Teamlederimut ikiortaasinnaavit suleqatigiit suliaminnik angusaqarluarnerpaallutik aamma pitsaanerpaamik naammassineqarnissaat ataqatigiissaartartarnissaasa qulakkeerneqarnissaannut?
Ilulissani nukissiorfiit illit atorfissaqartippaatsit. Suliatigut akisussaasuussaatit, suleqatigiit sulinissaminnut kajumissuseqalersitsisarnerisigut aamma suleqatigiit suliaminnik piffissaq eqqorlugu naammassinnittarnissaannut qulakkeerinnittartussatut. Teamlederimut ikiortaasassaatit, tassa ilit suliassat ataasiakkaat ataqatigiissarlugillu suliarineqarnerisa ingerlanneqarluartarnissaat qulakkeertartussaagakkit. Kiassaanermik nioqqutissiorneq annertunerpaamik uunnaavissuit innaallagiatortut atorlugit ingerlanneqartarpoq, sillimataasumik nukissiaq atugassaq (standby-energi) qitiusumik kiassaateqarfiit uuliatortut atorlugit pisartoq.
Suliassatit pingaarnerit makkuupput
- ulluinnarni suliassat ataqatigiissaarlugillu suliakkiissutigisarnissaat
- suliffeqarfimmi namminermi periutsit ineriartortinneqarnissaat malinneqarnissaallu
- illoqarfimmi kiassaanermik siaruarterinerup pitsaanerulersinnissaa, malitseqartitsisoqartarnissaa aamma nakkutigineqartarnera
- illoqarfimmi imermit nukissiorfimmit nukissiap sinneruttup atorluarneqarnerunissaanut peqataaneq
- sulisunik ilinniartitsineq aamma suliatigut isumasioqatigiittarneq
Suut naatsorsuutigisinnaavigit?
Suleqatigiit ilumoorsaarnarfiunngitsut aamma isumassarsiffigineqarsinnaasut ilagilissavatsit. Suleqatigiinni pingaaruteqartumik inissisimassaatit, tassani iluatsitsineq pikkorilluta pitsaasumillu suleqatigiilluta anguneqartarluni. Tamanna ilutigalugu suliffeqarfimmi suliffimmik iluarisimaarinniffiulluartumi ilaalernissat qilanaarisinnaavat – Kalaallit Nunaanni aamma Danmarkimi pitsaanerpaanut ilaavugut.
Suleqatissarsiorpugut makkuninnga pikkoriffeqartumik
- teknikimut tunngasumik ilinniagaqarsimasumik
- SRO-mik atortumik ilisimasaqartoq
- EDB atorlugu ingerlatsinermik aamma aserfallatsaaliuisarnermik systeminik ilisimasaqartumik
Teamlederi suleqatigalugu suleqatitit sulinissamut kajumissuseqalersittassavatit isumassarsisittarlugillu. Aalajaatsuuvutit, sanngiitsuunngitsoq kiisalu siuttuunissaq pissusissamisoortutut isigaat isumasioqataasarlutit aamma ikiuuttarlutit. Tamatuma saniatigut ilisimavat sullissinerup pitsaasup qaffasissuunissaata qanoq pingaaruteqarnera aamma atuisartutitsinut pitsaassuseq eqqarsaatigalugu.
Atorfinitsitsinissaq pissaaq sapinngisamik piaarnerpaamik imaluunniit isumaqatigiinnikkut.
Atorfinitsitaanermut atugassarititaasut
Aningaasarsiat aamma atorfeqartitaanermi atugassarititaasut kattuffiup isumaqatigiissutai tulluartut aamma atuuttut naapertorlugit ingerlanneqassapput. Atorfinitsinneqarnermi qaammatit pingasut misiliinertut atorneqassapput.
Atorfimmut atatillugu pequsersorneqanngitsumik maleruaqqusat atuuttut naapertorlugit inissamik neqerooruteqarpugut. Namminersorlutik Oqartussat aqqutigalugit atorfimmut atatillugu inissaqartinneqareeruit tamatumunnga pisinnaatitaaffik atuutiinnassaaq.
Atorfininnermut atatillugu akliunneqarluni angalaneq sulilernermi aamma suliunnaarnermit maleruaqqusat atuuttut naapertorlugit atuutsinneqassapput.
Illit tassaavit suleqatissarput ujartugarput?
Taava qinnuteqaatit nassiutiguk ”Atorfik una qinnuteqarfigiuk” sapinngisamik pilertornerpaamik.
Atorfimmut tunngasumik apeqqutissaqaruit Nunap Immikkoortuani Pisortaq, Magnus Anton Olsen, attaveqarfigiuk, tlf. +299 946777. Akissarsianut aamma atorfininnermut atugassarititaasut nalinginnaasut pillugit apeqqutit hr@nukissiorfiit.gl -imut ingerlateqqinneqarsinnaapput.
Nukissiorfiit pillugit
Nukissiorfiit sulisuisa 400-t Kalaallit Nunaat tamakkerlugu innaallagissamik, imermik aamma kiassaanermik pilersupput. Ataatsimoorluta sulissutigiuarparput atuisartutsinnut iluaqutaasumik aaqqiissutissanik aningaasartuutinik atorluaanermik aamma piujuartitsinermik tunngaveqartumik pilersitsinissarput sulissutigiuarparput. 2019-imi innaallagissamik, imermik aamma kiassaanermik nioqquteqarnitta 72 procentia ataavartumik nukissiornermit pivoq. Uiup 2030-p tungaanut sulissutigaarput nukissiaq ataavartoq atorlugu 100 %-imik nioqqutissiulernissarput. Nukissiorfiit sulisunut tamanut killiussat pitsaanerpaat pilersinniarneranni iluatsittumik angusaqarput. Tassami Kalaallit Nunaanni aamma Danmarkimi suliffeqarfiit akornanni sulisut naammagisimaarinninnerat qaffasinnerpaanut ilaavoq. Uagut pilluta annertunerusumik atuartit uani: www.nukissiorfiit.gl.
Qinnuteqarnissamut killissarititaasoq: aggustip 1.-at, 2026