AU-mi ilinniartunngulerpit imaluunniit ilinniartuullutit, taava maannakkut Nukissiorfimmi periarfissaqalerputit.
Nuummi qitiusumik allaffeqarfiup pisariaqartippaatit. Ulluinnaat pissanganartuussapput, ilinniakkannilu ilisimalikkatit naleqquttumik misilittagaqarfigilissavatit.
Ataani allaqqasuni ilinniagaqartut pisariaqartippagut:
AU-ØR
AU-ØR ilinniartutut aningaasaqarnermut immikkoortortatsinni suleqatigiillu assigiinngitsut suleqatigalugit suliffimmik misiliissaatit. Suleqatitit nalingalugit sulisassaatit, tamannalu ulluinnarni aaqqitassatut suliassanik pingaarutilinnik suliaqartarnissannik isumaqarluni. Ilinniakkavit piumasaqaatai inuttullu ineriartornerit apeqqutaallutik akisussaaffilerneqassaatit.
Immikkoortoqarfimmut aaliangersimasumi sulissaatit, ilinniakkanilu pilersaarutaasut malillugit suliassatit allanngorartinneqassallutik. Suliffimmillu misiliinippit saniatigut atorfiit misilikkusuttatit misilittagaqarfigilissallugit periarfissaqassaatit. Taamaattumik ilinniakkannut atatillugu sunniuteqarsinnaaninnut periarfissaqarputit.
Suliassat ima assigiinngiiaartigisinnaapput:
·Akiligassanik suliaqarneq
·Kiffartuussassanik nalunaarsuineq, kiffartuussanut attaveqarneq.
·Suliffeqarfiup avataaneersullu naatsorsuutaannik saqqummiussineq ailisimasaqarfigilissavatit kiisalu
·Suliffeqarfimmi naatsorsuutinik suleriutsinillu ataqatigiissaarinerit.
AU-OA
AU-OA-ilinniartutut pisortaqarfimmi suliffigisanni aningaasaqarnerup sinaakkutai misilittagaqarfigilissavatit. Akiligassanik akilersuinermut ingerlatsivimmi suleqataalissaatit, tassanilu ulluinnarni akiligassanik akiliisarneq paasisaqarfiginerulissavat.
Matuma kingorna atuisut misigisaasa ineriartortinneqarnissaannut ingerlatsinerullu pitsanngorsarneqarnissaanut peqataatinneqarnerit annertusiartussaaq.
Suliffimmik misiliinermi akiligassanik akiliisarnermi aqutsisoq saaffigisassavat, taassuma suliffimmik misiliinerit aaqqissuullugulu ilinniarnissannut iluarsartuullugu pilersaarusiamik isumannaarinnissimavoq.
AU-OA ilinniartutut suliassatit
• Allaffissorneq ingerlatsinerlu
• Allakkatigut saaffiginnissutinik tigooraaneq
• Immikkoortoqarfiit allat suleqatigalugit
• Nukissiorfiit kinaassusaa isigineqarneratalu ineriartortinneqarneranut peqataaneq
• Suliffeqarfiup politikkia malillugu suliaqarneq kiffartuussallu kissaataannik eqqarsaatiginninneq
• Kiffartuussinissamut, aalajaatsuunissamut nuannersumik eqqarsarsinnaanermut aamma immikkoortoqarfiit assigiinngitsut suleqatiginissaannut piginnaasaqarnissat pisariaqarpoq.
AU-ITL
AU-ITL ilinniartutut pilersaarusiukkamik pisiortortutsinnut suleriuseqalilerluta suliffimmik misiliinissat sammineqassaaq.
Pingaarnertut suliassatit ilaatigut ataani allaqqapput:
·Pisiortortut pisiaannik suliaqarneq
·Nioqqutit pillugit paasissutissat (nioqqutinik pilersitsineq, immikkoortitikkat-, pisiortorfinnillu misissueqqissaarnerit)
·Quersuarmik aqutsineq (Quersuarnik kisitsineq, toqqorsivinnik pisariaqartitsinermut misissueqqissaarneq, nioqqutinik navianartunik isumannaallisaaneq)
·Assartuinermut atatillugu nassiussassanik naammassinnittartunut attaveqarneq
·Pisariaqartitsineq, assartuinissamut neqeroorutit allarpassuillu pillugit pisiortorfinnutK attaveqarneq.
·Suliffeqarfik akimorlugu suleqateqarneq
Suleqatitit nalingalugit sulisassaatit, tamannalu ulluinnarni aaqqitassatut suliassanik pingaarutilinnik suliaqartarnissannik isumaqarluni.
Suut naatsorsuutigisinnaavigit?
Qullersaqarfimmi ikiuukkumatuullutillu pikkorissunik suleqateqassaatit. Suleqatitta immikkoortoqarfiillu akornanni ulluinnarni suleqatigiinneq naatsorsuutigisinnaavat. Suliassat suleqatillu assigiinngiiaartarput, tunuliaqutaallu aamma assigiinngiiaarsinnaasarlutik. Nukissiorfiit suliffeqarfiuvoq ilisimasanik inuttullu ineriartortitsinissamut pingaartitsisoq.
Sulisorilerusuppatsigit
- Attuumassulimmik ilinniagaqarsimaguit
- Akisussaaffilimmik, tunniusimallutit suliassanik aallartiillutillu suliarinnissinnaassuseqaruit
- Ilinniakkannik soqutiginnillutillu tunniusimaguit
- Ilinniarusussuseqarlutit suliamullu tungatillugu ilinniartinneqarnissamut ammaguit
Aallartiffissaq Aggusti 2026
Akissarsiat atorfillu pillugit piumasaqaatit
Akissarsiat atorfiilu pllugit maleruagassat naapertuuttut atuuttullu atorneqassapput.
Atorfininnermut atatillugu najugassamik neqerooruteqanngilaq.
Illit suleqatigilissavatsigit?
Taava qinnuteqaatit ”Atorfimmut qinnuteqarit” aqqutigalugu piaarnerpaamik nassiuguk.
Maluginiaruk qinnuteqaatinni allaqqassammat ilinniarnissamut sammivik sorlermi ilinnialissamaarnersutit.
AU-ilinniartuuneq pillugu apeqqutissaqaruit HR attavigiuk. Akissarsiat atorfillu pillugit apeqqutissaqaraanni hr@nukissiorfiit.gl-imut nassiunneqarsinnaapput.
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik kiassarnermillu pilersorpaa. Kalaallit Nunaannut sullitatsinnullu imminut akilersinnaanissaa sulissutigisuaannarparput. 2019-imi innaallagissamut, imermut kiassarnermullu immikkoortitagut 72 %-upput. 2030 tikillugu nukissiorneq minguitsoq anguniarparput. Nukissiorfiini 400-nut sulisutsinnut sinaakkutassat pitsaanerpaat pilersissimavagut. Kalaallit Nunaanni Danmarkimilu sulisut naammaginninnerisa qaffasinnerpaat akornanniippugut. Paasisaqarnerorusukkuit www.nukissiorfiit.gl-imi atuarsinnaavutit.
Qinnuteqarnissamut killissarititaasoq: juunip 30.-at, 2026