Ulluinnarisassatit
Nunap immikkoortuata isumannaatsumik pilersuineranut periusissiukkamut ineriartorneranullu tapersiinissaq suliniutinik, suliassanillu ilisimasanik tapertariissitsiffiusunik ataqatigiissaarinikkut aammalu suliniutissatut siunnersuutinik nutaanik qulaajaaqataallunilu nalunaaruteqaqataanissaq.
Ujartugaraatsigit
- Suliniutinik aqutsinermik ilisimasaqarneq.
- Suliaqarfimmut atatillugu tunuliaqutaqarluarneq, teknikkimut atatillugu sivisunerusumik ilinniagaqarsimaneq pitsaassaaq.
- Siunissaq qaninnerusoq ungasinnerusorlu eqqarsaatiggaluguit pilersaarusiornermi aaqqissuussisinnaalluarneq.
- Suliniutinut aningaasaqarnermullu paasisimasaqarluarneq.
- Akerleriissuteqarfiusunik iliuuseqarfiginnissinnaassuseqarneq.
- Attaveqateqarsinnaalluarneq.
- Suleqateqarluarsinnaaneq.
- Attaveqateqallaqqissuuneq suliffimmilu avatangiisinut nuannersumik sunniuteqarsinnaaneq.
- Allaffissornikkut IT-mullu tunngatillugu piginnaasaqarluarneq.
- Kalaallisut danskisullu oqalussinnaallutillu allassinnaavutit.
- Biilinut kørekorteqarputit.
Atorfinitsitsinermut pissutsit
Akissarsianut atorfininnissamullu pissutsit Kalaallit Naalakkersuisuisa isumaqatigiissutaat aammalu peqatigiiffiit isumaqatigiinniarnermut pisussaasut isumaqatigiissutaat malillugit ingerlasarput. Atorfik qaammatini pingasuni misiliiffittut piffissalerneqartarpoq.
Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.
Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.
Taannaavit suleqat ujartugarput?
Taamaappat qinnuteqaatit piaarnerpaamik.
Apeqqutit allat atorfimmut tunngasut akissutissarsineqarsinnaapput Distriktschef Ovenguaq Lyberth +299894847 Email: ol@nukissiorfiit.gl saaffiginerasigut
Aningaasarsianut atorfimmullu piumasaqaatit hr@nukissiorfiit.gl -mut nassiunneqarsinnaapput
Nukissiorfiit pillugit
Nukissiorfiit Kalaallit Nunaat tamaat innaallagissamik, imermik kissarnermillu pilersorpaa. Atuisutsinnut aningaasartuutitigut sunniuteqarluartumik aaqqiissutinillu piujuartitsisunik anguniagaqarusulluta piumassuseqarluta sulisuuvugut. 2019-mi nukissiornermik ataavartumik tunisassiornerput 72%-miippoq. 2030-p tungaanut ataavartumik nukissiornerup 100%-nngornissaa suliniutigaarput. Isumannaallisaaneq, sulisut atugarissaarnissaat suleqatigiilluarnerlu annertuumik pingaartitaraagut. Taamaasilluta aamma Kalaallit Nunaanni Danmarkimilu sulisut ilorrisimaartuunerisa annersaasa ilaanniippuguttaaq. Nukissiorfiit.gl aqqutigalugu paasisaqarnerugit.
Qinnuteqarnissamut killissarititaasoq: apriilip 29.-at, 2025