Nukissiorfiit Nuummi qullersaqarfimmi Akiligassalerivimmi siunnersortimik sukkanerpaamik imaluunniit isumaqatigiinneq naapertorlugu atorfinittussamik pissarsiorpoq. Atorfik tassaavoq nuna tamakkerlugu sullitaqarfiusumiittooq piujuaannartitsinissamik pingaartitsisumiittoq ullullu tamaasa inuiaqatigiinnut akisussaaffimmik qaqitsisinnaasoq.
Nukissiorfiit ineriartortinneqartuarpoq nutaaliornermik pilersitsisoqartuarpoq, misilittagaqarnermut inissaqartitsisoq, akissaateqarnermut iluaqutaalluartunik, naleqartuartussanik aamma piujuaannartitsinissamut pilersitseqataasoq, atuisutsinnut aamma inuiaqatigiinnut iluaqutaalluartussamik. Taakkua ataani nukik piujuaannartoq aamma imermik imigassatut minguitsumik pilersuineq ineriartortinneqartuartoq aamma pitsanngorsarneqartuarpoq, taamatullu atuisutsinnut aamma allaffissorluni ingerlatsinitsinni digitalimik sullissinerit ineriartortinneqartuarlutik.
Akiligassalerivimmiipput aqutsisoq siunnersortinillu 3-nik sulisoqarluni inuttaqarpoq. Taanna Naatsorsuuserinermut immikkoortortaqarfiup ilagaa, tamarmillu katillugit sulisut 14-pput ilinniartullu pingasuullutik.
Naatsorsuuseriviup saniatigut Regnskabsafdelingip ataaniipput Pisiortornermut Akiligassiissutinullu immikkoortoqarfik, Akissarsialerivik kiisalu Naatsorsuuserinermi nakkutilliinermut immikkoortortaq.
Suliassap imarisai
Naatsorsuuserivimmi immikkoortortaqarfimmut tassalu aningaasaqarnermut immikkoortorqarfiup ataaniitumut inissinneqassaatit, suliassavillu ilagaat:
- Akilerneqarsimasut allattorlugit aamma atuisut kontoi nakkutigiuarlugit.
- Aningaaserivimmut aamma akiitsoqartunut naligiissaarineq
- Akiitsoqartut nakkutigalugit aamma akiitsui naatsorsoqqissaarlugit
- Akileeqqusissutinik akilerneqarsimanngitsunik nassiussuineq aamma malinnaaneq
- Akiliisitsiniarnermut aamma toqusimasut naatsorsuusiuunnerannut suliarinnittoq
- E-mailinik akisineq
- Allaffimmi suliassat takkussortut tamaasa
Kissaatigaarput suleqatissarput:
- Naleqquttumik ilinniagagarsimasoq
- Naatsorsuuserinermik ukiut 2-3 misilittagaqareersimasoq
- Marloqiusanik oqaaseqartuusoq, piumasaqaataanngilarli
- Pissutsinut nutaanut sulinissamut piareersimasoq, ilikkajasoq namminerlu (imminut aqulluni) sulisinnaasoq.
- Inuk inussiarnertuusoq, akuersaartuusoq aamma pimoorussisoq.
- Office pakken atorsinnaavaat aningaasaqarnermullu suleriaatsit ilisimasaqarfigilluarlugit. Xellent atorparput, taannaalluni pilersuinermi suliffeqarfinni Axapta atorneranut suleriaaseq.
Neqeroorutigisinnaavarput
- Suliffeqarfik suliaminut aallussilluartoq aamma suliffiup ingerlalluarnissaanut pimoorussisoq
- Sulineq pissanganartoq, aaliangeeqataanissamut annertuumik periarfissiisoq ulluinnarnilu sulianut sunniuteqarluarnissamik periarfissiisoq.
- Suliaqarneq savituujusoq, illit inuttut aamma suliamut tunngasunik ineriartorsinnaallutit.
- Ataqatigiilluartuuvugut, sulinerup nuannersuunera pingaartillugu.
Akissaatitigut atorfeqartitaanermilu atugassarititat
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.
Atorfinitsitsinermi qaammatit pingasut ingerlaneri misiliutaassapput.
Atorfimmut atatillugu inissaqartitsisoqanngilaq. Namminersorlutik Oqartussani atorfeqarneq aqqutigalugu atorfimmut inissiamik innersuussummik peqareeruit tassunga pisinnaatitaaffik pigiinnarneqassaaq.
Suli paasisaqarnerorusuppit?
Atorfik pillugu paasissutissat annertunerusut pissarsiarineqassapput Akiligassalerivimmi aqutsisoq Jane Maqe oqarasuaammut (+299) 34 96 19-mut imaluunniit e-mailimut jmaqe@nukissiorfiit.gl-mut attavigisinnaavat.
Apeqqutit allat Sulisoqarnermut Immikkoortortaqarfimmut apeqqutigineqarsinnaapput e-mail: HR@nukissiorfiit.gl imaluunniit + 299 349500.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: oktobarip 29.-at, 2026