Illit aammattaaq Sisimiuni innuttaasut imermik imerneqartussamik minguitsumik imermut kuutsitsivimminnit imersinnaanissaat? Kiisalu sulinerpit illoqarfimmut tamarmiusumut assut pingaaruteqartuusoq ataqqiviuk?
Taamaappat Sisimiuni Nukissiorfiit immikkoortortaqarfiata atorfissaqartippaatit. Pingaarutilimmik inissisimalissaatit sulisunut, imermik nioqqutissiornermut aamma siaruarterinermut, attuumassuteqartunut ulluinnarni aqutsisutut. Tassani illit qulakkiissavat ulluinnarni imeqarfinni aamma Sisimiuni imermik siaruarterinermi aqqutinik ingerlatsineq.
Suliassatit pingaarnerit tassaapput:
- Isumannaallisaaneq aamma oqartussaasut piumasaqaataat
- Sulisunik maskiinat teknikiinut tunngasunik aamma atortunik taakkualu atortuinik aamma sakkunut tunngasunik suliassatigut ilinniartitsineq
- Sulisunik nutaanik ilinniartitsinermut peqataaneq taakkua pigaartuusarnermut peqataatinneqartalinnginneranni
- Nukissiorfiit Inuiaqatigiinnut Akisussaaqataanermini anguniagaanik (CSR) eqqortitsinissamut aamma ineriartortitsinissamut peqataaneq
- Teamlederip innersuussutigisai tunngavigalugit suliassanik takkuteriasaartunik suliaqartarneq.
Naatsorsuutigisinnaassavat allarpassuarnik pissanganartunik suliaqartarnissat. Uagut qulakkiissavarput ilinniartinneqarnissat aamma ineriartornissannut periarfissaqarnissat. Ilinniartinneqareeruit suleqatitit peqatigalugit aammattaaq pigaartuusarnermut aaqqissuussinermi peqataasalissaatit. Pigaartutut sulisarnissaq aamma nunaqarfinnut angalasarnissaq naatsorsuutigineqartariaqarpoq.
Suut naatsorsuutigisinnaavigit?
Illit suleqatigiinni suliaminnut pikkorissuni aamma allussilluartuni. Aqutsisuussaatit aamma suleqatigiinni pingaarutilittut inissisimalissaatit, tassani iluatsitsineq pilersinneqartarpoq pikkorissuseqarnikkut aamma suleqatigiilluarnikkut. Tamatumunnga ilutigitillugu qilanaarisinnaavat suliffeqarfimmi sulisut annertuumik iluarisimaarinnittut akornanni suleqataalernissat – Kalaallit Nunaanni aamma Danmarkimi pitsaanerpaat akornanniippugut.
Illit ujartugarput tassaavutit
- Tulluartumik suliatigut ilinniarsimasoq
- IT-mik atuisutut atuinermik ilisimasalik
- Biilernermut allagartalik
- Marluinnik oqaaseqarneq kalaallisut aamma danskisut iluaqutaassaaq, piumasaqaataanngilarli.
Aallarniisarsinnaassaatit aamma iliuuseqarsinnaaneq pikkoriffigalugu, tassami aalajangiisartussaagavit, suliassanik agguaassillutit aamma ulluinnarni ataatsimoortumik isiginnissinnaassallutit anguniakkat angusussaagatsigit. Illit inuttut kajumilersitsisinnaasaatit aamma nukissaqarluassaatit suleqatigiinnut ajunngitsumik kinguneqartumik. Tamakkua saniatigut nutaaliornissamik eqqarsarsinnaassaatit aamma aaqqiissutissanik nassaarniartuullutit, tassami unamminartunik arlalinnik assigiinngitsunik naammattuugaqarsinnaagatta tamakkerlugit aaqqinneqartussaasunik.
Akissaatinut atorfeqartitaanermilu atugassarititaasut
Akissarsiat aamma atorfinitsinneqarneq isumaqatigiissut tulluartoq aamma atuuttoq tunngavigalugu ingerlanneqassaaq. Qaammatinik pingasuni atorfininnermi misiliutaassapput.
Atorfimmut tunngatillugu inimik innersuussisoqarsinnaanngilaq.
Illiuit suleqatigerusutarput?
Taava qinnuteqaatit una aqqutigalugu ”Atorfik una qinnuteqarfigiuk” piaartumik nassiuguk.
Atorfiup imarisaanut aamma suliassat pillugit taava Teamleder, Hendrik Esaiassen, tlf. +299 58 78 26, attaveqarfigiuk. Aningaasarsianut aamma atorfinitsitaanermut atugassarititaasut pillugit apeqqutit nalinginnaasut saaffiginnissutigineqarsinnaapput uunga hr@nukissiorfiit.gl
Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik aamma kiassaanermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiussanik pitsaasunik atugaqarnissaanik pilersitsineq iluatsilluarparput. Tassami Kalaallit Nunaani aamma Danmarkimi suliffeqarfiit akornanni sulisut naammagisimaarinninneranni qaffasinnerpaanut ilaavugut. Uagut pilluta annertunerusumik atuarit uani www.nukissiorfiit.gl
Qinnuteqarnissamut killissarititaasoq: maajip 1.-at, 2025