Nukissiorfiit ullut tamaasa Kalaallit Nunaanni tamarmi innaallagissamik, imermik kiassarnermillu patajaatsumik pilersuinissaq qulakkeerniarlugu sulivoq. IT-mik aaqqiissutit ulluinnarni ingerlatsinermut pingaaruteqarluinnarput, peqatigisaanillu suliffeqarfiup siunissami isumannaatsumik ataqatigiissumillu ineriartortinneqarnissaanut tapersiissallutik.
IT-arkitektitut pingaarutilimmi inissisimassaatit, tassani IT-arkitekturi patajaatsoq ataqatigiissorlu pilersinneqarlunilu attatiinnarnissaa akisussaaffigissallugu. Suliffeqarfiup pisariaqartitaasa anguniagaasalu tunngaviannik arkitekturi pillugu tunngaviit, ineriartortitsinissamut pilersaarutit (roadmaps) kiisalu aaqqiissutit, suliniutini aalajangiinernilu atorneqarsinnaasut, ilusilersussavatit.
Atorfik IT-mi IT-mut immikkoortortaqarfimmi inissisimavoq. Suliffeqarfiup IT-mik piginnaasaasa qaffasinnerulernissaannut, pisariaqanngitsumik paasiuminaassutsip annikillisinneqarnissaanut kiisalu systeminut tunngasut ineriartortinneranni aqunneqarnerannilu siunissaq ungasinnerusoq eqqarsaatigalugu isiginnittaatsimik qulakkeerinermut pingaarutilimmik strategiskimik inissisimaffeqassaatit.
Atorfik immikkoortortaqarfiit suliffeqarfiullu iluani immikkoortut assigiinngitsut akornanni attaveqaqatigiinnermik annertuumillu suleqatigiinnermik pisariaqartitsivoq. Pissutsit fagligit assigiinngitsut akornanni ataatsimut sammivimmik pilersitsisinnaassaatit, kiisalu ilaatigut Data Management suleqatigalugu systemarkitekturi, integrationit aamma dataflowit ataqatigiissumik ingerlannissaat qulakkeerlugu.
Illit inissisimanerit
Suliassat pingaarnerpaartaat tassaavoq Nukissiorfiit ataatsimut isigalugu systeminik teknologiinillu atugaasa akornanni ataatsimoortumik takussutissamik ataqatigiissumillu aaqqissuussamik pilersitsineq. Arkitekturip maanna atorneqartup siunissamilu atorneqartussap sinaakkutissai ineriartortissavatit, aammalu aaqqiissutit nutaat ataatsimut sammivimmut naapertuuttuunissaat qulakkeerlugu.
Strategiskimik sulinerup saniatigut ulluinnarni sulinermut qanittumik aamma suliaqassaatit. Teknologinut tunngatillugu roadmaps, tunngaviit standardillu ineriartortinneranniit, applikationinik, integrationinik systeminillu imminnut attuumassuteqartunik nalunaarsuinermut, kiisalu systeminik, teknologiinik aamma designimik toqqaanermut tunngatillugu siunnersuinermut suliassarissavatit.
Inissisimanerit siammasippoq, ataani akisussaaffiit pingaarnerit ersarissarneqarput. Suliassat piffissap ingerlanerani pingaarnersiorneqarlutillu ineriartortinneqassapput, naatsorsuutigineqanngilarlu suliassat tamakku tamarmik ataatsikkut isumagissagitit.
Suliassat pingaarnerit
- Applikationit, teknologit, integrationit kiisalu aaqqissuussinermi pingaarnerit akornanni atassuteqaatit pillugit ataatsimoortumik arkitekturimut takussutissiamik ineriartortitsineq aserfallatsaaliinerlu.
- IT-Chefimik kiisalu soqutigisaqaqatigiinnik attuumassuteqartunik suleqateqarluni siunissami arkitekturimut anguniakkat, arkitekturimut tunngaviit, standardit kiisalu teknologiinut pilersaarutit ineriartortillugit nutarterlugillu.
- Applikationinik porteføljeq, systemit akornanni attaveqaatit, integrationit kiisalu teknikkikkut atassuteqaatit nalunaarsorlugit uppernarsaasiorlugillu.
- Data Managementimik suleqateqarluni IT-arkitekturip, dataplatformit, dataflowit kiisalu peqatigiiffiup paasissutissanik pisariaqartitaasa akornanni ersarissunik killiliussanik pilersitsineq.
- Inuussutissarsiornikkut ingerlatsinikkullu pisariaqartitat tunngavigalugit systeminik toqqaanermut, teknologiinut, integrationimut periutsinut kiisalu aaqqiissutissanik ilusilersuinermut tunngasunik innersuussutinik suliaqarnissaq.
