Atorfik pillugu
Datanik ingerlatsisoqarfimmi pisortatut (Datamanagementchefitut) aaqqissuussiffiup tamarmiusup killeqarfii qaangerlugit Nukissiorfiit datanik periusissialikkatut pitsaanerpaaffeqartutullu suliaqarnissaata qularnaarnissaanut qitiusutut inissisimaffeqassaatit. Aaqqissuussiffimmi katitigaallunilu inuiaqatigiinni pinngitsuugassaanngitsumi datanik aqutsinerit, datat pitsaassusiannik, datanut attaveqaasersuutinut, aamma suliffiup aqutarineranut (governancimut) ineriartortitsinermut toqqammaviliinermullu akisussaaffeqassaatit.
Atorfik nutaatut pilersitaavoq, ilinnullu pisortaqatigiiffimmi datanit ingerlatami, digitaalinngortitsiartornermi, ilisimasanillu sunniuteqarluartumik iluaquteqarnermi toqqammavigisanik malunniuteqarnissannut periarfissanik tunissavaatit.
Akisussaaffeqarfitit pingaarnerpaat
- Nukissiorfiit datanik ingerlatsivimmi pilersaarusianik ineriartortitsillunilu atuutsitsilerneq
- Datanik aqutsinissamut toqqammavissanik pilersitsillunilu aserfallatsaaliuinerit (governance, inissisimaffiit, najoqqutassat ingerlattakkallu)
- Datat pitsaassusiannik, datat isumannaassusaannik, aamma naapertuutsitaanerannik (compliancimik) qaffasissumik isumannaarineq (ilaatigut GDPR-imut, inatsisinullu atuuttunut naleqqiullugit)
- Niuerfimmik aalajangiinissamut tapersersuutitut datanik tatiginartunik, aalajangiussanik, piffissamillu eqquisunik tapersersuuteqarneq
- Datanik pisariaqartitsinernut atuinernullu tunngasunik IT-mik, niuerfimmik pisortaqatigiiffimmillu suliat killeqarfiinik qaangiisunik suleqatigiinnermik ingerlatsineq
- Masterdatanik datanillu iluserisanik atuilluni suliaqarnernik aqutsinerit
- Suliniutit datanut attuumassutillit ataqatigiissaarneri, ilanngullugit digitaalinngorsaaneq, BI, aamma imminik ingerlataqartitsisarneq
- Immikkut ilisimasalinnik suleqatigiinnik inuttakitsunik pilersitsillunilu aqutsineq (ajornanngippat atorfiup ineriartornera malillugu).
Kinaanerit
- Nangitsilluni attuumassutilimmik ilinniagalik (soorlu cand.it., cand.merc., ingeniøri imaluunniit assingusumik)
- Datanik ingerlatsinermik (datamanagementimik), datanut attaveqaasersuutinik imaluunniit BI-mik ukiuni arlalinni misilittagalik
- Datani teknikkip aamma niuernermut tunngasutigut ilaasunik aserujaatsunik paasisimasalik
- Datanik aqutsinermik, metadatanik, datat pitsaassusiinik, aamma paasissutissanik isumannaatsuutitsinermik misilittagalik
- Periusissianut tunngasunut isumaliortuusoq, taamaalisukkullu ingerlanniakkat piviusutigut ingerlanneqalertinnissaannut pikkoriffilik
- Suleqatiginnillaqqissusilik, aamma sammisat katitigaasut paasiuminartumik nassuiarsinnaanerinut piginnaasalik
- Pilersuiffittut immikkoortoqarfimmik, nukissiornermik, imaluunniit pisortat ingerlatseqatigiiffiinik misilittagaqarneq iluaqutaassaaq – piumasaqaataanngilarli.
Makku neqeroorutigaagut
- Suliffeqarfimmi inuiaqatigiinnik napatitsisumi allanngoriartortumi pinngitsuugassaanngitsutut inissisimaffik
- Naqqanit datanik ingerlateriaatsimik pilersitaqarlunilu ilusilersuinissamut periarfissaq
- Sulianut tunngasutut avatangiisit nukittuut, aamma pisortaqatigiinnut qanimut suleqatigiinnikkut attuumassuteqarfigisaq
- Suliffik isumaqarluartoq, inuiaqatigiinnut tunngasutigut annertuumik pingaaruteqartoq.
Aningaasarsianut atorfinitsitaanermullu atugassarisat
Atorfininneq Naalakkersuisut, aamma attuumassutilittut sulisartut kattuffiata akornanni isumaqatigiissut atuuttoq najoqqutaralugu pissaaq.
Atorfik qaammatinik pingasunik misilitsiffeqarpoq.
Atorfimmut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarneq aqqutigalugu inissiamik peqariissappat sulisunut inissiamut innersuussutaasumut pisinnaatitaaffik pigiinnarneqassaaq.
Annertunerusunik paasissutissiinerit:
Qullersarissavat aningaasaqarnermut pisortaq: Pætur Jørðdal Niclasen.
Atorfimmut apeqqutissaqaruit e-mailikkut attaviginissatsinnut tikilluaqqusaavutit, ugguuna: pnicl@nukissiorfiit.gl imaluunniit oqarasuaatikkut: (+299) 522674
Apeqqutit nalinginnaanerusut HR-ip immikkoortoqarfianut saaffiginnissutaasinnaapput, ugguuna: HR@nukissiorfiit.gl
Qinnuteqaat
Atorfik pissanganartoq soqutigiviuk, imaluunniit pisarialittut piginnaaneqartuunerit isumaqarfigaajuk? Taava sapinngisamik piaarnerpaamik qinnuteqaatit CV-llu uagutsinnut nassiutikkit.
Tusarfiginissat qilanaaraarput.
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup sapinngisamik annertunerpaajunissaa pillugu nunatsinni naalakkersuisut anguniagaqarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: decembarip 15.-at, 2025