Siunnersortimik pikkorillunilu tamatigoortumik suleqatissarsiorpugut. Kalaallit Nunaanni innaallagissamik, kiassarnermik imermillu pilersuinerup ingerlanneqarneranik qularnaareqataarusuppit? Taava pilersuinermut aalajangiisumik pingaaruteqarfigiligassannik suliffimmik pissanganartumik pissaqartippatsigit. Sulininni alapernaallutillu aalaakkaassuussaatit, taava suliassap kivinnissaanut piginnaasassannik pitsaasunik tunissavatsigit.
Uuttuissutinut teknikkip ilaatigut qularnaasaallugu akisussaaffigaa avataaniit qarasaasiakkut atuaasarnermik ingerlatsinerup pitsaanerpaamik ingerlannissaa. Qaammatikkaartumik Nukissiorfiit uuttuissutit misissortagai amerlanerpaat 56.000-it sinnerpai.
Suliassatit pingaarnerit tassaassapput:
- Ulluinnarni uuttuissutinik attaveqaatinik ingerlatsinermi suliarisassat
- Sulifeqarfik tamakkerlugu soqutigisaqaqatigiinnik oqaloqateqarlunilu ikiuineq
- Uuttortakkatut misissukkanik isumaginninnerit
- Suliffiup iluani suliassanik isumaginninnerit
Suliassat pissanganartorpassuit allat naatsorsuutigisinnaassavatit. Ilinniartitsinissaq aammalu ineriartorfissanut periarfitsialaat qulakkiissavagut.
Suut naatsorsuutigisinnaavigit?
Tassaalissaatit suleqatinik sulianut piginnaasalinnik inussiarnersunillu inuttaqartumi suleqatigiinni ilaalersoq. Uagutsinni ullut suliffigisat, sulianut tunngasutigut eqimattat akimorlugit, immikkoortoqarfiillu suleqatigiiffigisagut naatsorsuutigisinnaavatit. Tamaaniipput suliassat assigiinngiiaartorpassuit, aammalu suleqatit assiginngitsunik tunuliaquteqartut. Nukissiorfiit tassaavoq suliffeqarfik uninngaannanngitsoq, tamaanilu sulianut tunngasutut inuttullu ineriartorneq pingaarnersiugaraavut. Nukissiorfiit iluani piffissap atukkavit naammaannartuussannginnissa neriorsuutigaarput!
Ujarpatsigit makkuninnga piginnaanilik:
- Qarasaasiakkut aaqqissuussiffinnik paasinnittuusoq
- Teknikkimut tassanngaannillu ilisimatitsisinnaassusilik
- Namminersinnaasoq, aammalu ataatsimut isiginniffitsialaqarluni suliassat iluarsiiviginissaanni aaqqissuussisuusoq
- Akisussaassuseqarluartoq
- Suleqatiginnillaqqissoq
- Teknikkimut tunngasunik soqutigisalik
- Nangitsilluni ilinniagaqarsimasoq – soorlu Ilinniagartuutut
- Oqaatsinik marlunnik (kalaallisut, danskit) atuisinnaaneq iluaqutaassaaq
Arlalippassuarnik isumagisassaqarsinnaassaatit, aammalu suleqatiginnissinnaalluassuseqassaatit . Teknikkimut tunngasutigut tunuliaquteqassaguit, aammalu avataanit uuttortaatinik misissuisarnermik ilisimasaqassaguit assut iluaqutaassaaq.
Akissaatitigut atorfinitsitaanermilu atugassarititat
Naalakkersuisut aamma pineqartut isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu aningaasarsiat atorfinitsitaanermullu atugassarisat pissapput.
Qaammatit pingasut ingerlaneranni misilinneqarfeqassaaq.
Atorfimmut sulisunut inissiamik innersuussisoqarsinnaanngilaq. Namminersorlutik Oqartussani atorfeqarneq aqqutigalugu atorfimmut inissiamik innersuussummik peqariissaguit tassunga pisinnaatitaaffik pigiinnarneqassaaq.
Isumaqatigiissuteqarnikkut atorfinitsitsisoqassaaq.
Tassaavit suleqat ujagarput?
Taava ’Atorfimmut qinnuteqarneq!’ aqqutigalugu qinnuteqaatit piaarnerpaamik nassiuguk.
Atorfiup imarisaanut atuuffigisaanullu apeqquteqassaguit attavigiuk digitalieringschefitut inissisimagallartoq Alu Petrussen, oqarasuaammut +299 349530-mut.
Aningaasarsianut atorfinitsitaanermullu atugassat pillugit apeqqutit nalinginnaat uunga nassiunneqarsinnaapput: hr@nukissiorfiit.gl
Nukissiorfiit pillugu
Nukissiorfiit tassaavoq suliffeqarfik namminersortitaq, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup ataaniittoq. Suliffik naggataagut inuiaqatigiinnit, aamma suliffeqarfiup niuerfigisaanit pigineqarpoq. Nukissamik pilersuinerit pillugit Inatsisartut peqqussutaata 1997-imeersup, aammalu imeq pillugu assingusup 2007-imeersup nunami innaallagissamik, imermik kiassarnermillu pingaarnertut Nukissiorfiit pilersuisuuneranut toqqammavissat inissippaat. Toqqammavissatut atugassat taakku iluini, aammalu inuiaqatigiinni aningaasaqarnermi atugassarisat tamakku sianigalugit atajuartumik nukissiornermik teknologiimik aserujaatsumik pilersuinissaq, annertunerusumillu atuinissaq, kiisalu niuerfigisanut iluaqutaasussatut iluarsiissutit Nukissiorfiit sammisarai.
Qinnuteqarnissamut killissarititaasoq: septembarip 24.-at, 2025