Nuummi Nukissiorfiup Qullersaqarfiani HR-ip immikkoortoqarfiata illit sulisunut tunngasunik suliaqartartutit, pisortanillu siunnersuisarnermik pimoorussisutit pisariaqartippaatit. Suleqatigiit ilaattut ingerlatsinermut ineriartortitsinermullu suliassaatitsinnut arlalinnut akisussaaffeqalissaatit.
Suliassatit pingaarnerit tassaassapput:
- Sulisunut tunngasunik suliassanik isumaginninnerit.
- Atorfiit inuttaligassat nittarsaassutiginerinut inuttassarsiuinermullu atatillugit ilalersuuteqarnerit, ilanngullugit atorfinitsitaanermut isumaqatigiissutinik il.il. suliaqarnerit.
- Pisortaqarfiit inissisimaffiinik tamanik pisortanik suleqateqarnerit/siunnersuisarnerit, ilanngullugit paasisitsiniaanermik atortussanik assigiinngiiaartunik suliaqarlunilu paasisitsiniaanerit.
- Isumaqatigiissutit oqaasertaannik nassuiaasarnerit.
- Suliffeqarfimmi killeqarfiit qaangerlugit piginnaanngorsaanerit.
- Aningaasaqarnermut Sulisoqarnermullu Aqutsisoqarfimmi innersuussissutinik suliaqarnerit.
Atorfigisanit misilittagaqarnitit, ilinniagarisatit soqutigisatillu apeqqutaallutik atorfippit imarisaasa sunniiviginissaanut periarfissaqarputit.
Makku neqeroorutigisinnaavavut:
Tassaalissaatit HR-imi siunnersuisartut pikkorissut arfinillit, ilinniartullu ataatsip suleqatigiiusut ilaat, HR-imilu pisortaq qullersarissavat.
Uagutsinni ataatsimoorullugit suliassatsinnik kivitsisarfigut, aamma sulianut tunngasutut eqimattut immikkoortoqarfiillu killigisaat qaangerlugit suleqatigiiffigut ullut atugarisassat naatsorsuutigisinnaassavatit. Tamaaniipput suliassat amerlallutillu assigiinngiiaartut, suleqatitillu assigiinngitsorpassuarnik tunngaveqarlutik tunisisuusarput.
Nukissiorfiit tassaavoq suliffeqarfik savitooq, tamaanilu sulianut tunngasutut inuttullu ineriartortitsineq pingaarnersiugaraarput.
Sungiussiasutut peqqinnartutullu suliffeqarfitsialaanissaq pimoorussaraarput. Ilanngullugu Nukissiorfiit ilaatigut nikerartumik suliartortarnermik aaqqiissummik peqarpoq, kantiinatsialaqarluni, aamma sulinerup nalaani timigissartarfeqarluni.
Ujarpatsigit ima ittuusutit:
- Attuumassutilimmik ilinniagaqarnikkut tunngaveqartoq, ajornanngippat nangitsilluni ilinniagalik
- HR-imit misilittagalik, ilanngullugit pisortaqarfiit iluini isumaqatigiissutinik malittarisassianillu ilisimasaqartoq. Tamannali piumasaqaataanngilaq
- Qarasaasialerillaqqisoq, ajornanngippallu HR-imi aaqqiissummik MindKeyimik ilisimasalik
- Oqaatsinik marlunnik kalaallisut/danskisut piginnaanilik – tamanna iluaqutaassalluni, piumasaqaataanngilarli
- Piginnaanngorsaanerup iluani misilittagalik.
Suliffeqarfimmi siamasissumut tikitaqartalissaatit, taamaattumillu inissisimaffinni tamani suleqatit attaveqaqatigisinnaallugillu suleqatigisinnaassavatit.
Akisussaaffinnik sianiginnittuunissat, suliartortuartartuunissat, aammalu suliarisannik tikitaqartarninni pilersitserusuttuunissat naatsorsuutigaarput.
Atorfinitsitaanermi atugassarisat
Aningaasarsiat atorfinitsitaanerlu isumaqatigiissut attuumassuteqarlunilu atuuttoq najoqqutaralugu.
Qaammatini pingasuni misilitsiffeqarpoq.
Atorfimmut sulisunut inissiamik innersuussisoqarsinnaanngilaq.
Ukiut atorfeqarfigisat piginnaasallu eqqortut pigigaanni specialkonsulentitut tapit pillugit qinnuteqarnissamut periarfissaqarpoq.
Ingerlattuakkatsinnik oqaloqateqarnissamut aggeqqusisarpugut.
Sapinngisamik piaarnerpaamik isumaqatigiissut malillugu atorfininneq.
Tassaavit suleqat ujagarput?
Taava ”Atorfik pillugu qinnuteqaat” aqqutigalugu qinnuteqaatit piaarnerpaamik nassiuguk.
Atorfiup imarisaanut, atuuffigisaanut, aningaasarsianut atorfinitsitaanermilu atugassarisanut apeqqutissaqaruit attavigissavat HR@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta atuisartutsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamut, imermut kiassarnermullu tunisinitta 70 %-ia nukissamit atajuartumit pivoq. 2030-p tungaanut nukissap atajuartup tamakkiisuunissaa sulissutigaarput. Nukissiorfiit iluani sulisunut 400-nut tamanut toqqammavinnik pitsaanerpaanik pilersitsiniarnerput iluatsitsivigaarput. Uagut pilluta uani annermik atuarit: www.nukissiorfiit.gl
Qinnuteqarnissamut killissarititaasoq: decembarip 8.-at, 2025