Immikkoortortami tamatumani suleqatit pikkorillutillu immikkut ilisimasallit peqatigalugit periusissiornikkut pingaarutilimmi qitiusumillu ingerlatsivimmi inissisimaffeqassaatit. IT-arkitektitut/chefkonsulentitut atorfeqalersoq suliniummut aalajangersimasumut ukiuni marlunni atorfinitsitaassaaq, atorfinilivinnissamullu periarfissaqartinneqassalluni. Soqutiginartippiuk?
Taamaappat maanna piffissaavoq suliffeqarfimmi Kalaallit Nunaanni tamarmi isumannaatsumik pilersuinissamik piujuartitsillunilu ineriartortoqarnissaanik ullut tamarluinnaasa sulissuteqarfiusumi atorfeqalernissamut periarfissamik atorluaanissannut.
Sumi sulissavit?
Nuummi qullersaqarfitsinni sulissaatit.
Digitalinngorsaanermut pisortaq naalagarissavat pingasunillu holdilimmi immikkoortortamiissallutit: IT-lerisut, uuttuisartut datamanagementilerisullu.
Taamaattumik suliamik ilinniarsimasut suleqatillu suliaminnik aallussilluartut 15-it miss. qanimut suleqatigilissavatit. Ingerlatsiviuttaaq sinnerani sulisunut allanut 400-nut miss. sineriak tamakkerlugu nunap immikkoortuini arfinilinniittunut Nuummilu qullersaqarfimmi sulisunut 100-t missaanniittunut attuumassuteqartumik sulisassaatit.
Sulerissavit?
Illit IT-arkitektitut/chefkonsulentitut digitalinngorsaanermut pisortaq pisortallu allat qanimut siunnersueqatigisassavatit, taamattaaq ilusilersukkanut uppernarsaatit (arkitekturdokumentation) atuutilersitsinerillu suliarisassavatit.
Nukissiorfinni suliat soqutiginarluinnartut ingerlatileruttorpavut, ilaatigut aningaasaqarnikkut systeminik atuutilersitsileruttorpugut paasissutissanillu Nukissiorfiit atortuinit SCADA/SRO-neersunik ataatsimut katiterileruttorluta.
Tamatuma saniatigut ingerlatsivimmi IT-mi OT-milu isumannaassuseq pingaartinneqarneruleraluttuinnarpoq, minnerunngitsumik silarsuarmi pissutsit pissutigalugit. Suut soqutigisarineritit sunillu piginnaasaqarnerit apeqqutaallutik matumani pingaarutilimmik inissisimanissamut periarfissaqarputit.
Taakkua saniatigut suliassatit ilaatigut makkuussapput:
- Suliffeqarfiup iluani avataaneersunillu isummersoqateqarneq, taakkua niuernikkut anguniagaannik paasinninneq aammalu systeminik ilutsinillu toqqagassanik innersuussuteqarneq
- Sammivissat, teknologiimut atatillugu atugassat tamatumunngalu atatillugu iliuusissanut pilersaarutit pillugit periusissiorluni isummersoqataaneq
- Ilusilersukkanut uppernarsaasiorneq (arkitekturdokumentation) taakkuninngalu aalajangiusimanninneq
- Systeminik atuutilersitassanik siunnersuuteqarneq
Illit kinaavit?
IT-arkitektitut/chefkonsulentitut atorfinni takorloorparput suleqatigiissinnaassuseqarluartutit, aammali sulianut aaqqiissutissarsiornermi namminersorlutit sulisinnaasutit.
Akisussaassuseqarputit aaqqissugaasumillu sulisinnaallutit malinnaavigiuminarsaasinnaalluarlutillu. Naatsorsuutigaarputtaaq ataqatigiissaarisinnaassuseqarluarlutillu attaveqatigiilluarsinnaassuseqartutit sullissisinnaalluartutillu. Aammattaaq:
- it-mi/datalogimi, softwaremi allatigulluunniit naleqquttumik teknikkilerinermi kandidatiullutilluunniit bacheloriusutit
- IT-arkitekturimik suliaqarnermi softwaremilluunniit ineriartortitsinermi ukiuni 1-3-ni misilittagaqartutit
Makku ilinnut neqeroorutigaavut
Kalaallit Nunaanni suliffeqarfiit annersaasa ilaanni soqutiginartumik atorfeqarneq.
Piffissat suliffiit pitsaasut (8-16) suliffimmik namminerlu inuunermik oqimaaqatigiissaariffiulluarsinnaasut, pikkorissorpassuarnik suleqateqarneq ataatsimooqatigiilluarsinnaanerlu, suliffimmi avatangiisit timimut isumamullu iluaqutaasut pitsammillu kantiinaqarneq, sulinerup nalaani timersorsinnaaneq sulisunullu peqatigiiffik ingerlalluartoq.
Akissarsiat atorfinitsitsinerlu isumaqatigiissutinut naleqquttunut atuuttunullu naapertuuttut.
Qaammatit pingasut siulliit misilitsiffiussapput.
Paasisaqarnerorusuppit?
Ilimagaarput atorfik pillugu apeqqutissarpassuaqassasutit, taamaattumik Digitalinngorsaanermut pisortaagallartoq Alu Petrussen sianerfigigiuk normumut uunga: +299349530.
Akissarsianut atorfininnermilu atugassarititaasut pillugit apeqqutissat uunga nassiunneqarsinnaapput: hr@nukissiorfiit.gl
Nukissiorfiit pillugit
Nukissiorfiit Kalaallit Nunaat tamakkerlugu innaallagissamik, imermik kiassarnermillu pilersuisuuvoq. Sullitatta iluaqutissaannut peqatigiilluta aningaasartuutinik atorluaaffiusunik piujuartitsiviusunillu aaqqiissuteqarnissarput sulissutigiuarparput. Nukissiorfinni sulisutsinnut 400-nut tamanut pitsaanerpaanik tunngavissaqartitsivugut. Uagut pilluta uani paasisaqarnerusinnaavutit: www.nukissiorfiit.gl
Qinnuteqarnissamut killissarititaasoq: apriilip 21.-at, 2025