Aasianni Nunap immikkoortuani ataqatigiissaarisoq/Pequusivilerisoq

Ulluinnassat:

Nunap immikkoortua pilersorneqarnikkut isumannaatsuunissaanut ineriartortinneqarneranullu pilersaarusiorluakkamik suliniutit, immikkoortortat akimorlugit suliassat kiisalu suliniutinut nutaanut siunnersuutinik misissuinermut saqqummiussinermullu peqataallutit tapersiissaatit. Aamma Aasianni toqqorsivimmik aqutsineq suliassaraat.


Illit ujartorpatsigit

  • Suliniutinik aqutsinermut ilisimasaqarneq.
  • Ilinniagaqarnikkut tunuliaqutaq pitsaasoq, ajornanngippat teknikkimut tunngasumik sivisunerusumik ilinniagaqarsimaneq.
  • Piffissamut qaninnerusumut ungasinnerusumullu pilersaarusiorsinnaaneq, aaqqissuussaasumillu sulisinnaaneq.
  • Suliniutinut tunngatillugu aningaasaqarnermik paasinnilluarsinnaaneq.
  • Akerleriissutinik aaqqiisinnaaneq.
  • Attaveqaqateqarluarsinnaaneq.
  • Suleqatiginnillaqqissuunissaq.
  • Inunnik pitsaasumik attaveqarsinnaaneq, suliffimmilu avatangiisinik pitsaasunik pilersitseqataaneq.
  • Allaffissornikkut IT-mullu tunngatillugu piginnaasaqarluarnissaq.
  • Kalaallisut qallunaatullu oqalussinnaallunilu allassinnaaneq.
  • Biilernermut allagartaqarnissaq.


Suliassat allat

  • Distriktip ungasinnerusoq eqqarsaatigalugu aningaasaliissutissanut pilersaarutaanik suliaqarnermut, matumani business case-nik suliaqarnermut, peqataaneq.
  • Misilittakkanik paarlaasseqatigiinneq ilisimasanillu avitseqatigiinneq.
  • Suliniutinut allaffimmut suliniutinillu ataqatigiissaarisartunut allanut attaveqarneq.
  • Nassiussat tiguneqartut nassiussallu pillugit nalunaarutit (adviser) ullut tamaasa nakkutigalugit, Aasianni allaffimmi nunaqarfinnilu immikkoortortani sulisunut attuumassuteqartunut killiffimmik ilisimatitsisarneq.
  • Toqqorsivimmi uninngasuutit pillugit paasissutissanik katersuinermut, ingerlatsinermut paasissutissanik uuttuutinillu sumiiffimmi qullersaqarfimmilu nalunaarutigisassanik suliaqarneq.
  • Suliniutinut nutaanut siunnersuutinik suliaqarnermut peqataaneq, matumani toqqorsiviit illutaat akisussaaffigisat iluarsartuussinissaannut, nutarterinissaannut aaqqissugaanerannullu pitsanngorsaatissanik siunnersuuteqarnermut peqataaneq.
  • Pisariaqartitsineq naapertorlugu immikkoortortani tamani peqataaneq ikiuullunilu suliaqarneq.


Atorfininnermi atugassarititaasut

Akissarsiat atorfinitsitaanermilu atugassarititaasut Kalaallit Nunaanni Namminersorlutik Oqartussat aamma kattuffiup isumaqatiginninniarsinnaatitaasup pineqartup akornanni isumaqatigiissut atuuttoq naapertorlugu aalajangersarneqassapput.

Atorfik qaammatini pingasuni misiliummik atorfinitsitsiviussaaq.

Atorfimmut atatillugu sulisunut inissiamik pequsersugaanngitsumik innersuussisoqarsinnaavoq, malittarisassat atuuttut naapertorlugit. Inissiap attartorneranut qularnaveeqqusiissutaanullu akiliuteqartarneq inissiamut innersuussinermut malittarisassat atuuttut naapertorlugit pissaaq.

Sulisunut inissiaq atorfeqarnermut attuumassuteqarpoq, taamaattumik atorfeqarnerup taamaatinnerani qimanneqassaaq.

Namminersorlutik Oqartussani atorfeqarnikkut sulisunut inissiamik innersuussivigineqareersimaguit, sulisunut inissiamik innersuussivigineqarsinnaatitaaneq attatiinnarneqassaaq.


 Annertunerusumik paasisaqarniaruit?

Atorfimmi suliarisassat aamma sulerinissaq pillugit apeqqutissaqaruit taava Nunap immikkoortuani pisortaq Ovenguaq Lyberth attaveqarfigiuk, oqarasuaammut +299 89 48 47-mut imaluunnit e-mail ol@nukissiorfiit.gl.

Aningaasarsiat aamma atorfeqartitaanermi atugassarititaasut nalinginnaasut pillugit apeqqutit uunga hr@nukissiorfiit.gl nassiunneqarsinnaapput imaluunniit oqarasuaat +299 34 95 00.

 

Nukissiorfiit pillugit

Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tamanna pillugu annertunerusumik atuarit uani www.nukissiorfiit.gl.

Qinnuteqarnissamut killissarititaasoq: decembarip 3.-at, 2026