Kalaallit oqaasiini Upernaviup isumaa tassaavoq ”upernaarsiorfik”. Upernavik tassaavoq illoqarfinni avannarlerpaami inissisimaffillit ilaat, qeqertaararpassuit tammartajaarfissallit, itsaq inoqarfiusimasut, iluliapiluunersuit, timmissat millionilikkaat, aammalu qilalukkap qernertap nujuartap sumiiffigisartagaasa qeqqanni inissisimaffilik.
Upernavimmi inuuneq pilersiguk, tamaanimi ukiup qanoq ilinera apeqqutaatillugu tamatigut uumassuseqassutsimik, aamma pinngortitamik alutornartorsuarmik misigisaqarnissannut periarfissaqassaatit, immakkut angalanikkut pinngippat qajartornikkut takusassarsiornikkut, qimussernikkut, imaluunniit qamuteralannikkut.
Atorfik pillugu
Upernavimmi 20-nik sulisulinni suleqatigiit ilannguffigikkit, tassanilumi suleqatit pikkorissut, pimoorussisut ajornaasaartullu naapissavatit. Tamatuma saniatigut ullut tamaasa nunap immikkoortoqarfiani illoqarfiit sinnerinit, Uummannamit aamma Qaanaamit innaallagissiorfimmi sulisuunik inuttalittut sulianut tunngasutut ingerlattagalinni eqimattuni ilaasortatut isumasioqatigiinnerit pissarsiarisinnaavatit.
Nunaqarfiit innaallagissiorfiinik illuutinillu ingerlatsinermut aserfallatsaaliuinermullu akisussaaffeqalissaatit.
Annertuumik sunneeqataasinnaassaatit, aammalu ulluinnarni sulianut sunniuteqarlutillu pilersaarusiornissamut periarfissaqassallutit, minnerunngitsumillu ataatsimoorfitsialammi ilaaffeqalissaatit, tamaanilu assassorluni teknikkip tungaatigut suliatsialammik isumaginnittoqartarnissaq alaatsinaataraarput.
Pisortat qaninnerpaaq tassaassaaq Upernavimmi nunaqarfinnut Suleqatigiinni aqutsisoq.
Teknikkimik tunngasuutilinnik isumaginninnermut naleqqiullugu malittarisassat, najoqqutassiat aamma inatsisit malittarineri qularnaaqataaffigissavatit, minnerunngitsumillu aserfallatsaaliuinermik suliaqarnermut tunngatillugu.
Pigaartuunermik aaqqissuussiffimmi ilaasinnaassaatit, aammalu angalasarnerit pisarumaassapput.
Suliassaqarfinni akisussaaffeqarfigisani tamatumunnga immikkut ittunik piginnaasaqassaguit allannguisoqarsinnaavoq, aammalu piukkunnaateqarnerit takutissagukku, sulilu annerusunik misileerusussaguit inuttut inerikkiartorfissaqarfik periarfissaavoq.
Pingaarnertut akisussaaffigisattut suliassaqarfitit:
- Innaallagissiorfinni ingerlatsivinnik illunillu ingerlatsillunilu aserfallatsaaliuinerit, ilaallutik nunaqarfinni ingerlatsiviit sumiiffigisaanni tamarmiusuni saligaatsuutitsineq eqqiaasarnerlu.
- Aqquserngit qulliinut, kabelinullu sikaavinnut akisussaaffeqarfik, nunaqarfinnilu Innaallagissiornermik pilersuisarnermik misissuisarneq.
- Ingerlatsinerup pitsaanerpaanngortinneranut aamma sunniuteqarluartitaanernut ilassuteqartarneq.
- Sulisunik sulianut tunngasutut ingerlattakkani ilinniartitsinermi kajumissaarisarnernilu peqataasarneq.
- Ilinniartut ilinniartitarinerini peqataasarneq.
