Nukissiorfiit suliffeqarfik akimorlugu projektinut aqutsisussarsiorpugut.
Nuummi qullersaqarfimmi inissisimasumik projektinut aqutsisut tamatigut uagut nammineq aaqqissuussiffitsinnik ilaqartitsisarput, ilaatigullu IT-mut, allattoqarfimmut, teknikkikkut ingerlatsiffimmut, aningaasaqarnermut, inatsisilerinermut aqutsinermullu tunngasuusarput – akuttunngitsumillu akuleruussatut pisarlutik.
Suliniutit atuisartut misigisaannut aalajangiisumik sunniuteqarajuttarput, aammalu suleqatitta sullarissusiannut, imaluunniit suliffeqarfiup inernerisaanut.
Projektinik aqutsisutut suliat makkununnga tunngasinnaapput:
· IT-mi aaqqiissutinik nutaanik atuutsitsilernerit
· Nalinginnarmik ingerlatsinermut tunngasuunngitsunik teknikkikkut iluarsiissutinik atuutsitsilernerit
· Niuernermi ingerlattakkanik nutaanik atuutsitsilernerit
· Niunermut tunngasutut unammillerfissanik iluarsiinerit.
Suliniutit qaammatinik 6-18-inik sivisussuseqarajuttarput.
Projektinut aqutsisumut makkuninnga pitsaanerpaanik pilimmik inuttassarsiuivugut:
· Suliniutinik aqutsinermik ilinniagaqarneq/-uppernarsaateqarneq, aamma PRINCE2-mik ilisimasaqarneq
· Attaveqaqatigiinnermi paasisitsiniaanernilu piginnaasarissaarnerit
· Allanngortoqarfimmik aqutsinermik, aamma sulisorisanik kaammattuisarnernik misilittagaqarneq
· Ataqatigiissaarinermut piginnaasaqarluarneq, aamma aalajangiisartumut ataatsimut isiginniffimmik pilersitaqarsinnaaneq
· Ingerlattakkanik nalunaarsuisarnermik allanngortitsinernillu misilittagaqarneq
· Suliffiup avataani pilersuisartunik isumaqatigiissutinik aqutsinermik misilittagaqarneq
· Teknikkikkut aaqqissuussiffinni ingerlatsinermik aaqqiissutinik misilittagaqarneq
· Allaffissorluni suliassat isumaginerinik siullertut suliaqartarnermik misilittagaqarneq.
Projektinik aqutsisutut nutaatut suliniutip naammassisinnaanera pillugu pitsaassusilimmik aalajangiinermut atorsinnaasamik misissueqqissaarinermik suliaqarnermik aqutsisinnaassaatit, soorlulusooq soorunami atuutsitsilernerpiamik aqutsisinnaassallutit, nalunaarusiortassallutit, kingornatigullu nalinginnartut ingerlatsinermut tunniussaqartassallutit.
Atorfinitsitaanerpit aallartinnerani ikaarsaariarfittut piffissami aamma niuernermi ingerlattakkatsinnik uppernarsaasarnermik isumaginnissaatit. Tamanna niuernitsinnik ilisimasaqarluarnivimmik ilinnut tunisissaaq, kingusinnerusukkullu suliniutini killeqarfinnik qaangiisunik iluatsitsisinnaanissannut iluaqutaalluassalluni.
Oqaatsinik arlalinnik – kalaallit aamma danskit oqaasiinik – piginnaasaqarnissat iluaqutaassaaq.
Suliniutinut pisortamik qullersaqarlutit Suliniutinut allaffimmi atorfeqassaatit. Suliniutinut ataqatigiiffimmi aqutsisoqatigiinnut formandi qullersarissavat, taannalu akuttunngitsumik aqutsisoqatigiinnik amerlanernik inuttalikkamik ingerlataqartartuuvoq. Ulluni atukkanni suliniutinik eqimattut isumagalugillu aquttassavatit, tassaniippullu Nuummi Qullersaqarfimmi aammalu Kalaallit Nunaanni tamarmi Tunisassiorfittut immikkoortoqarfitsinni/sumiiffikkaani suleqatit inissisimaffeqarrattut. Suliniutinut allaffimmi suleqatinik tunniusimasunik arfineq-pingasunik inuttalimmi suleqatigiittut qanimut suleqatigiippugut, tassanilu ikiuinissamut isumasioqateqarnissamullu annertuumik periarfissaqarpoq.
Atorfinitsitaanermi pissutsit
Aningaasarsiat atorfinitsitaanerlu isumaqatigiissut attuumassuteqarlunilu atuuttoq najoqqutaralugu. Qaammatini pingasuni misilitsiffeqarpoq.
Tassaavit suleqat ujagarput?
Mingutsitsinnginnerusumut ikaarsaarfimmi angalaqataarusuppit? Taava sapinngisamik piaarnerpaamik ”Atorfimmut qinnuteqaat” aqqutigalugu qinnuteqaatit nassiuguk, kingusinnerpaamillu ulloq 9. januar 2026-mi.
Atorfiup imarisaanut atuuffianullu apeqqutissaruit attavigissavat suliniutinut pisortaq Ole Ziemer, mailikkut: olzi@nukissiorfiit.gl imaluunniit oq. +299 34 95 80/ +299 55 88 30. Aningaasarsianut atorfinitsitaanermilu atugarisassanut apeqqutit nalinginnaat uunga nassiunneqarsinnaapput: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2019-imi innaallagissamut, imermut kiassarnermullu tunisinitta 72 %-ia nukissamit atajuartumit pivoq. 2030-p tungaanut nukissap atajuartup tamakkiisuunissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput. Tassaavugummi Kalaallit Nunaanni aamma Danmarkimi suliffeqarfiit sulisuminnit annertunerpaamik iluarineqartut akornanniittoq. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: januaarip 10.-at, 2026