Innaallagiamik, imermik kiassarnermillu pilersuineq Nukissiorfiini qitiupput. Suleqatissatsinnik amigaateqarpugut suliffimmut takkuttarnermini aalajaatsumik aammalu ikiuerusussusilimmik nuannarisalimmik, apeqqutaanani motorersuavut iluarsaanneqarnersut imaluunniit sannavimmi asaasoqassanersoq. Suliaq nuannerpoq, kisianni aamma Ittoqqortoormiini najugalinnut tamanut pingaaruteqartorujussuuvoq. Taamaattumik illoqarfigisannut suliffimmik pingaarutilimmik kissaateqaruit, taava suliffik eqqortoq ilinnoortoq pigivarput!
Pingaarnerpaamik suliassatit ukuupput:
- Ingerlatsinermi sulinissat
- Imermik pajuttuinermi taartaasarnissat
- Suliassat tulleriiaarnerat naapertorlugit suleqatigiinni pisortaasup innersuussutigissavai
- Pigaartuusarnermi peqataanissaq
Sulisimanermik misilittakkatit apeqqutaallutik, ilinniarnermik tunulequttat soqutigisatillu apeqqutaalllutik, periarfissaqarputit atorfiup imarisaatigut sunniisinnaassallutit. Pingaarnerpaaq tassaavoq, piumassuseqaravit ilikkarnissannut aamma ingerlatsinermi suliassaasut pingaarnersiorlugit immikkoortissinnaagakkit.
Suna naatsorsuutigissaviuk?
Illoqarfiup pilersorneqarnerani suleqatigiinni ilaasortaassaatit. Suleqatigiit illit saniatigut tassaapput sulisut sisamat suleqatigiinnilu ingerlatsinermut akisussaasoq ataaseq. Tamatigut suliartortarpugut qungujulalluta, neriuppugullu tamanna ilinnut tunillaassuiumaartoq aallartikkuit.
Illit ujarpatsigit, ima piginnaanilik:
- Suliamik ilinniarsimavutit, innaallagisserisutut allatulluunniit
- Aaqqissuillaqqipputit torersaallaqqillutillu
- Suleqatiginnillaqqipputit aammalu inortuissanak
Suliassarpassuit ataatsikkut ingerlassinnaavatit, ulluinnarnilu suleqatinnut tamanna oqilisaataavoq. Nukissiorfiini ikioqatigiittarpugut ilinniartitsisarlutalu. Taamaattumik aamma soorunami naatsorsuutigaarput illit piumassuseqassasutit piginnaanitit takutissallugit, illit pikkoriffitit uagutsinnut ilinniartitsissutigissavatit takutillugillu. Pitsaaqutaassaaq, piumasaqaataanani, kalaallisut qallunaatullu piginnaaneqarluaravit.
Akissaatitigut atorfeqartitaanermilu atugassarititat
Akissarsianut atorfininnissamullu tunngasut isumaqatigiissummut naleqquttumut naleqqiullugu ingerlanneqassaaq.
Qaammatini pingasuni misiliutaasumik atorfeqassaatit.
Atorfik aqqutigalugu inissaqartitsisoqanngilaq.
Sukkanerpaamik sulilersinnaavutit imaluunniit isumaqatigiissuteqarnikkut.
Suleqatissarivatsigit?
Taava qinnuteqaatit una aqqutigalugu nassiutiguk ”Søg stillingen” sukkanerpaamik.
Atorfimmut tunngatillugu apeqqutissaqaruit, soorlu imarisai atuuffialu taava ingerlatsinermut suleqatigiinni pisortaasoq Erling Rasmussen oqarasuaammi +299 991950 attavigisinnaavat.
Apeqqutit naliginnaanerusut akissarsianut atorfininnermullu tunnganerusut uunga nassiussinnaapput e-mailikkut: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamak-kerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2019`mi innaallagissamik, imermik aamma kiassaanermik nioqquteqarnitta 70 %`a ataavartumik nukissiornermit aallaaveqarput. 2030`p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.
Qinnuteqarnissamut killissarititaasoq: decembarip 13.-at, 2025