- Suliniutinut, pisinissamut aammalu pilersuisunik oqaloqateqarnermut peqataaneq, qulakkeerlugulu aaqqiissutit nutaat ataatsimoortumik arkitekturimut naapertuunnissaat kiisalu atuutilereernerup kingorna aqunneqarsinnaanissaat.
- Systemit inuunerisa ukiuinik aqutsinermut peqataaneq kiisalu teknikkikkut akiitsut, aarlerinartut, ataatsimut katersinissamut periarfissat kiisalu nutarterinissamik pisariaqartitat paasiniarlugit.
- IT-mi ingerlatsinermut paasissutissallu isumannaatsuunissaannut immikkut ilisimasalinnik suleqateqarluni isumannaatsunik, patajaatsunik annertusarsinnaasanillu aaqqiissutissanik tapersersuineq.
- Arkitekturimut tunngasunik oqallinnernik aaqqissuisarneq, aalajangiussanik uppernarsaasiorneq kiisalu standardit aamma arkitekturimut tunngasunik toqqaanerit suliffeqarfiup iluani tamani ilisimaneqarlutillu atorneqarnissaat qulakkeerlugu.
IT-milu atortulersuutigut
IT-milu atortulersuutigut assigiinngitsorpassuarnik imaqarput, ilaatigut ERP- aamma aningaasaqarnermut systemit, Microsoft 365, BI- aamma pilersaarusiornermut aaqqiissutit, GIS, uuttortaanermut systemit, SCADA/SRO- aamma ingerlatsinermut systemit allat, databaser, dataplatformit, API-t kiisalu integrationimut aaqqiissutit.
Atortulersuutit tamakku ilaqarput sumiiffimmi (lokalt) kiisalu cloud-imi tunngaveqartunik aaqqiissutinik, aammalu systeminik suleqatigisartakkatsinnit avataaneersunit tunniunneqarlutillu ingerlanneqartunik.
Teknologit tamaasa siusinnerusukkut ilisimareernissaat piumasaqaataanngilaq. Pingaarnerpaavoq arkitektureqarnikkut ataqatigiinnerit paasilluarsinnaagitit, ataatsimut takussutissamik pilersitsisinnaasutit kiisalu pisariaqartitat aamma pisariussutsit tunngavigalugit sammivimmik erseqqissumik atorneqarsinnaasumillu pilersitsisinnaasutit.
Illit piginnaasatit
Takorloorparput illit:
- IT, datalogi, software, data, ingeniøritut ilinniarneq imaluunniit tamakkununnga assingusumik ilinniagaqarnermut bachelor- imaluunniit kandidatgradeqartutit.
- Ilinniarninni imaluunniit siusinnerusukkut misilittakkatit aqqutigalugit IT-arkitekturimut suliassamik annertuumit pisariusumillu kivitsisinnaanissamut piginnaasaqartutit.
- IT-arkitekturimik, løsningsarkitekturimik, enterprise-arkitekturimik, softwaremik ineriartortitsinermik imaluunniit systeminik integrationimik misilittagaqartutit imaluunniit taakkununnga tunngasunik pitsaasumik paasinnittuusutit.
- Applikationit, integrationit, API-t, infrastrukturit, cloud- aamma sumiiffimmi ingerlanneqartut aaqqiissutit kiisalu IT-p ingerlatsinerata, paasissutissanik isumannaallisaanerup aamma dataflowit akornanni ataqatigiinnerit paasilluarsinnaagitit.
- Periarfissaqarfigigit oqallinnerni strategiinut tunngasuniit ajornartorsiutinut teknikkikkut aalajangersimasunut nuussinnaanissat.
- Ataatsimut takussutissamik pilersitsisinnaasutit, aalajangiussat uppernarsaasiorlugit kiisalu pisariussutsit tunngavigalugit innersuussutinik ersarissunik suliaqarsinnaasutit.
- Ersarissumik attaveqarsinnaasutit kiisalu teknikkimut tunngasunik aamma teknikkimut tunngassuteqanngitsunik suleqatit peqatigalugit ajornanngitsumik suleqatigiissinnaasutit.
- Namminersorlutit aaqqissuussamik piumassuseqarlutillu sulisinnaasutit, kiisalu aalajangiussat piviusunngortinneqarnissaasa tungaanut malinnaavigisinnaagitit.
Suliassamik kivitsinissamut piginnaasatit tamarmiusut pingaartippagut. Taamaattumik IT-arkitektitut misilittagaqarluartoq imaluunniit kandidat, teknikkikkut tunngavissaqarluarluni ineriartortinneqarnissamut pitsaasumik periarfissaqartoq, taamatut inissisimaffimmut naleqquttuusinnaavoq.
