Kalaallit Nunaanni mingutsitsinngitsumut ikaarsaariarnermik ingerlataqarnermi peqataarusuppit? Nunap immikkoortua Nuummut Nukissiorfiit suliniutinut ataqatigiissaarisutut atorfimmut inuttassarsiuivoq.
Ataatsimut isiginniffimmik pilersitsillaqqippit, suliassanik katitigaasunik ataqatigiissaarisinnaavit, aamma suliniutini siuarsarnermik qularnaarisinnaavit? Kalaallit Nunaanni mingutsitsinngitsumut ikaarsaariarnermi qitiusumi inissisimaffilittut aaqqissuussiffimmi suleriaatsinik ineriartortitsineq pitsaanerpaanngorsaanerlu peqataaffigerusuppigit? Taava immaqa tassaavutit Nukissiorfinni suliniutinut ataqatigiissaarisutut atorfimmut nutaamut ujagarput.
Atorfik pillugu
Nunap immikkoortua Nuummi suliniutinut ataqatigiissaarisutut tassaalissaatit sanaartukkatut ingerlatatullu suliniutitsinni ilutsip, siuarsarnerit, pitsaassutsillu qularnaarnissaannik suliaqarnerni pinngitsuugassaanngitsutut inuk. Nunap immikkoortuani pisortamik, suleqatigiinnut aqutsisunik, aamma suleqatinik, Nuummi Nukissiorfimmi kiffartuussivimmi (Energitjenesten (EGT)), aamma qullersaqarfimmi (HKT), tamarmik Nuummi aamma inissisimasunik qanimut suleqateqassaatit.
Inissisimaffimmik siamasillunilu tamatigoortumik pissarsissaatit, tassanilu suliassat teknikkimut allaffissornermullu tunngasut suliaqarfigisassavatit – aammalu immikkoortoqarfiit killeqarfii qaangiallugit assigiissaartumik sunniuteqarluartumillu sulinissatsinnik isumannaareqataassaatit.
Suliassatit ilaatigut makkuujumaarput:
- Nunap immikkoortuani sulisariaatsinik tapersersuillunilu pitsaanerpaanngorsaaneq – suleqatillu taakkununnga ilinniartinneri
- Suliniutinut ingerlatanut nunap immikkoortuanut pisortap ataatsimut isiginniffimmik ikiornera
- Ingerlataqarnissanik pilersaarutinik suliaqarlunilu malitseqartitsisarnerit
- Suliffiup iluani avataanilu suliallit akornanni ataqatigiissarinerit – aporfissanillu piiaanerit
- Aningaasaqarnermik aqutsinerit, aamma nammineq suliniutigisat pillugit nalunaarusiortarnerit
- Serticami aserfallatsaaliuinissamut periusissianik pilersaarutinillu suliaqarnerit
- Uppernarsaasarnerit toqqorterisarnerillu
- Pigaartuusutut aaqqiissummi upalungaarsimaffimmilu peqataasinnaanerit
- Sulianut tunngasunik nakkutiginninnerit suliarisanillu aqutsinerit
- Innaallagissamut aqqusersugarisinnaasanik suussusersinerit – soorlu Utoqqarmiut Kangerluarsunnguanni erngup nukinganik nukissiorfimmit sinnilimmik sarfamik tunisinernut atatillugu.
Ima ittuunissat naatsorsuutigaarput:
- Qaffasinnerusumik teknikkimut tunngasumik ilinniagalik (ingeniøri, maskinmesteri, el-installatøri assingusorluunniit)
- Teknikkimut siamasissumik ilisimannittoq
- Suliniutinik aqutsinermik, aamma aningaasaqarnermik/isumaqatigiissutaasunik aqutsinernik misilittagalik
- Tulleriiaariniartutut misissueqqissaarisutullu sulisartoq – suliassarpassuarnut ataatsimut isiginniffeqarsinnaasoq
- Suleqatiginnillaqqissoq, aammalu suliffiup iluani avataanilu suliaqartunik paatsuugassaanngitsunik attaveqaqatiginnissinnaasoq
- Kalaallit danskillu oqaasiinik oqaluttoq
- Serticamik ilisimannittoq (iluaqutaavoq, piumassaqaataananili)
- Microsoft Officemi katersanik misilittagalik.
Makku neqeroorutigaagut:
- Aaqqissuussiffimmi annertuumik inuiaqatigiinnut tunngasunik pingaarutilimmiilluni atorfik pissanganarlunilu tamatigoortoq
- Nunami assissaqanngitsumi suliniutinik assissaqanngitsunik suliaqarnissamut periarfissaqarfik
- Suliffik suleqatinik pikkorissunik pimoorussisunillu pilik, tamaani suleqatigiinneq ineriartornerlu sammisarineqarlutik
- Kalaallit Nunaanni mingutsitsinngitsumut ikaarsaariarfimmi inissisimaffik pingaarutilik
- Aallartisarnerup nalaani inissiarigallagassaq aaqqissuunneqarsinnaavoq.
Aningaasarsiani atorfinitsitaanernilu atugassarisat
Atorfinitsitaaneq Naalakkersuisut, attuumassutilittullu sulisartut kattuffiata akornanni isumaqatigiissut atuuttoq najoqqutaralugu pissaaq. Atorfik qaammatinik pingasunik misilitsiffeqarpoq.
Annertunerusumik paasissutissat
Qullersarissavat nunap immikkoortuani pisortaq Henrik Emil Voss Gundersen.
Atorfimmut apeqqutissaqaruit e-mailikkut attaviginissatsinnut tikilluaqqusaavutit, ugguuna: hegun@nukissiorfiit.gl imaluunniit oqarasuaatikkut: (+299) 557400.
Apeqqutit nalinginnaanerusut HR-ip immikkoortoqarfianut saaffiginnissutaasinnaapput, ugguuna: HR-afdelingen@nukissiorfiit.gl.
Qinnuteqaat
Qinnuteqaatit, CV-t, ilinniagaqarnermut uppernarsaatit assingi, ajornanngippullu najoqqutarisat uunga nassiutikkit: HR-afdelingen@nukissiorfiit.gl
Nukissiorfiit pillugu annermik atuarit ugguuna: www.nukissiorfiit.gl
Nukissiorfiit pillugu
Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.
Qinnuteqarnissamut killissarititaasoq: novembarip 11.-at, 2025