Toqqorsivimmiutut sulisorisarput soraarninngulerpoq, taamaattumillu toqqorsivimmiumik nutaamik inuttassarsiuivugut. Immaqa tassaavutit illit pisariaqartitarput?
Sapinngisamik piaarnerpaamik imaluunniit isumaqatigiissutigisaq malillugu atorfinittussamik Nukissiorfiit iluani Nunap immikkoortua Nuuk toqqorsivimmiumik inuttassarsiorpoq.
Sulisup pingaarnertut suliassai tassaapput Nuummi pingaarnertut toqqorsivimmut, aamma uuttortaatinut toqqorsivimmut, kiisalu Qinngutsinni toqqorsiveqarfimmut sulianut tunngasutut ingerlattakkatigut tamatigoortutullu akisussaaffeqarfissat.
Suliassani pingaarnertut makku ilaassapput:
- Toqqorsivimmut, aamma pisariaqartitsinerit malillugit suliniutinut pisiortornerit, kiisalu pisiat tiguneranni nakkutilliinerit
- Nioqqutit tunniuttarneri, taamaalinerinilu allattugaralugit nalunaarsuisarnerit
- Suussutinut killiffinnut atatillugit toqqorsivinniittunik kisitsinerit
- Toqqorsivinnik iluarsaassinerit, saligaatsuutitsinerillu
- Pisortamik qaninnerpaamik, aamma Nunap immikkoortuani pisortamik suleqateqarluni toqqorsiviit isumaginissaannut malittarisassianik suliaqarnerit
- Nunap immikkoortua Nuummi toqqorsivinnut sulianut tunngasutut ingerlattakkani akisussaaffeqarfik, taamaalillunilu nunap immikkoortuani immikkoortoqarfinnut tamanut ikiorsiisarnerit
- Kalaallit Nunaannut tamarmut uuttortaatinik toqqortaatinut akisussaaffeqarfik
- Siunertanut aalajangersimasunut suliassat annikinnerit, soorlu mekanikerimit biilinik tunniussaqarnerit/aallernerit.
Suleqat ima ittoq inuttassarsiorparput:
- Torersuutitsinermik piginnaasamigut nukittooq, imminullu najoqqutassaqartittoq
- Toqqorsivinnik aqutsillaqqissoq
- Kiffartuusserusuttoq, suleqatiginnikkusuttorlu
- Namminersuuteqartoq, nutaanillu pilersitsiumatooq
- Atuisartutut qarasaasialerinermik ilisimasalik, aamma biilersinnaanermut allagartalik, ajornanngippallu usisaatinut.
Makku neqeroorutigisinnaavagut:
- Suliffik pissanganartoq, sulianut tunngasutut ingerlattakkani imminullu inuttut unammillerfissalik
- Ikinngutigiilluarnermik peqartumik sullivimmi avatangiisit isumassarsinarlutillu iluarinnittuuffiit.
Aningaasarsiaqarnermut atorfitsitaanermullu atugassarisat
Aningaasarsiat, atorfinitsitaanermullu atugassarisat Naalakkersuisut, aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu pissapput.
Atorfik qaammatinik pingasunik misilitsiffeqarpoq.
Annermik paasinnikkusuppit?
Oqarasuaatikkut saaffigisassaapput Nunap immikkoortuani allaffimmi pisortaq Julie Johannesen, oq. (+299) 342279 imaluunniit Nunap immikkoortuani pisortaq Henrik Gundersen oq. (+299) 557400.
Apeqqutit nalinginnaanerusut HR-ip immikkoortoqarfianut saaffiginnissutaaqquneqarput, ukunatigut: hr@nukissiorfiit.gl imaluunniit oq. (+299) 34 95 20.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitsinni 70 %-it nukissamik atajuartumik tunngaveqarput. 2030-p tungaanut nukissamik atajuartumik tamakkiisumik pilersuinissaq sulissutigaarput. Atorfeqartunut 400-nut tamanut toqqammavissat pitsaanerpaat pilersinnerisigut Nukissiorfiit iluani iluatsitsisuuvugut. Uagut pilluta uani annerusumik atuagassaqarpoq: www.nukissiorfiit.gl
Qinnuteqarnissamut killissarititaasoq: oktobarip 2.-at, 2026