Ingerlatsinermi akisussaalluni suleqatigiinnik aqutsisumik Uummannamut pissarsiorpugut

Uummannaq kalaallisut isumaqarpoq ”Uummatip ilusaa”. Uummannaq Kalaallit Nunaata Avannaani illoqarfiit kusanarnersaasa ilagaat, pinngortitarsuarmik alianaatsumik, qaqqarsuarnik kusanartunik, sermersuarnik angisuunik aamma nunaqarfinnik ileqqutoqqanik avatangerneqarsimalluni.

Uummannami najugaqalernikkut ukiup qanoq ilinera apeqqutaatillugu pinngortitarsuup alianaatsup misiginissaanut periarfissaqassaatit, soorlu angallammik angalaarnerit, kajakkimik angalaarnerit, qimussimik imaluunniit snescooterimik angalaarnerit.


Atorfik pillugu

Suliffeqarfimmi sulisut ilinniartullu katillugit 35-t missaanniittut ilagilissavatit, Uummannamilu aqutsisutut akisussaaffimmik tigusissallutit. Sulisut tamarmik, pingaartumik immikkoortortaqarfiup illoqarfiini allani, Upernavimmi aamma Qaanaami aqutsisut, qanittumik suleqatigissavatit.

Nukissiorfiit Uummannami nunaqarfiinilu nukissiuutinik imermillu imigassamik pilersuinerata ingerlanneqarneranut akisussaassaatit.

Suliassat ulluinnarni ingerlanneqarnissaat sunniuteqarfigissallugu pilersaarusiorlugillu aaqqissuussissallugit annertuunik periarfissaqassaatit. Aamma suleqatigiinnut pitsaasunut ilanngutissaatit, tassani teknikkikkut suliaq pitsaasoq pingaartinneqarluni.

Pisortarisat qaninnerpaaq tassaavoq Nukissiorfiit Kalaallit Nunaata Avannaani immikkoortortaqarfiani pisortaq, immikkoortortaqarfik Distrikt Avannaa-mik taaneqartartoq.

Aqutsisutut suliassat pitsaanerpaamik isumagisinnaajumallugit allaffissornikkut nukittusuujuunissat aningaasaqarnermullu paasisimasaqarnissat iluaqutaassaaq. Aamma suliatigut sulisinnaassutsip inuttullu isumalluutit ataqatigiissaarlugit aqutsisinnaassaatit. Taakku saniatigut qarasaasiakkut programminik aaqqissuussinernillu atuisinnaanissat iluaqutaassaaq.

Teknikkimut tunngasut kiisalu pingaartumik aserfallatsaaliuinermut tunngasut pillugit malittarisassat, ilitsersuutit inatsisaasullu malinneqarnissaat qulakkeeqataaffigissavat.

Pigaartuusarnissat pisariaqarsinnaavoq, aammattaaq angalasarnissat naatsorsuutigineqarsinnaavoq.


Suliassat akisussaaffiillu pingaarnerit

  • Ullormut sulisunik aqutsineq ataqatigiissaarinerlu.
  • Suliassanik pilersaarusiorneq, agguaassineq malinnaaffiginninnerlu.
  • Innaallagissamik, imermik kiassarnermillu tunisassiornerup kiisalu siaruarterinerup ingerlanneqarneranik nakkutilliineq.
  • Teknikkikkut atortunik aserfallatsaaliuineq ajoqutinillu ujartuineq aaqqiinerlu.
  • Missingersuutinik aqutsineq aningaasaqarnermullu ataavartumik malinnaaneq, immikkoortortaqarfimmi pisortaq suleqatigalugu.
  • Suliniutinik aserfallatsaaliuinermullu suliassanik pilersaarusiorneq ataqatigiissaarinerlu.
  • Sulinermi periutsit atuuttut, isumannaallisaanermut avatangiisinullu malittarisassat malinneqarnissaat qulakkiissallugu.
  • Paasissutissanik nalunaarsuineq nalunaarusiornerlu.
  • Ingerlatsinermi akornutinik pisoqartillugu aamma ajornartorsiortoqartillugu upalungaarsimanermut peqataaneq.
  • Pilersuisartunik avataaneersunik oqartussaasunillu suleqateqarneq.
  • Aserfallatsaaliuinermut programmit kiisalu aaqqissuussinerit allat eqqortumik atorneqarnissaat qulakkiissallugu.
  • Suliniutinik nutaanik pilersaarusiornermut naammassinninnissamullu peqataaneq.
  • Immikkoortortaqarfiup illoqarfiini nunaqarfiinilu allani ingerlatsinermut aserfallatsaaliuinermullu peqataaneq.