Sooq inissisimaffik una immikkuullarippoq?
Nukissiorfiit siunissami qanoq IT-landskabimik ineriartortitsissanersoq aammalu suliffeqarfiup tamakkerlugu qanoq aqussaneraa sunniuteqaqataaffigisinnaavat.
Inissisimaffik taanna strategiinut tunngasunik sunniuteqarnissamut periarfissamik, suliassanillu aalajangersimasunik naammassinnittarnermik kiisalu Kalaallit Nunaanni pilersuinerup ulluinnarni qulakkeerneqarnissaanut akisussaaffilinnik suliassaqarfinnik qanittumik suleqateqarnermik ataatsimoortitsivoq.
IT-afdelingimi ilaassaatit aammalu IT-Chef Alu Petrussenimut toqqaannartumik attaveqartassallutit.
Aammattaaq Data Management aamma suliffeqarfiup immikkoortortaqarfiinik aammalu immikkoortunik allanik qanimut suleqateqassaatit. Tamanna tunngavigalugu IT-p, suliffeqarfiup ingerlanneqarnerata, suliniuteqarnerit aammalu avataanit pilersuisut akornanni ataqatigiissaarisutut pingaarutilimmik inissisimaffeqalissaatit.
Taanna uagutsinni neqeroorutigaarput
- IT-p aaqqissuussaanera siunissami qanoq ilusilersorneqarnissaanut aamma systeminut tunngatillugu aaqqissuussaanermut sunniuteqaqataaffiusumik pingaarutilimmik inissisimaneq
- Attaveqarfigisassat amerlasuut, aqutsisunik, suliassaqarfinnik aamma teknikkikkut immikkut ilisimasalinnik qanittumik suleqateqarnissamut periarfissaq
- Suliassat ilisimasaqassutsikkut unammillernartut inuiaqatigiinnut pingaarutilimmik suliffeqarfimmi, siunertaq ersarissumik pigisumi
- Suleqatit pikkorissut, suleqatigiinneq nukittooq aamma inissisimaffiup ineriartortinneqarnissaanut periarfissat pitsaasut
- Sulinerup inuunerullu oqimaaqatigiissinnissaanut pitsaasunik atugassaqartitsineq, nerisarfimmik aaqqissuussineq, suliffiup nalaani timersornissamut periarfissaq kiisalu sulisut peqatigiiffiat sammisaqartitsisoq
Nuummi sulineq
Atorfik Nuummi Nukissiorfiit qullersaqarfianni inissisimavoq.
Nuuk tassaavoq Kalaallit Nunaata illoqarfiisa pingaarnersaat uummaarissorlu, kulturimut, sunngiffimmut, pinngortitamut ilaqutariinnullu periarfissarpassualik. Nuummi inuunereeruit imaluunniit tamaanga nuunnissat eqqarsaatigigukku, suliffimmi inunnut, aalajangiisartunut aamma Kalaallit Nunaata pinngortitaanut qanittumiittumi periarfissaqassaatit.
Akissaatitigut atorfinitsitaanermilu atugassarititat
Akissaatitigut atorfinitsitsinerlu Naalakkersuisut aamma attuumassutilittut sulisartut kattuffiata akornanni isumaqatigiissut naapertorlugu pissaaq.
Atorfik immikkut siunnersortitut imaluunniit pisortamut siunnersortitut atorfinitsitsissutigineqassaaq, ilinniagaqassutsivit, piginnaasavit misilittakkavillu apeqqutaatillugit.
Atorfininneq qaammatini pingasuni misilitsiffeqartillugu pissaaq.
Atorfimmut inissiamik innersuussisoqarsinnaavoq. Namminersorlutik Oqartussani atorfeqarneq aqqutigalugu sulisunut inissiamik innersuussissummik peqariissagaanni sulisunut inissiamut innersuussutaasumut pisinnaatitaaffik pigiinnarneqassaaq.
Malittarisassiat atuuttut najoqqutaralugit atorfininnermi soraarnermilu angalanerit akilerneqassapput.
Atorfik pillugu paasissutissat amerlanerit
Atorfik pillugu paasissutissat amerlanerit pissarsiarineqarsinnaapput IT-Chefi Alu Petrussen attavigalugu oqarasuaatikkut: (+299) 34 95 30.
Apeqqutit nalinginnaanerusut HR-imut immikkoortoqarfimmut e-mailikkut uunga nassiunneqassapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.
Qinnuteqarnissamut killissarititaasoq: oktobarip 21.-at, 2026