Skibsmontøritut ilinniartoq, Nukissiorfiit Nanortalik
Kalaallit Nunaanni ilinniagaqarnermi tiguneqarsimasumik skibsmontøritut ilinniartumik nunap immikkoortuani Kujallermi Nukissiorfiit inuttassarsiorpoq. Nanortalimmi Nukissiorfiit praktikkerfigisinnaavatit, aammalu ilinniagaqarnerup tigussaasortaa tamaani naammassillugu. Ilinniagaqarnermik ingerlatap nalaani Nanortallup saniatigut nunap immikkoortuani illoqarfiit aamma inoqarfiit sinnerini suliassanik iluarsiinerni peqataanissamut periarfissaqassaaq. Ulluni suliffigisanni Nanortalimmut formandi qullersarissavat.
Makku neqeroorutigisinnaavavut:
Praktikkerfittut atorfik pissanganartoq, tassanilu innaallagissiorfimmi imeqarfimmilu sulisut sinneri peqatigalugit suliassat assigiinngitsorpassuit iluarsiniarlugit suliaqartussaavutit. Ilinniagaqarnermik ingerlatap skibsmontøritut ilinniagaqarnermi piumasaqaataasut tamakku malittarai, taamaalillunilu Nuummi ilinniarfimmiinnermik, aamma nunap immikkoortuani praktikkernermik tamanna imaqarpoq. Praktikkernermi suliassani assersuutigalugit makku ilaapput: motoorinik dieselitortunik isateralunilu katiterinerit, ruujorinik aaqqiissutit, silaannarmik naqitsissutitut aaqqiissutit, imermik naqitsissutitut (hydraulikkitut) aaqqiissutit, kiassaateqarfiit, nillataartitsisarfiit il.il. Logbogimik tunineqassaatit, taamaalillutit ilinniagaqarnerup nalaani suliaqarfigisannik suliassanut tunngasutut suliassaqarfinnut assigiinngitsunut tamakkununnga uppernarsaatinik pissarsissagavit.
Nunap immikkoortuani suli allanik ilinniartoqarfiusumi ikinngutigiilluarfitsialammi sullivimmi avatangiisut isumassarsinarlutillu iluarinnittuusut ilaaffigilissavatit.
Aamma ilinniagaqarnermik ingerlatap nalaani siunertanut aalajangersimasunut suliakkiisoqartassaaq, soorlu saliinernik, eqqiluisaarinernik il.il. Sullivimmi isumannaallisaanermut pissutsit tamakku malittarineqarnissaasa qularnaarnissaat Nukissiorfiit alaatsinaatarai.
Skibsmontøritut ilinniartutut imatut ittuunissat naatsorsuutigaarput:
• Skibsmontøritut ilinniagaqarnermi tunngaviusutut ingerlatamik naammassinnissimasoq, imaluunniit aallartittussaq.
• Tutsuiginarlunilu suliffimmut takkuttuartoq, aammalu nammineq ilinniagarisamut akisussaaffimmik tigusinneqataasinnaasoq.
• Soqutigisalik, nutaanillu ilinniagaqarusuttoq.
• Suliassanik assigiinngiiaarlutillu piumasaqarfiusunik atugaqarusussuseqartoq.
• Ilungersorpaluttoq, aammalu nutaanik ilinniagaqarniarluni immikkut iliuuseqarnissaminut piareersimasoq.
Atorfinitsitaaneq, aamma aningaasarsiaqarneq SIK-p isumaqatigiissutaa najoqqutaralugu ilinniartunut isumaqatigiissut najoqqutaralugu pissapput. Atorfininneq siusinnerpaamik 1. juli 2025-mi.
Nukissiorfiit pillugu ilisimatitsissutit annertunernut tunngasut, takuuk: nukissiorfiit.gl.
Atorfik pillugu paasissutissat erseqqinnerit uunga apeqqutigineqarsinnaapput:
Suleqatigiinni aqutsisoq David Geraae, oq. 531107 imaluunniit e-mail dager@nukissiorfiit.gl
Apeqqutit nalinginnaanerusut HR-ip immikkoortuanut saaffiginnissutaasinnaapput: HR@nukissiorfiit.gl
Qinnuteqaat:
Qinnuteqaat, ilanngullugit ilinniagaqarnermi tiguneqarnermut sioqqutsisumik nalunaarfiginnissut, ajornanngippat CV, ilinniagaqarsimanermut uppernarsaatit assinginik naqitat, aamma najoqqutarisat ilanngunneqassapput.
Qinnuteqarnermut killiliussaq: Marlunngorneq, ulloq 10. juni 2025
Inuttassarsiuineq sumi takusimanerlugu ilisimatitsissutigitsiariuk.
Qinnuteqarnissamut killissarititaasoq: novembarip 10.-at, 2025