Nukissamik pilersuinermi seqerngup, anorip erngullu nukii, aamma batteriit annertusiartuinnartumik inissaqartitaallutik teknologiip tungaatigut allanngortitsinermik Nukissiorfiit iluani ingerlataqarpugut. Taamaattorli pingaarnertut tunisassiornermut, aamma sillimmatissatut pilersuisarfinnut sarfaliuutinik solaaritortunik (dieselitortunik) illoqarfigut inoqarfigullu, tamarmik immikkut innaallagissap aqquteqarfiinik 70-inik pillit, suli pisariaqartitsipput. Hybridimik innaallagissamik tunisassiornermut ingerlatsinermut siunnersortitut allanngoriartorfimmut tassunga tamarmut malunniutissannik inissiissaatit, aammalu dieselimik tunngaveqartutut, tankeqarfeqarlutillu batteriinut toqqorsivittallit innaallagissamik tunisassiornerit sulianut tunngasutut ingerlatsivigalugit qitiusutut suliassaqarfigilissavatit.
Taamaattumik suliffeqarfimmik tamarmiusumik kivitseqataasinnaasutit misilittagaqarlutillu sulianut tunngasutut ingerlattakkanik paasisimasaqartutit pisariaqartippatsigit. Taamaattumik paasisitsiniaanikkut piginnaaneqarluarnissat aalajangiisuuvoq, taamaalillutik kikkut tamarmik piginnaasannik iluaqutissarsisinnaassammata.
Suliassatit pingaarnerpaat tassaapput
- Maannakkut ajornartorsiutinut tunngatillugit sinerissami ingerlatsinermi suleqatigiinni aqutsisunik isumasioqatiginninnerit
- Sulianut tunngasutut ingerlattakkamut ataatsimiititaliamik, aamma aserfallatsaaliuinermik akisussaaffeqartumik suleqateqarluni ingerlatsinermut aserfallatsaaliuinermullu najoqqutassianik suliaqarnerit, aamma ilanngullugit aningaasaleeqqinnissamut aamma aserfallatsaaliuinissanut pilersaarutit
- Sanaartornermik suliniutinut atatillugit uppernarsaassutinik teknikkip tungaatigut pitsaassusissanik qularnaarinerit
- Nukissiorfiit iluani innaallagissamik tunisassiornermi teknologiskimut tunngasutut allanngoriartortitsinermik qularnaarinerit.
Suliffeqarnikkut misilittakkatit, ilinniagaqarnermik tuniliaqutit soqutiginninnerillu apeqqutaallutik atorfimmi suliassat imarisaasa sunniiviginissaannut periarfissaqarputit. Taamatut innermigut atorfik tamatigoortuuvoq, tassami ingerlatsinermik alaatsinaataqassaatit, aammali periusissialikkamik allanngoriartorfissamut ilassuteqarsinnaasassallutit.
Suut naatsorsuutigisinnaavigit?
Nuummi Qullersaqarfimmi tunisassiornermut ikiorsiisarfittut (supportimut) immikkoortoqarfik Kalaallit Nunaat tamaat ikiuisarfigaa. Teknikkimut tunngasunut suleqatigiinni ilaalissaatit, ilaatigut VE-mut, erngup nukinganik nukissiornermut, kiassarnermut, innaallagissamik siammarterinermut Serticamullu, kiisalu ilinniartunut ingerlatsinermik siunnersortinik inuttalimmi.
Tassaalissaatit sulianut tunngasutut ingerlattakkatigut suleqatinik nukittuunik inuttalimmi, aammalu inissaqarluartitsisumi immikkoortoqarfiup ilaa. Aaqqissuussiffimmi immikkut ilisimasalittut inissisimaffeqassaatit, tamaanilu aaqqissuussiffimmi killeqarfiit qaangerlugit pikkoriffisatsitut, aammalu suleqatigiilluarnitsigut iluatsitsinerit pilersinneqartarput. Taamaalisukkut suliffeqarfiup, assut atugarissaarnermik pingaartitsisup ilaaffigilernissaa qilanaarisinnaavat, tamaaniippullu sulisunut aaqqissuussinerit, aammalu neqeroorutit, soorlu sulinerup nalaani timigissartarnerit.
