Nukissiorfiit teknologeertik minguitsunngorsaleruttorpaa, tassani seqineq, anori, erngumik nukissiuut batteriillu nukissiuuteqarnermut pilersuinermi inittoraluttuinnarlutik. Illoqarfiit nunaqarfiillu 67-it immikkut innaallagissamut attaveqaateqartut suli dieselimik sarfaliuut pingaarnertut sarfaliuutitut aamma qamittoortoqartillugu sarfaliuutitut pisariaqartippaat. Hybrid-inut innaallagissamik tunisassiornermi ingerlatsinermut siunnersortitut immikkoortumi ineriartortitseqataassaatit, dieselimillu innaallagissamik tunisassiorneq aamma batteriinik immikkoortitsiviit suliarisalissallugit.
Taamaattumik pisariaqartippatsigit, ilisimasatit misilittakkatillu aallaavigalugit suliffeqarfimmik kivitseqataasinnaagavit. Taamaattumik oqallorinnissat pingaaruteqarpoq, taamaasilluni suleqatissatit tamarmik piginnaasannik atorluaasinnaaniassammata.
Suliassatit pingaarnerit
- Suleqatigiinnut aqutsisunik ingerlatsinermi ajornartorsiutit pillugit avitseqateqarneq
- Suleqatissat ilisimasallit peqatigalugit ingerlatsinermut aserfallatsaaliuinermullu maleruagassanik suliaqarneq, aningaasaliiffigineqaqqittussatut aamma aserfallatsaaliuinermut pilersaarutit ilaallutik
- Sanaartugassanut iluarsartuullugu pilersaarusiani paasissutissat tekniskiusut kukkunersiorlugit
- Nukissiorfiit innaallagissamik nioqqusiornerata ineriartornera qulakkeerlugu
Suliffinnik misilittakkatit, ilinniakkat soqutigisatillu apeqqutaallutik, atorfimmi suliassavit imarisaanut sunniuteqarnissannut periarfissaqarputit. Atorfik siammasissuuvoq, tassani ingerlatsineq kisimi nakkutiginagu, periusissianik ineriartortitsinermut tapersiisinnaagavit.
Suut naatsorsuutigisinnaavigit?
Nuummi Qitiusumik Allaffeqarfimmi tunisassiornermut kiffartuussiviata immikkoortortaqarfiup Kalaallit Nunaat tamakkerlugu kiffartuuppaa. Teknikkikkut suliaqartunut ilanngutissaatit, tassanilu ilaatigut VE-meersut, erngup nukissiuutaaneersut, innaallagissamik nassiussuinermeersut Sertica-meersullu ingerlatsinermi siunnersuisut suleqatigissavatit.
Immikkoortortami suliaminnut ilisimasaqarluartunik suleqateqalissaatit. Suliffeqarfimmi ilisimasartuutut inissisimassaatit, suliffeqarfimmilu immikkoortortat akimorlugit suleqatigiinneq pitsaasoq pilersinneqartassalluni. Aammattaaq suliffeqarfimmut sulisunik ingerlalluartitserusuttumik, sammisaqartitsisumut sulinerullu nalaani timimik atuinissamut neqerooruteqartumut peqataalernissat qilanaarisinnaavat.
Nuummi suliffiup avataani sammisassaqarnissannut periarfissagissaassaatit. Sisorarneq, pisuttuarneq, qajartorneq umiatsimilluunniit kangerlunni angalaarneq soqutigigukku. Nuuk arlalinniik pisiniarfeqarlunilu piorsarsimassutsikkut neqerooruteqarpoq, taamaasillunilu Nunarsuarmi illoqarfiit pingaarnerpaani mikinersatut misiginartarluni.
Sulilersikkusutarput
- dieselitortumik innaallagissamik tunisassiornermut misilittagaqarlutillu ilisimasaqartutit, assersuutigalugu siornatigut umiartorluni maskinmesteriusimanermi.
- SRO aamma SCADA-systemit ilisimasaqarfigilluaritit
- innaallagissamik immikkut pilersuinermi systemit matoqqasunik misilittagaqarneq
- Hybrid-inut systemit arlalinnit nioqqusiortartut ilisimasaqarfigigitit
- Oqaatsitigut allattariarsornikkullu attaveqarnissamut piginnaasaqartutit
- Paasissutissanik katersinermut misissueqqissaarnermullu misilittagaqartutit
- Teknikkikkut qaffasinnerusumik ilinniagaqartutit (maskinmesteri, maskiningeniør assigisaaluunniit)
Atorfik ataqatigiissaakkatut suliassanik imaqarpoq, taamaattumik suliassat arlallit ataatsikkut suliarinissaannut sapinnginnissaa pingaaruteqarpoq. Aammattaaq iluaqutaassaaq, piumasaqaataananili, kalaallisut danskisullu oqaaseqarsinnaaguit.
Atorfimmut piumasaqaatit
Akissarsiat atorfininnerlu pillugit maleruagassat atuuttut naapertorlugit inissinneqassapput. Qaammatit pingasut suliffimmik misiliisoqassaaq.
Atorfininneq piaartumik aallartinneqarsinnaavoq, neriuppugullu ulloq 1/1-2026 imaluunniit 1/2-2026 aallartissinnaassasutit.
Illit suleqatissarivatsigit?
Taava qinnuteqaatit ”Atorfimmut qinnuteqarit” aqqutigalugu piaartumik ulloq 15. decembari 2025 tikitsinnagu nassiuguk. Oqaloqatigiinnerit tulleriiaarlugit ingerlanneqassapput.
Atorfiup imarisai suliassartaalu pillugit apeqqutissaqaruit, taava immikkoortortami aqutsisoq, Lars Schütt oqarasuaat +299 258990 imaluunniit larss@nukissiorfiit.gl aqqutigalugu attaveqarfigiuk. Akissarsiat atorfillu pillugit piumasaqaatinut apeqqutissaqaraanni; hr@nukissiorfiit.gl-imut nassiunneqarsinnaapput.
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik, kiassarnermillu pilersorpaa. Ataatsimoorluta sullitatsinnut iluaqutaasussanik akikinnerpaamik pitsaanerpaamillu aaqqiissutissanik sulissuteqartuaannarpugut. 2020-mi ataavertumik tunngaveqartumik nukissiuutinit innaallagissamut, imeqarnermut kiassarnermullu 70 %-it tunisimavagut. 2030-p tungaanut 100 %-imik ataavartumik tunngaveqartumik nukissiuuteqarnissarput sulissutigivarput. Nukissiorfiit sulisuminut 400-unut tamanut sinaakkutassat pitsaanerpaat pilersissimavaat. Paasisaqarnerorusukkuit www.nukissiorfiit.gl alakkaruk.
Qinnuteqarnissamut killissarititaasoq: decembarip 12.-at, 2025