Ilulissani nukissiornermik kiffartuussiviup pisariaqartippaatit. Nunami nukissamik imermillu pilersuinerup allanngoriartortillugulu nutarsarnerisa iluini iliuuserisamik nukittorsaaqataassaatit. Tassaalissaatit suleqat pingaarutilik, namminersuutigisannik suliassaqarfippit iluani suliniutinik aqutsisuusoq, aammalu suliniummut Nukissiorfiup periuusissiai malittarineqarlutillu ilanngussornissaannik qulakkeerinnittoq. Ilulissanut nunap immikkoortuata pisortaa qullersarilissavat.
Suliassatit pingaarnerit tassaassapput:
- Suliniutinut aqutsisutut suliniutinik isumagisassanik piviusunngortitsinissaq, suliffiup iluani avataanilu soqutigisaqaqatigiit qanimut suleqatigalugit
- Suliniutini piffissaliussat, pitsaassutsip aningaasaqarnerullu malittarineqarnissaannik qulakkeerinninneq
- Suliniutini nutaani business Casesiliornerit
- Suliniummi peqataasunut suliassanik agguaassisarneq, aammalu nunap immikkoortuani pisortamik suleqatigiinnilu aqutsisunik qanimut suleqateqarluni ataqatigiissarineq
- Nunap immikkoortuani suleriaatsinik tapersersuillunilu pitsaanerpaanngorsaanerit
- Uppernarsaasiornerit toqqorsisarnerillu
- Innaallagissamit kiassarnermut qaminneqarsinnaasumut tunngasunik ataatsimoorussatut saaffiginnissutinik tigooraasarfimmut akisussaaffeqarfik
- Siunertanut aalajangersimasunut allaffissornikkut suliassat sinneri
Suut naatsorsuutigisinnaavigit?
Tassaalissaatit suleqatinik pikkorillutillu pimoorussisunik inuttaqartup immikkoortoqarfiup ilaa. Uagutsinni sulianut tunngasutut ingerlatsisutut eqimatatut immikkoortoqarfiillu akimorlugit suleqatigiiffigisagut ulluinnaat naatsorsuutigisinnaavatit. Tamaaniipput suliassat assigiinngitsorpassuit, aammalu suleqatit assigiinngitsunik tunuliaqutaqartut. Nukissiorfiit iluani sulianut tunngasutut ingerlattakkatigut inuttullu inerikkiartorfissanut periarfissatsialaqarpoq.
Ima ittuusutit ujarpatsigit:
- Suliniutinik aqutsinermik misilittagalik
- Pingaarnerutitatut missingersuusiarisat iluini aningaasalerinermik misilittagalik
- Piffissami sivikitsumi aamma sivisuumi pilersaarusiornermi imminik najoqqutassaqartitsisoq
- Allaffissornermik misilittagalik
- IT-lerinermik piginnaasaqarluartoq
- Namminersuuteqartuusoq, aammalu siuarsarnermik qulakkeerisinnaasoq
- Sulinerup ingerlanneqarnerini nikerartuni tassaniittutut imminut isigisinnaanerit, ullut ilaanni suliffiup iluanit saaffiginnittorpassuarnik isumaginnittartussaassallutit
- Attaveqaqatigiinnikkut piginnaasaqarluartoq
Inunnik qanorluunnit ittunik, aamma sulianut tunngasutut ingerlattagaqartutut inunnik attaveqaqatiginnissinnaassaatit. Atuuffigisat avammut ammasuuvoq, tassanilu illit attaveqarfinnik pilersitsisinnaanerit, aalaakkaasuunermik takutitaqarsinnaanerit, aammalu pimoorussaqarnerit suliniutip iluatsittumik naammassineqarnissaanut qulakkeerinnipput.
Aningaasarsiat atorfinitsitaanermilu atugassarisat:
Atorfinitsitaaneq Naalakkersuisut (Namminersorlutik Oqartussat) aamma attuumassutilittut sulianut tunngasutut ingerlattagarisani kattuffiup akornanni isumaqatigiissutaasoq najoqqutaralugu pissaaq.
Atorfinitsitaaneq qaammatinik pingasunik misilitsiffeqarfiuvoq.
Atorfimmut sulisunut inissiamik innersuussisoqarsinnaavoq.
Namminersorlutik Oqartussani atorfeqarneq aqqutigalugu sulisunut inissiamik innersuussaareersimassagaanni sulisunut inissiamut innersuussamut pisinnaatitaaffik pigiinnarneqassaaq.
Atorfininneq sapinngisamik piaarnerpaamik, imaluunniit isumaqatigiissut malillugu.
Atorfik pillugu erseqqinnerusumik paasissutissat ugguuna pineqarsinnaapput:
Nunap immikkoortuani pisortaq Niels Pedersen, e-mailikkut: npede@nukissiorfiit.gl imaluunniit oqarasuaatikkut saaffiginninnikkut, oq. (+299) 94 67 66.
Annerusumik paasissutissat:
Apeqqutit nalinginnaanerusut HR-ip immikkoortuanut saaffiginnissutaasinnaapput, e-mailikkut ugguuna: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup tamakkiisuunissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: septembarip 8.-at, 2026