- Suliassat iluarsiiviginerinut aserfallatsaaliuinermut ingerlattakkat, aamma aaqqissuussat sinnerisa atugarineqarnissaannik qularnaarineq.
- Allaffissornikkut suliassanik ingerlanneqartuartutut ilinniartitaaneq.
Makkuninnga piginnaaneqartutit ujarpatsigit:
- Innaallagisserisutut, imaluunniit El-installatøritut ilinniakkamik naammassinnissimasoq.
- Sakkunik maskiinanillu suussutsinik assigiinngitsunik isumaginnissinnaasoq, tamatumanilu maskiinanik oqimaatsunik aserfallatsaaliuisarnermik misilittagaqarneq iluaqutaassaaq.
- Motoorinik dieselitortunik (solaaritortunik) anginerusunik aserfallatsaaliuinermik misilittagalik (ventilinik morersiisarnerit, stempeltrækkit, assingusullu).
- Suliartortuartartoq.
- Namminersuutigisaminik sulisinnaasoq, soorlulusooq suleqatigiinni sulinissamut piginnaasalik.
- Annikinnerpaatut suussuseq B-mut (nalinginnartut biilersinnaanermut allagartamut) biilersinnaanermut allagartalik.
- Kalaallit aamma danskit oqaasiinik oqalussinnaassaguit iluaqutaassaaq.
- Immakkut angalanissamut piginnaasalittut uppernarsaateqassaguit iluaqutaassaaq.
Aningaasarsiaqarnermi atorfinitsitaanermilu atugassarisat:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorfinitsitaaneq qaammatinik pingasunik misilitsiffeqartillugu pissaaq.
Atorfimmut sulisunut inissiamik innersuussisoqarsinnaanngilaq. Namminersorlutik Oqartussani atorfeqarneq aqqutigalugu sulisunut inissamik innersuussissummik peqariissaguit sulisunut inissamut innersuussissummik pisinnaatitaaffigisaq pigiinnarneqassaaq.
Atorfik pillugu erseqqinnerusutut paasissutissast ukunatigut pissarsiarineqarsinnaapput:
Suleqatigiinni aqutsisoq Thorbjørn Hansen, e-mailikkut: thans@nukissiorfiit.gl, oqarasuaatikkut: (+299) 242412 imaluunniit nunap immikkoortuanut pisortaagallartoq Gert Kjær, e-mailikkut: gk@nukissiorfiit.gl imaluunniit oqarasuaatikkut saaffiginninnermi: (+299) 954105.
Annertunerusutut paasissutissiissutit:
Apeqqutit nalinginnaanerusutut ilusillit HR-ip immikkoortoqarfianut saaffiginnissutaassapput, e-mailikkut ugguuna: hr@nukissiorfiit.gl
Nukissiorfiit pillugu
Nukissiorfiit tassaavoq namminersortitatut suliffeqarfik, Nunalerinermut, Imminut Pilersornermut, Nukissiornermut Avatangiisinullu Naalakkersuisoqarfiup ataaniittoq. Suliffeqarfik naggataatigut tassaavoq inuiaqatigiit aamma suliffeqarfiup atuisartuisa pigisaat. Nukissamik pilersuineq pillugu Inatsisartut peqqussutaat 1997-imeersut, assingisaallu imeq pillugu 2007-meersut Nukissiorfiit nunami innaallagissamik, imermik kiassarnermillu pingaarnerpaatut pilersuisartuuneranut toqqammavissanik inissiipput. Toqqammavissat atugassat taakku iluini, aammalu inuiaqatigiinni aningaasaqarnermi atugassarisanik tamakkuninnga sianiginnilluni Nukissiorfiit pilersuinermik aserujaatsumik, aammalu ataavartutut nukissiornermut teknologiimik annertunerusumik atuinermik, aammalu atuisartunut sunniuteqarluartunik iluarsiissutinik sammisaqarpoq.
Qinnuteqarnissamut killissarititaasoq: novembarip 5.-at, 2026