqorsivimmi suliassaqarfiup ineriartortittuarlunilu pitsaanerpaanngorsagaaneranut ilalersuuteqarnerit, Ilulissani, soorlulusooq suliffeqarfimmi tamarmiusumi.
Suliassani pingaarnertut makku ilaassapput:
- EGT Ilulissanut tamarmiusumut toqqorsivimmik aqutsineq
- Uuttuutinut toqqorsivik
- Pisariaqartitsinerit malillugit toqqorsivimmut aamma suliniutinut pisiortornerit
- Nioqqutissanik tigusaqarnermi misissuisarnerit
- Nioqqutinik tunniussinerit, aamma nalunaarsuinerit
- Killiffiusunut atatillugu toqqorsivinnik kisitsinerit
- Toqqorsiviit ilusilersorneri aamma torersarneri
- Pisortamik qaninnerpaamik, aamma Nunap immikkoortoqarfiani pisortamik suleqateqarluni toqqorsiviit isumaginissaannut malittarisassianik suliaqarnerit
Makku iluanni piginnaaneqarnissaq naatsorsuutigaarput:
- Torersuutitsinermik piginnaasaqarluarneq
- Imminut najoqqutassaqartitsisoq
- Xellentimik atuillaqqilluinnartoq, ilinniartitsisoqarsinnaavoq
- Toqqorsivinnik aqutsinermik piginnaasalik
- Suleqatiginnikkusuttoq
- Toqqorsivimmik aqutsinermik misilittagalik, ilinniartitsisoqarsinnaavoq
- Kiffartuusserusussusilik
Imatut ittuunissat naatsorsuutigaarput:
- Namminersorsinnaasoq, soorlulusooq suleqatigiinni sulinissamut piginnaasaqartoq
- Nutaanik pilersitsisinnaasoq eqeersimaartorlu, killilersuutit pinnagit periarfissanik takusisoq
- Kalaallit aamma danskit oqaasiinik oqaluttarlutillu allattarputit
- Qarasaasialerinermi atuisartutut inissisimaffimmi ilisimasalik, ilanngullugu ajornanngippat databasinik soqutiginnittuusoq
- Biilersinnaanermut allagartalik
Akissaatitigut atorfeqartitaanermilu atugassarititaasut
Naalakkersuisut (Namminersornerullutik Oqartussat) aamma kattuffiup naleqquttup isumaqatigiissutaat atuuttoq naapertorlugu akissarsiaqartitsineq atorfinitsitsinerlu ingerlanneqassapput.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaanngilaq.
Annermik paasisaqarusuppit?
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Mikkel Alsted Christensen attavigineqarsinnaavoq emailikkut: mchri@nukissiorfiit.gl.
Apeqqutit nalinginnaanerusut HR-ip immikkoortoqarfianut nassiuteqquneqarput, hr@nukissiorfiit.gl imaluunniit oq. (+299) 34 95 00.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutta iluaqutigisassaannik aningaasartuutitigut sunniuteqarluarlutillu piujuartitsitsisutut iluarsiissutit pilersinniarneri tamatigut sulissutigaagut. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissaq atajuartoq 100 % sulissutigaarput. Nukissiorfiit iluani sulisunut 400-nut tamarmiusunut toqqammavissanik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: februaarip 13.-at, 2026