Upernavimmi innaallagissiorfik sapinngisamik piaarnerpaamik aallartittussamik ingerlatsinermi sulisussarsiorpoq.
Upernavik kalaallit oqaasiinni isumaqarpoq ”Upernaarsiorfik”. Upernavik tassaavoq illoqarfinni avannarpasinnerpaami inissisimaffillit ilaat, qeqertaararpassuit akornanni qanga inoqarfiusut qeqqanni inissisimalluni, iluliarujussuit akornanniilluni, timmissallu millionilikkaat qilalukkallu qernertat pallikkuminaatsut tamaaniipput.
Upernavimmi inuunerit pilersiguk, tamaani ukiup qanoq ilinerani tamatigut inuuneq pinngortitarlu alutornartorsuaq, immakkut angalaaruit, qajartorlutit takusassarsioruit, qimusserlutit qamuteralallutilluunniit asiliaruit misigisassaapput.
Tassaalissaatit suleqatit sisamat, aamma suleqatigiinni aqutsisup ataatsip inuttaqarfigisaattut suleqatigiit ilaat, suleqatigiinnilu aqutsisoq qullersarissavat.
Suliassat pingaarnerpaat:
- Isumannaallisaanermi oqartussaasunillu piumasaqaatit malittarineqarnerinik isumannaarinerit.
- Maskiinani teknikkikkut ivertitikkanut ingerlatsivinnullu tunngasunik, kiisalu taakkununnga ilaasutut atortunik sakkunullu suleqatinit sulianut tunngasutigut ilinniartitaaneq.
- Upernavimmi pigaartuusartuni ilaalerneri sioqqullugu sulisunik nutaanik ilinniartitseqataasarnerit.
- Nukissiorfiit Corporate Social Responsibilitymik anguniagaanik piviusunngortitsinermut ineriartortitsinermullu peqataaqataaneq.
- Upernavimmi formandip innersuutai malillugit siunertanut aalajangersimasunut suliassat.
Ima ittuunissat/imatut piginnaasaqarnissat naatsorsuutigaarput:
- Maskinistitut, skibsmontøritut, allatulluunniit attuumassutilittut ilinniagaqarsimasoq, ilanngullugu SRO-mik ingerlatsivinnik ilisimasalik.
- Namminersuuteqarluni sulisinnaasoq, soorlulusooq suleqatigiinni sulisinnaassusilik.
- Nutaanik pilersitsisinnaasoq, eqeersimaartorlu, killilersuutit pinnagit periarfissanik takusisoq.
- Immakkut angalasinnaanermut uppernarsaammik pilik.
Imatut issaguit iluaqutaassaaq:
- Kalaallit danskillu oqaasiinik oqalussinnaallutillu allassinnaanerit.
- Biilersinnaanermut allagartaqarnerit.
- IT-mik atuisartutut inissisimaffeqartumik ilisimanninnerit.
- Immakkut angalasinnaanermut uppernarsaammik allagartaqarnerit.
Makku ilinnut neqeroorutigisinnaavagut:
- Suliffik pissanganartoq, najoqqutassialigaanngitsutut avatangiiseqartoq, tamaani suleqatigiittut peqatigiilluta suliffigisarput.
- Atorfiup imarisaata sunniiviginissaanut periarfissatsialaat.
- Inuttut, soorlulusooq sulianut tunngasunut ineriartornissamut periarfissatsialaat.
Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.
Atorfininneq qaammatini pingasuni misiliutitaqarpoq.
Atorfimmut atatillugu inissamik innersuussisoqarsinnaanngilaq
Atorfimmut tunngasunik paasisaqarnerorusukkuit una attavigineqarsinnaavoq:
Suliassat akisussaaffigisassarlu atorfik pillugu annerusumik paasisaqarnerorusukkuit Nunap immikkoortuani pisortaq Ole Karl Poulsen, e-mailikkut: olpo@nukissiorfiit.gl imaluunniit oqarasuaatikkut saaffiginninneq ugguuna: oq. (+299) 52 54 04.
Paasissutissat allat:
Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl
Nukissiorfiit pillugu
Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl
Qinnuteqarnissamut killissarititaasoq: septembarip 26.-at, 2025