Suliffiinnaanngilaq, inooriaasiuvoq! Soorlu avataani suliffik, imartaqanngiinnarluni.
Nukissiorfiit Kangerlussuarmi piginnaasalimmik, toqqissisimasumik sinaakkutalimmi misilittaarusumik, Ingerlatsinermut akisussaasumik suleqatigiinnut aqutsisussarsiorpoq. Innaallagissamut, imeqarnermut kiassarnermullu nioqqusiornerni nassiussuinernilu immikkoortortamik ataatsimik arlalinnilluunniit akisussaaffeqarsinnaavutit, tassani soqutigisatit kisimik apeqqutaassapput. Immikkoortortami pineqartumik allaffissornikkut ingerlatsineq suliassartaalu akisussaaffigissavatit.
Maskinmesterit marluuvugut, sulisut pingasut eqqiaasorlu ataaseq. Sulisunut malittarisassaqarpugut, ima paasillugu, sulissaagut pisariaqartinneqarfitsinni, immikkoortoqarfiit akornanni ataatsimoorluta.
Kangerlussuarmi pinngortitaq ulluinnarni atorluarneqartarpoq, ukiukkut qimussernermut, qamutilinnik angalaarnermut arpaaserluni pinngortitamiinnermut atorneqakkajuttarpoq, aasaaneranilu pisuttuarnerpassuit, piniarnerit Kangerlussuullu pinngortitarsuani ATV’eernissamut periarfissaqarneq periarfissanut ilaallutik. Kangerlussuarmi inuuneq illoqarfinnit allaniit allaaneruvoq, aqqusernullu sinai neriniartarfinnik assigisaannillu takussaasoqarani pinngortitarsuaq kisimi misileraaffiusinnaasoq soqutigigaanni periarfissagissaarluni orninneqariaannaavoq.
Suliffimmi suliassat
Suliassatit pingaarnerit tassaapput, Kangerlussuarmi ingerlatsinermi innaallagissamik, erngumik kiassarnermillu pilersuinerup qajannaatsuullunilu allanngujuitsuunissaanut isumannaarisarneq. Qeqqata immikkoortoqarfiani pisortamit malitassat nalunaarutigineqarnikut, ilinniartissutigineqarnikut ilitsersuutillu malillugit aqutsisut, ilisimasat, isumannaallisaaneq aamma allaffisornikkut ingerlatsinermi suliniutit allat pisariaqartinneqartut pillugit aallartiineq ineriartortitsinerlu.
Ingerlatsinermi akisussaasutut suleqatigiinnut aqutsisup akisussaaffigaa, immikkoortortami ingerlariuseq suleriutsinullu inatsimmik atuuttumik malitaqarlutillu suleriuseqartartut, ingammik:
- Kangerlussuarmi aqutsisut illoqarfimmilu suleqatigiinnut aqutsisut inerlatsinermilu sulisunnik ingerlatsineq ineriartortitsinerlu
- Kangerlussuarmi innaallagissamik, imermik kiassarnermillu teknikkikkut ingerlatsinermi aamma aningaasaqarnikkut akisussaaffilimmik atuineq
- Kangerlussuarmi pilersaarusiornermut, ataqatigiissaarinermut ingerlatsinermilu aningasaqarnermut ikorfartuillunilu suleqataaneq
- Immikkoortortami avataaniillu sulisut sulianik suliaqarnermi suleqatigiinnissaannut ikorfartuineq
- Ulluinnarni suleqatigiinnut aqutsisut Nukissiorfiit suleriusai malillugit sulinissaannut akisussaaffeqarneq
- Immikkoortortami pisortap innersuussutai malillugit suliaqarneq
Suleqatissarput:
·Maskinmesteritut ilinniarsimasuussaaq.
·Pilersaarusiornissamut aaqqissuussinissamullu piginnaasaqassaaq
·Imeqarfimmi sarfaliuutinik, kissarsuut uuliatortunik kiisalu qaffasissumik appasissumillu nassiussuinermi atortunik ingerlatsinermut kukkunersiuinermullu misilittagaqaraanni iluaqutaassaaq
·Suleqateqarnissamut piginnaasaqartoq, aammalu kisimiilluni sulisinnaasoq
·Biilernermut allagartalik
·Pisuni unamminartuni eqqissisimasinnaassaatit
·Kalaallisut, tuluttut danskisullu oqalussinnaaguit iluaqutaassaaq, piumasaqaataananili
Neqeroorutigisinnaavarput:
Inuiaqatigiinnut pigaarutilimmik suliffeqarfik inissisimasumiilissaatit, tassanilu pikkorissut, allanngujaatsut ulapporissullu suleqatigilissavatit. Suliffeqarfimmi pingaarutilimmik inissisimalissaatit, sullarissut suleqatigalugit angusaqarluartassallusi.
Nukissiorfimmi ulluinnaat immikkoortut akornanni suleqatigiiffiusut naatsorsuutigisinnaavatit. Ullut tamaasa suliassat allanngoraartut, suleqatillu tunuliaqutai assigiinngitsut, tamarmik immikkut ilisimasaqarlutillu piorsarsimassutsimikkut assigiinngissuseqartut suleqatigisassallugit. Nukissiorfiit suliffeqarfiuvoq, aalajaatsoq, ilisimasanik inuttullu ineriartornissamut pingaatitsisoq.
Akissarsiat atorfillu pillugit piumasaqaatit
Akissarsiat atorfiilu pllugit Naalakkersuisut peqatigiiffillu ilaasortaaffigisap maleruagassai atuuttut naapertorlugit inissinneqassapput.
Atorfimmut atatillugu najukkamik innersuussaqanngilaq.
Paasisaqarnerorusuppit?
Paasisaqarnerorusukkuit Immikkoortortami pisortaq Jan Zachariassen mail: jbz@nukissiorfiit.gl aqqutigalugu imaluunniit oqarasuaat +299 867208-mut saaffigisinnaavat
Apeqqutit nalinginnaanerusut HR-ip immikkoortoqarfianut, hr@nukissiorfiit.gl-imut nassiunneqassapput.
Qinnuteqarnissamut killissarititaasoq: novembarip 28.-at, 2025