Nukissiorfinni Nunap Immikkoortuani Ilulissani immikkoortortaqarfitsinnut innaallagisserisumik pissarsiorpoq. Atorfik sapinngisamik piaarnerpaamik inuttalerneqarnissaa kissaatigineqarpoq. Ulluinnarni illit Innaallagissamik siaruarterinermi suleqatigiinnut aqutsisup ataaniissaatit.
Suleqatissarsiorpugut nammineerluni nalinginnaasunik innaallagialerinermut tunngasunik suliassanik suliaqartarsinnaasumik aamma Ilulissani nunaqarfiinilu innaallagissamik, kiassaanermik imermillu nioqqutissiornermut siaruarterinermullu atortunik ingerlatsinermi ikiuisinnaasumik.
Atorfimmi suliassanut ilaapput:
- Ingerlatsineq aamma aserfallatsaaliuisarneq Ilulissani sarfap sakkortuup sakkukitsullu aqqutaannik kiisalu aqqusinermi qullernik
- Ingerlatsineq aamma aserfallatsaaliuisarneq Ilullissani transformereqarfinnik kabelinillu ikkussuivinnik
- Teknikimut aamma sanaartukkanik atortunut tunngasut pioreersut pitsaanerulersinnissaannut siunnersuusiornermi peqataaneq
- Nutaanik aallarniisuuneq aamma teknikimut atortut paarilluagaanissaasa, salinneqartarnissaasa aamma Nukissiorfiit sinnerlugit nittarsaanneqarluarsinnaanissaasa qulakkeerneqarnissaat
- Ilulissani suleqatigiit suleqatigiilluarnissaasa peqataaffigilluarnissaa aamma nunaqarfinni, nunap immikkoortuani aamma suliffeqarfimmi sumiinneq apeqqutaatinnagit
- Ilinniartinneqarneq naammassereerpat Ilulissani pigaartuusarnermi peqataaneq
- Teknikimut uppernarsaatit aamma toqqortaatit aqunneqarneranni nutarterinermi aamma malinnaanermi peqataaneq
- Innaallagissamik siaruarterinermi teamlederip innersuussineratigut suliassanik takkuteriataartunik suliaqartarneq
Uagut neqeroorutigisinnaavavut:
- Suliffik pissanganartoq aamma suliatigut inuttullu unamminartorpassualik
- Sullivimmi avatangiisit isumassarsinarlutillu pitsaasuusut ikinngutigiilluarfiusullu, kiisalu suliassanut sukumiisumik ilisarititsisoqarlunilu ilitsersorneqarfiusut
- Suliffik ineriartortoq suliamut tunngasuni aamma inuttut ineriartornissamut periarfissat pitsaasut
- Suliamut tunngasunik tulluartunik pikkorissarnissat, tassunga ilanngullugit immikkoortortaqarfimmiit sorlermeersuuneq apeqqutaatinnagu pikkorissarnerit nunap immikkoortuata pilersuinerata pitsaasuunissaata qulakkeerneqarnissaanik pitsaanerulersitsisuusut
Akissaatitigut atorfeqartitaanermilu atugassarititaasut
Akissarsianut aamma atorfeqartitaanermi atugassarititaasut ingerlanneqassapput Naalakkersuisut aamma pineqartup kattuffiata isumaqatigiinniarsinnaatitaasup isumaqatigiissutai tunngavigalugit.
Atorfinitsitsinermi qaammatit pingasut ingerlaneri misiliutaassapput.
Atorfimmut atatillugu inissaqartitsisoqanngilaq.
Illit tassaavit suleqatissarput ujartugarput?
Taava qinnuteqaatit nassiutiguk ”Atorfik una qinnuteqarfigiuk” sapinngisamik pilertornerpaamik.
Atorfimmut tunngasumik apeqqutissaqaruit Innaallagissamik siaruarterinermi suleqatigiinnut aqutsisoq Mikkel Alsted Christensen, attaveqarfigiuk, oqarasuaat +299 34227-mut imalunniit e-mailikkut mchri@nukissiorfiit.gl-mut.
Akissarsianut aamma atorfininnermut atugassarititaasut nalinginnaasut pillugit apeqqutit hr@nukissiorfiit.gl -imut ingerlateqqinneqarsinnaapput.
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.
Qinnuteqarnissamut killissarititaasoq: februaarip 25.-at, 2026