Nukissiorfiit sulianik immikkoortortaqarfia sulianik aqutsisussarsiorpoq, aqutsisussallu aningaasaqarneq, inatsisilerineq, teknik aqutsinerlu sanatitsisutut suliaqarnissani soqutigissavaa.
Nukissiorfiit sanaartornermi atortulersuutinillu, pilersuinissamut isumannaarisumik pitsaanerpaamillu nioqqusiornissamut, annertuumik Kalaallit Nunaat tamakkerlugu suliaqartarpoq. Sulianut aqutsisutut sulianik allattoqarfimmi atorfinissaatit, tassanilu sulianik aqutsisut eqimattat milittagaqarluartut suleqatigilissavatit. Suliassat annertussutsimikkut assigiinngillat ilaatigullu ledninginik attavilersuinernik, imermik innaallagissamillu nukissiorfiit erngull nukissiutaannik suliaqarnernik imaqartarlutik.
Suliat arlalitsigut amerlasuunik soqutigineqartarput, taamaasillutillu pisortat suliffeqarfiillu aamma inuiaqatigiinni aningaasaqarnermut isiginnittariaaseq ataqatigiissaarlugit suliassaasarlutik.
Neriuutigaarput, sulianik aqutsisutut pikkorissutut:
·Teknikkikkut ilinniarsimasuussasutit
·Teknikkikkut paasisimasaqarlutillu piffinnut nutaanut nalimmassarsinnaassasutit
·Attaveqarnissamut oqaloqateqarnissamullu piginnaasaqarluassasutit
·Ataqatigiissaarinissamut tamanillu ataatsimut takunnissinnaanermut pikkoriffeqartutit
Iluaqutaassaaq, illit:
·Sulianik aqutsisutut misilittagaqarnissat
·Isumaqatigiissusiornissamut aqutsinermut misilittagaqartutit
·Pisiortorfinnik, sanaartugassanik suliassinneqartartunik allanillu suleqatissanik aqutsinermik misilittagaqartutit
·Suliat aningaasaqarnerisa aqunneqarnerinik milisilittagaqartutit
·AP 95 ilisimasaqarfigigit pilersuinermullu atortulersuutit misilittagaqarfigigitit.
·Sulianik aqutsisutut IPMA-mik akuersissuteqartutit imaluunniit allanik sulianik aqutsinermut akuersissuteqartutit
Sulianik aqutsisumit aqutisutut atorfinissaatit. Sulianik suliaqarnermi aqutsisutut suleqatigiinnut siulersuisumut imaqarnersiuisassaatit, taannalu sumiiffimmi ingerlatsinermut pisortaakkajuttarpoq. Sulianik aqutsisutut suliami suleqatigiit, suleqatitit Kalaallit Nunaallu tamakkerlugu suleqatit, ulluinnarni ingerlanerannik isumaginnittuullutillu aqutsisuussaatit. Aammattaaq suliani aaliangiisariaqarfiit tunngavissaat pisariaqartinneqartut naammassillugillu eqqumaffigisassallugit.
Neqeroorutigaarput:
- Suliffik pissanganartoq, namminerlu aqutsisinnaaffiulluni aalingeeqataaffiulluartoq, kiisalu ulluinnarni sulianik ingerlatsinermi pingaarnersiuillunilu tulleriiaarinissamut sunneeqataanissamullu periarfissaqartoq.
- Suliffik allanngorartoq, ineriartorfigilluarsinnaasat, ilisimasatigut inuttullu
- Suliffik pikkorissutsimik tunniusimanermillu kulturilik
- Ataatsimoorneq atugarissaarnertaqarlunilu suliffimmik nuannarinninnermik naleqartitsisoq
- Pinngrotitaq avatangiisillu assigineqanngitsut
Akissarsiat atorfillu pillugit piumasaqaatit
Akissarsiat atorfiilu pllugit maleruagassat naapertuuttut atuuttullu atorneqassapput.
Maleruagassat naapertuuttut tunngavigalugit pisataqanngitsumik suliffimmut atatillugu najugassannik neqeroorfigisinnaavatsigit. Namminersorlutik Oqartussat aqqutigalugit suliffinnit najugaqareeruit paariinnarsinnaavat.
Atorfininnermut soraarniuteqarnermullu angalanermut maleruagassat naapertorlugit tapiisoqarsinnaavoq.
Sulianut aqutsisunngorusuppit?
Taava qinnuteqaatit ”Atorfimmut qinnuteqarit” aqqutigalugu piaarnerpaamik nassiuguk, kingusinnerpaamik ulloq arfininngorneq ulloq 29. novembari 2025.
Atorfik pillugu paasisaqarnerorusukkuit sulianik aqutsisoq Ole Ziemer olzi@nukissiorfiit.gl aqqutigalugu imaluunniit oqarasuaat +299 55 88 80 aqqutigalugu attaveqarit. Akissarsiat atorfinitsitsinermullu piumasaqaatit pillugit apeqqutissaqaruit hr@nukissiorfiit.gl-mut nassiunneqarsinnaapput
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik kiassarnermillu pilersorpaa. Kalaallit Nunaannut sullitatsinnullu imminut akilersinnaanissaa sulissutigisuaannarparput. Ingerlatsinermi isumannaassuseq, mingutsitsinngitsumillu pilersuilluarsinnaaneq pitsanngorsarlugit sulissuteqartuaannarpugut. Paasisaqarnerorusukkuit www.nukissiorfiit.gl-imi misissuisinnaavutit
Qinnuteqarnissamut killissarititaasoq: novembarip 30.-at, 2025