Suliassat makkuusinnaapput

  • Aserfallatsaaliuinermut programmit kiisalu aaqqissuussinerit allat suliassanik naammassinninnermut atorneqarnissaat qulakkiissavat.
  • Suliniutinik nutaanik ineriartortitsinermut peqataassaatit.
  • Allaffissornikkut suliassanut ingerlaavartumik ilinniartinneqassaatit.
  • Immikkoortortaqarfiup illoqarfiini nunaqarfiinilu allani ingerlatsinermut aserfallatsaaliuinermullu peqataassaatit.


Illit makkuninnga piginnaaneqaruit ujartorpatsigit

  • Teknikkikkut ilinniagaqarsimavutit, assersuutigalugu maskinmesteritut, innaallagissamut ikkussuisartutut, innaallagisserisutut imaluunniit teknikkikkut assingusumik ilinniagaqarlutit misilittagaqarlutillu.
  • SRO-anlæg pillugu ilisimasaqarputit kiisalu innaallagissamik pilersuinermut attaveqaatinik ingerlatsinermik aserfallatsaaliuinermillu ilisimasaqarlutit.
  • Sulerusussuseqarputit, aamma tatineqarfiusuni pisoqartillugu ataatsimut isiginnissinnaallutit.
  • Nammineerlutit sulisinnaavutit aammalu suleqatigiinni sulisinnaallutit.
  • Minnerpaamik biilernermut allagartaq B-mik peqarputit.
  • Kalaallisut qallunaatullu oqalussinnaaguit iluaqutaassaaq.
  • Angallammik angalanissamut angalanermut allagartaqaruit iluaqutaassaaq.


Akissarsiat atorfinitsitaanermilu atugassarititaasut

Akissarsiat atorfinitsitaanermilu atugassarititaasut Naalakkersuisut (Kalaallit Nunaanni Namminersorlutik Oqartussat) aamma kattuffiup pineqartup isumaqatigiissutaat naapertorlugu aalajangersarneqassapput.

Atorfininnermi qaammatini pingasuni misilitsiffiusoqassaaq.

Atorfimmut atatillugu sulisunut inissiamik innersuussisoqarsinnaavoq. Namminersorlutik Oqartussani atorfeqarnikkut sulisunut inissiamik siusinnerusukkut innersuunneqareersimaguit, sulisunut inissiamik innersuussivigineqarnissamut pisinnaatitaaffik attatiinnarneqassaaq.

Malittarisassat atuuttut naapertorlugit atorfininnermut soraarnermullu atatillugu akeqanngitsumik angalanissamut pisinnaatitaaffeqarpoq.


Atorfik pillugu paasissutissat erseqqinnerusut uani pissarsiassaapput:

Nunap immikkoortuani pisortaq Gert Kjær, e-mailikkut: gk@nukissiorfiit.gl-mut imaluunniit oqarasuaatikkut saaffigigalugu oq. (+299) 954105-mut.

Apeqqutit nalinginnaanerusut HR-imut immikkoortoqarfimmut e-mailikkut uunga nassiunneqassapput: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.

Qinnuteqarnissamut killissarititaasoq: decembarip 4.-at, 2026