Maskinmesterinngorniarpit, tassungalu atatillugu bachelorinngornissannut suliffimmik misiliiffissannik qinnuteqartussanngorlutit? Taava Nukissiorfiit immikoortoqarfianut ataatsimut suliffimmik misiliinissamut periarfissaqarputit.
Nukissiorfiit Kalaallit Nunaat tamakkerlugu innaallagissamik, imermik, kiassarnermillu pilersorpaa. Taamaattumik siammasissumik bachelorinngorniarnermi suliffimmik misiliinissamut neqerooruteqarnissatsinnut periarfissaqarpugut.
Bachelorinngorniarnermi suliffimmik misiliisutut – ineriartortitsinissatsinnut suliniuterpassuatsinnut peqataanissannut periarfissaqalissaatit. Suliffimmik misiliineq illoqarfinni imaluunniit qitiusumik allaffeqarfimmi Nuummiittumi nukissanik kiffartuussutit ilaanni ingerlanneqarsinnaavoq. Uani immikkoortoqarfimmi suleqataallutit sapaatit akunneri siulliit ulluinnarni suliassanut ikiuuttassaatit, tassani suliffeqarfik ilinniaatigalugu sammineqartuni suut bacheloriliornissannut allasseerisassatut soqutigineqarlugit paasiniassallugu. Isumassarsiatit soqutigisatillu aallaavigagit namminersorlutit sulinissannut periarfissaqarluassaatit. Imaluunniit iluarsartuullugu pilersaarusiami aallartinneqareersumut ilanngitissaatit, tassanilu iluarsartuullugu pilersaarusiap suliassartaanni killeqartumik suliaqartassallutit. Suliffimmik misiliininni suliaqarnissannut angalasariaqaruit, angalanerit isumagissavarput.
Bachelorinngorniartunik suliffimmik misiliinermi suliat ataani allanneqarsimasut ilaatigut iluarsineqarsimapput:
- Innaallagissamik elværkimi battaribankimik (sarfamik toqqorsivik)Aikkussuineranut atatillugu ikuallattoqarsinnaaneranut paasisaqarneq
- Nukissanut pilersaarusiorneq, tassani imermik nukissiuutinit nukissanik pitsaanerusumik atuisinnaaneq anguniarlugu
- Kiassarnermut sinneqartoorutinik atuinissaq pitsanngorsarniarlugu, ungasissumit kiassarnermi nillusaatip pitsanngorsarneqarnera
- Nunaqarfinni seqerngup qaamarnganik tigooraasussat ikkussorneqarnissaannut suliffeqarfimmut iluarsartuullugu pilersaarusiamik saqqummiineq
- Erngup aqqutaanik nutaamik imaluunniit RO-anlæg’imik ikkussuineq pillugit toqqaanissamut nalilersuutitut atortorissaarut
Nukissaqarlutit takkutissaatit
Ilinniarnissamut ilinniartitaanissamut aamma suliatit pillugit nalilersortinnissamut piumassuseqarnissat pingaaruteqarpoq. ”Peqataarusunnerit” ilisimasanullu soqutiginnittuunerit malugisinnaarusupparput. Taamaasiornikkut suliffeqarfitsinni eqqortumut inissinneqarnissat oqinnerussaaq.
Atorfimmut tunngasut:
Suliffimmik misiliininni akissarsiaqartissavatsigit, ajornartorsiutigullu pillugit bachelorimik allaaserinnissaguit, tamanna aamma akissarsiaqaataassaaq. Najugassannik tunisinnaanngilatsigit, illoqarfimmili ilinniartut inaataannut siunnersornissannik piareersimavugut, taamaanngippat akornatsinni nalunngisavut ikiorsinnaavaatit ineeqqamik ujarlerniaruit. Aningaasaliisussanik ujartuinissannut kaammattussavatsigit, taamaasillutit angalanissannut aningaasaliiffigineqarniassagavit, taamaattorli tamanna tunuarsimaassutigissanngilat.
Oqaloqatigiinnerit ingerlaavartumik ingerlanneqassapput, taamaattumik soqutigisatit, suliffimmik misiliineq sunaanersoq piffissartaalu ersarissumik oqaatiginissai pingaaruteqarpoq.
Paasisaqarnerorusuppit?
Suliffik pillugu apeqqutissaqaruit uunga mailersinnaavutit; hr@nukissiorfiit.gl.
Tusarfiginissat qilanaaraarput!
”Atorfimmut qinnuteqarit” toorlugu qinnuteqarsinnaavutit.
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik, kiassarnermillu pilersorpaa. Ataatsimoorluta sullitatsinnut iluaqutaasussanik akikinnerpaamik pitsaanerpaamillu aaqqiissutissanik sulissuteqartuaannarpugut. 2020-mi ataavertumik tunngaveqartumik nukissiuutinit innaallagissamut, imeqarnermut kiassarnermullu 70 %-it tunisimavagut. 2030-p tungaanut 100 %-imik ataavartumik tunngaveqartumik nukissiuuteqarnissarput sulissutigivarput. Nukissiorfiit sulisuminut 400-unut tamanut sinaakkutassat pitsaanerpaat pilersissimavaat.
Qinnuteqarnissamut killissarititaasoq: decembarip 29.-at, 2025