Nuummi sulinngiffimmut suliaqarfittalimmut pitsaasunik periarfissaqassaatit. Sisorarneq, pisuttuarneq, qajartuarneq, piniarneq aalisarnerlu, imaluunniit kangerlummi angalalaarneq soqutigissagukkit tamassa. Aamma Nuummiipput niuerfitsigut, kultureqassutsimilu siamasissutut qinigassanik neqeroorutit, taamaattumillu tamanna nunarsuarmi illoqarferujussuarni mikisuaqqatut ittuuffilittut misigineqarsinnaavoq.
Ima ittutit ujarpatsigit
- Assersuutigalugu angallammi ilaalluni maskinmesteritut siusinnerusumi atorfeqarsimanermit Innaallagissamik tunisassiortutut ingerlatsivinnut dieselitortunut misilittagaqarlunilu iterngi tikillugit ilisimasalik
- SRO-mik, aamma SCADA-mik aaqqissuussiffinnik ilisimasaqarluartoq
- Qeqertatut ittuni ingerlatsinerni matoqqasutut innaallagissamik pilersuiffittut aaqqissuussiffinnik misilittagalik
- Tunisassiorfittut immikkoortulinnik assigiinngitsunik arlalinnik aaqqissuussiffinnik hybridinik (akulerussanik) ilisimasalik
- Attaveqaqatiginninnermi piginnaasaqarluartoq
- Paasissutissanik (datanik) katersuisarnermik misissueqqissaarisarnermillu misilittagalik
- Nangitatut teknikkip tungaatigut ilinniakkamik naammassinnissimasoq (maskinmesteri, maskiningeniøri assingusulluunniit).
Atorfik tassaavoq ataqatigiissaariffittut atuuffilik, taamaattumillu ataatsimut isiginniffimmik annaasaqarnak suliassarpassuarnik iluarisaqartuunissat pingaartuuvoq. Tamakku saniatigut oqaatsinik marlunnik, kalaallisut danskisullu, piginnaaneqarnissat iluaqutaassaaq, tamannali piumasaqaataanani.
Atorfinitsitaanermi atugassat
Aningaasarsiat atorfinitsitaanerlu isumaqatigiissut attuumassuteqarlunilu atuuttoq najoqqutaralugu. Qaammatini pingasuni misilitsiffeqarpoq.
Sapinngisamik piaarnerpaamik atorfinitsitsisoqassaaq, neriuppugulli ulluni 1/11-2026-mi, imaluunniit 1/12-2026-mi aallartissinnaassasutit.
Tassaavit suleqat ujagarput?
Taava 25. september 2026 nallertinnagu qinnuteqaatit ”Atorfimmik qinnuteqaat” aqqutigalugu nassiuguk.
Atorfiup imarisaanut atuuffigisaanullu apeqqutissaqassaguit taava immikkoortoqarfimmi pisortaq, Lars Schütt attaveqarfigiuk, ukunatigut: +299 258990 imaluunniit larss@nukissiorfiit.gl. Aningaasarsiat atorfinitsitaanermilu atugassarisat pillugit apeqqutit nalinginnaat uunga nassiunneqarsinnaapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2024-mi innaallagissamut, imermut kiassarnermullu tunisinitsinni 70 %-it nukissamik atajuartumik tunngaveqarput. Atorfeqartunut 400-nut tamanut toqqammavissat pitsaanerpaat pilersinnerisigut Nukissiorfiit iluani iluatsitsisuuvugut. Uagut pilluta uani annerusumik atuagassaqarpoq: www.nukissiorfiit.gl
Qinnuteqarnissamut killissarititaasoq: septembarip 30.-at, 2026