Oqartussaasunut attuumassutilittut suliassat sammisaqarfigalugit imermut suleqatigiiutitsinni ernisumut sinniisimik pimoorussisumik imminullu najoqqutassaqartitsisumik Nukissiorfiit inuttassarsiuivoq. Ilinnut ilinniakkannik naammassinneqqaamut, imaluunniit annikitsumik misilittagaqartumut, aammalu pilersuinermik suliassaqarfiup iluani qitiusutut inissisimaffimmi sulianut tunngasutut nukittuumik aallartinnissamik kissaatilimmut atorfik tulluarluinnarpoq.
Suliassatit ilaatigut makkuussapput:
- Erngup nukinganik nukissiorfiit pillugit qinnuteqaatinik suliaqarnerit, uppernarsaassutinillu malitseqartitsinerit
- Ingerlattakkanik nassuiaatinik aamma suliffiup iluani ingerlattakkanik suliaqarlunilu nutaanik ilalersuinerit
- Oqartussaasunik suleqateqarluni imermik misissugassanik misissueqqissaarinernillu nakkutilliinerit nalilersuinerillu
- Kommuninik oqartussaasunillu attuumassutilinnik oqaloqateqarlunilu ataqatigissaarinerit
- Imermik suliassaqarfimmi najoqqutaasunik malittarisassianillu ineriartortitsinermut allanngutsaaliuinermullu ilalersuuteqarnerit
- Imermik suliassaqarfimmi aserfallatsaaliuinissamut aningaasaleeqqinnermullu pilersaarutinik suliaqarnerit.
Takorloorparput ima ittuussasutit:
- Assersuutigalugu miljøteknologitut, ingeniøritut, maskinmesteritut assungusutulluunniit attuumassutilimmik ilinniagaqartuunerit
- Imminik najoqqutassaqartitsinerit, misissueqqissaarisartuunerit, aamma immikkuualuttunik arajutsisaqartannginnerit
- Allattariatigut paasitsisiniaallaqqissuunerit, aamma oqartussat suliarisaannik iluarisaqarnerit
- Imermik pilersuinermik soqutigisaqarnerit, ajornanngippallu imermik pilersuinermi teknikkikkut ingerlattakkanik paasinnittuunerit
- Danskit tuluillu oqaasiinik piginnaasaqarnerit – kalaallisut oqaatsit piginnaasaqarfiginerat iluaqutaassaaq, piumasaqaataananili.
Neqeroorutigaagut:
- Sulianut tunngasutut sullivinni avatangiisut nukittuut ajornaasaanngitsullu
- Inissisimaffimmi ilinniarlunilu ineriartuaarnissamut periarfissaqarneq – sulianut inuttullu tunngasutigut
- Suliassat inuiaqatigiinnut tunngatillugu assut pingaarutillit pissanganartut
- Suleqatit misilittagallit peqatigalugit ilinniartitaallunilu isumasioqateqatarnissamut periarfissat
- Piginnaasat soqutigisallu malillugit suliassanik naleqqussaanerit
- Kalaallit Nunaanni sumiiffinnut arlalinnut angalanissanut periarfissaqarnerit.
Kalaallit Nunaanni imermik pilersuinermut assigiinngissummik iliuuseqarnissannut piareeqqavit?
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaanngilaq
Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
Atorfinitsitaanerup nalaa: 1. august 2025 – 31. juni 2026
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugit annerusumik paasisaqarusukkaanni Lars Schütt attavigineqarsinnaavoq emailikkut: LARSS@nukissiorfiit.gl imaluunniit oqarasuaammut: (+299) 258990.
Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: juulip 15.-at, 2025