Ilinniakkanni sullivimmiinneq ingerlatileruttorpiuk, tassungalu atatillugu suliffimmik misiliisussanngorlutit?
Taava Nukissiorfiit suliffimmik misiliiffigissalugu periarfissaqalerputit.
Nukissiorfiit Kalaallit Nunaat tamakkerlugu innaallagissamik, imermik, kiassarnermillu pilersorpaa. Taamaattumik siammasissumik sullivimmi suliffimmik misiliinissamut neqerooruteqarnissatsinnut periarfissaqarpugut.
Sullivimmi suliffimmik misiliininni – suleqatigiinnut ilanngutissaatit, suleqatigiillu peqatigalugit suliassat pilersaarusiussallugit. Immitsinnut pisariaqartittuunerput, silap qanoq issusaa piffimmilu atortut qanoq pisariaqartitsiginerigut misigissavat. Kingorartissamik aserortoqarpat, nutaamik pisiniarfimmi piseriaannaanissaq naatsorsuutigineqarsinnaanngilaq. Taamaattumik sullivimmi ilinniarninni ilikkarsimasatit atorfissaqartissavagut, suliaqartarnissallu naatsorsuutigisinnaalluarpat. Suliassat assigiinngiiaarput, suliassanullu tamanut peqataassaatit, atortut nivinngaavissaanik nutaamik sananeq, illumut qummeqqat qisuit, silaannarissarfik 1 tonnimik oqimaatsigisup aserfallatsaaliornera assersuutigalugulu kaavittunik misissuineq.
Nukissaqarlutit takkutissaatit
Ilinniarnissamut ilinniartitaanissamut aamma suliatit pillugit nalilersortinnissamut piumassuseqarnissat pingaaruteqarpoq. ”Peqataarusunnerit” ilisimasanullu soqutiginnittuunerit malugisinnaarusupparput. Taamaasiornikkut suliffeqarfitsinni eqqortumut inissinneqarnissat oqinnerussaaq.
Atorfimmut tunngasut:
Suliffimmik misiliininni akissarsiaqartissavatsigit.
Najugassannik tunisinnaanngilatsigit, illoqarfimmili ilinniartut inaataannut siunnersornissannik piareersimavugut, taamaanngippat akornatsinni nalunngisavut ikiorsinnaavaatit ineeqqamik ujarlerniaruit. Aningaasaliisussanik ujartuinissannut kaammattussavatsigit, taamaasillutit angalanissannut aningaasaliiffigineqarniassagavit.
Oqaloqatigiinnerit ingerlaavartumik ingerlanneqassapput, taamaattumik soqutigisatit, suliffimmik misiliineq sunaanersoq piffissartaalu ersarissumik oqaatiginissai pingaaruteqarpoq.
Paasisaqarnerorusuppit?
Suliffik pillugu apeqqutissaqaruit uunga mailersinnaavutit; hr@nukissiorfiit.gl
Tusarfiginissat qilanaaraarput!
”Atorfimmut qinnuteqarit” toorlugu qinnuteqarsinnaavutit.
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik, kiassarnermillu pilersorpaa. Ataatsimoorluta sullitatsinnut iluaqutaasussanik akikinnerpaamik pitsaanerpaamillu aaqqiissutissanik sulissuteqartuaannarpugut. 2020-mi ataavertumik tunngaveqartumik nukissiuutinit innaallagissamut, imeqarnermut kiassarnermullu 70 %-it tunisimavagut. 2030-p tungaanut 100 %-imik ataavartumik tunngaveqartumik nukissiuuteqarnissarput sulissutigivarput. Nukissiorfiit sulisuminut 400-unut tamanut sinaakkutassat pitsaanerpaat pilersissimavaat.
Qinnuteqarnissamut killissarititaasoq: decembarip 29.-at, 2025